રોબર્ટ વાડ્રા સામે મની લોન્ડરિંગ કેસની ચાર્જશીટ દાખલ, EDએ 18 કલાક કરી પૂછપરછ

કોંગ્રેસ સાંસદ પ્રિયંકા ગાંધી વાડ્રાના પતિ અને ઉદ્યોગપતિ રોબર્ટ વાડ્રાની કાનુની મુશ્કેલીઓ વધી શકે છે. હરિયાણાના શિકોહપુરમાં કરાયેલા જમીન સોદા સાથે સંબંધિત મની લોન્ડરિંગના એક કેસમાં એન્ફોર્સમેન્ટ ડિરેક્ટોરેટે (ED) વાડ્રા સામે કોર્ટમાં ચાર્જશીટ દાખલ કરી છે. રોબર્ટ વાડ્રાની સાથે, અન્ય ઘણા લોકો અને અનેક કંપનીઓ પણ સામેલ છે. આ કેસ સપ્ટેમ્બર 2018નો છે, જ્યારે રોબર્ટ વાડ્રા, હરિયાણાના તત્કાલીન મુખ્યમંત્રી ભૂપેન્દ્ર સિંહ હુડા, રિયલ એસ્ટેટ કંપની DLF અને એક પ્રોપર્ટી ડીલર સામે FIR નોંધવામાં આવી હતી. FIRમાં ભ્રષ્ટાચાર, બનાવટ અને છેતરપિંડી સહિત અન્ય આરોપો લગાવવામાં આવ્યા છે.

ચાર્જશીટમાં કરાયેલા ઉલ્લેખ મુજબ, વાડ્રાની કંપની સ્કાયલાઇટ હોસ્પિટાલિટીએ 2008માં 7.5 કરોડ રૂપિયામાં 3.53 એકર જમીન ખરીદી હતી. જોકે, પ્રોજેક્ટ પૂર્ણ કર્યા વિના જ એટલી જ જમીન 58 કરોડ રૂપિયામાં વેચી દેવામાં આવી હતી. ચાર્જશીટમાં રોબર્ટ વાડ્રાને આરોપી બનાવવામાં આવ્યા છે. આ કેસમાં એજન્સીએ વાડ્રાની 18 કલાકથી વધુ સમય સુધી પૂછપરછ કરી. આ સાથે હરિયાણાના ઘણા અન્ય કોંગ્રેસ નેતાઓની પણ પૂછપરછ કરવામાં આવી હતી. ચાર્જશીટમાં તેમના નિવેદનોનો ઉલ્લેખ છે.

વાડ્રા સામે આરોપો

વાડ્રા પર આરોપ છે કે તેમની કંપની સ્કાયલાઇટ હોસ્પિટાલિટી પ્રાઇવેટ લિમિટેડે ઓમકારેશ્વર પ્રોપર્ટીઝ પાસેથી 7.5 કરોડ રૂપિયામાં 3.5 એકર જમીન ખરીદી હતી. આ સોદાનું પરિવર્તન પણ અસામાન્ય રીતે કરવામાં આવ્યું હતું. એવો આરોપ છે કે હરિયાણાની તત્કાલીન ભૂપેન્દ્ર સિંહ હુડ્ડા સરકારે રોબર્ટ વાડ્રાની કંપનીને લાઇસન્સ આપ્યું હતું, જેનાથી તે 2.70 એકર જમીનને કોમર્શિયલ કોલોની તરીકે વિકસાવવાની મંજૂરી આપી હતી. રહેણાંક પ્રોજેક્ટ માટે લાઇસન્સ મળ્યા પછી, જમીનની કિંમતમાં વધારો થયો. બાદમાં, વાડ્રા સાથે સંકળાયેલી કંપનીએ આ જમીન DLFને 58 કરોડ રૂપિયામાં વેચી દીધી.

બાદમાં, હુડા સરકારે રહેણાંક પ્રોજેક્ટનું લાઇસન્સ DLFને ટ્રાન્સફર કર્યું. આ સમગ્ર સોદામાં ઘણી ગેરરીતિઓ થઈ હોવાનો આરોપ છે. હરિયાણા પોલીસે 2018 માં આ સોદા સંબંધિત કેસ નોંધ્યો હતો. બાદમાં, ED એ પણ આ મામલે કેસ નોંધ્યો હતો અને તપાસ શરૂ કરી હતી.

IAS અશોક ખેમકાએ ખુલાસો કર્યો હતો

IAS અશોક ખેમકાએ રોબર્ટ વાડ્રા સંબંધિત આ કેસમાં ગેરરીતિઓનો ખુલાસો કર્યો હતો. ડિસેમ્બર 2023 માં, ED એ આ કેસમાં UAE સ્થિત ઉદ્યોગપતિ સીસી થંપી અને યુકેના શસ્ત્ર વેપારી સંજય ભંડારીના સંબંધી સુમિત ચઢ્ઢા સામે ચાર્જશીટ દાખલ કરી હતી. ચાર્જશીટમાં વાડ્રા અને તેમની પત્ની પ્રિયંકા ગાંધીનું નામ આરોપી તરીકે નથી, પરંતુ તેમની જમીન ખરીદી અને વેચાણની વિગતો શામેલ છે.

EDએ કહ્યું હતું કે વાડ્રા સાથે કથિત રીતે જોડાયેલા થમ્પીએ 2005 થી 2008 દરમિયાન દિલ્હી-NCR સ્થિત રિયલ એસ્ટેટ એજન્ટ એચ એલ પાહવા દ્વારા હરિયાણાના ફરીદાબાદના અમીરપુર ગામમાં લગભગ 486 એકર જમીન ખરીદી હતી. ચાર્જશીટ અનુસાર, રોબર્ટ વાડ્રાએ 2005-2006માં એચ એલ પાહવા પાસેથી અમીરપુરમાં 334 કનાલ (40.08 એકર) જમીનના ત્રણ ટુકડા ખરીદ્યા હતા અને ડિસેમ્બર 2010માં HL પાહવાને તે જ જમીન વેચી દીધી હતી.

ED અનુસાર, રોબર્ટ વાડ્રાની પત્ની પ્રિયંકા ગાંધી વાડ્રાએ પણ એપ્રિલ 2006માં એચ એલ પાહવા પાસેથી હરિયાણાના ફરીદાબાદ જિલ્લાના અમીરપુર ગામમાં 40 કનાલ (05 એકર) ખેતીની જમીન ખરીદી હતી અને ફેબ્રુઆરી 2010માં HL પાહવાને તે જ જમીન વેચી દીધી હતી.

દેશ અને દુનિયાના તમામ સમાચારો વાંચવા માટે અહીં ક્લિક કરો