ચીનના પેટમાં રેડાયુ તેલ, વૈંકયા નાયડુની અરુણાચલ પ્રદેશની મુલાકાતનો કર્યો વિરોધ, ભારતે કહ્યુ-અરુણાચલ પ્રદેશ ભારતનો હિસ્સો
બેઇજિંગે બુધવારે કહ્યું કે તે ઉપરાષ્ટ્રપતિ વેંકૈયા નાયડુની અરુણાચલ પ્રદેશની મુલાકાતનો "સખત વિરોધ" કરે છે.
દેશના ઉપ રાષ્ટ્રપતિ એમ વેંકૈયા નાયડુની અરૂણાચલ પ્રદેશની તાજેતરની મુલાકાત અંગે ચીનના વિદેશ મંત્રાલયના પ્રવક્તાની ટિપ્પણી પર ભારતે પ્રતિક્રિયા આપી છે. ભારતીય વિદેશ મંત્રાલયે બુધવારે કહ્યું કે અમે ચીનની ટિપ્પણીઓને ફગાવીએ છીએ. અરુણાચલ પ્રદેશ ભારતનો અભિન્ન અને અવિભાજ્ય ભાગ છે. ભારતીય નેતાઓ નિયમિતપણે રાજ્યની મુલાકાત લે છે, જેમ કે તેઓ ભારતના અન્ય કોઈપણ રાજ્યમાં કરે છે.
હકીકતમાં, લદ્દાખમાં ભારત અને ચીન વચ્ચે ચાલી રહેલા તણાવ વચ્ચે, બેઇજિંગે બુધવારે કહ્યું કે તે ઉપરાષ્ટ્રપતિ વેંકૈયા નાયડુની અરુણાચલ પ્રદેશની મુલાકાતનો “સખત વિરોધ” કરે છે. તેમણે ભારતને “સરહદી મુદ્દાને જટિલ અને વિસ્તૃત કરે તેવા પગલાં લેવાનું બંધ કરવાનું” કહ્યું.
ઉપરાષ્ટ્રપતિ નાયડુ ગયા અઠવાડિયે ઉત્તર -પૂર્વની મુલાકાતે અરુણાચલ પ્રદેશ ગયા હતા. આ પ્રથમ વખત નથી જ્યારે ભારતે ચીનને સ્પષ્ટપણે કહ્યું ન હોય કે અરુણાચલ પ્રદેશ તેનો અભિન્ન હિસ્સો છે, પરંતુ ચીન તેની હરકતોથી અટકતુ નથી. ભારતે ભૂતકાળમાં ચીનને પોતાનું સ્ટેન્ડ સ્પષ્ટ કર્યું છે કે કોઈપણ નેતાની અરુણાચલની મુલાકાત અન્ય કોઇ રાજ્ય અથવા ભારતના અભિન્ન ભાગની મુલાકાતથી અલગ નથી અને આ પ્રકારની મુલાકાત સંપૂર્ણપણે તેની આંતરિક બાબત છે.
ઉપરાષ્ટ્રપતિની મુલાકાત અંગે ચીનનું નિવેદન ચીનના વિદેશ મંત્રાલયના પ્રવક્તા ઝાઓ લિજિયાને કહ્યું કે, “સરહદ મુદ્દે ચીનની સ્થિતિ સતત અને સ્પષ્ટ છે.” તેમણે કહ્યું કે, ચીન સરકાર કહેવાતા અરુણાચલ પ્રદેશને ક્યારેય એકતરફી અને ગેરકાયદેસર રીતે ભારતીય પક્ષ દ્વારા સ્થાપિત કરતું નથી, અને સંબંધિત ક્ષેત્રમાં ભારતીય નેતાઓની મુલાકાતનો સખત વિરોધ કરે છે. અમે ભારતીય પક્ષને વિનંતી કરીએ છીએ કે તે ચીનની મુખ્ય ચિંતાઓનો નિષ્ઠાપૂર્વક આદર કરે, સરહદના મુદ્દાને જટિલ અને વિસ્તૃત કરે તેવી કોઈપણ ક્રિયા બંધ કરે અને પરસ્પર વિશ્વાસ અને દ્વિપક્ષીય સંબંધોને નુકસાન પહોંચાડવાથી દૂર રહે. તેના બદલે, તેણે ચીન-ભારત સરહદી વિસ્તારોમાં શાંતિ અને સ્થિરતા જાળવવા માટે વાસ્તવિક નક્કર પગલાં લેવા જોઈએ અને દ્વિપક્ષીય સંબંધોને મજબૂત અને સ્થિર વિકાસના પાટા પર લાવવામાં મદદ કરવી જોઈએ.
ચીન અરુણાચલના પૂર્વ વિસ્તારમાં 90,000 ચોરસ કિમી સુધીનો દાવો કરે છે, જ્યારે ભારત ચીનને અક્સાઇ ચીનના પશ્ચિમ વિસ્તારમાં 38,000 ચોરસ કિલોમીટર ક્ષેત્રમાં ગેરકાયદેસર રીતે કબજો કર્યો હોવાનું ગણે છે. ગયા અઠવાડિયે, અરુણાચલના તવાંગ પાસે બંને દેશો સામસામે હતા, જ્યાં ભારતીય સૈનિકો દ્વારા કેટલાક ચીની સૈનિકોની અટકાયત કરવામાં આવી હતી.
આ પણ વાંચોઃ Jammu Kashmir: અવંતીપોરાના ત્રાલ વિસ્તારમાં જૈશ-એ-મોહમ્મદના ટોચના કમાન્ડર શામ સોફીને ઠાર કરાયો
આ પણ વાંચોઃ સરકારી નોકરીની ભરતી માટે મોટી જાહેરાત: રાજ્યની સ્પર્ધાત્મક પરીક્ષા માટે ઉંમરમાં છૂટછાટ, જાણો સમગ્ર વિગત
Latest News Updates
