Breaking News : પ્રયાગરાજના ડેપ્યુટી CMOનો એક હોટલની રૂમમાંથી મૃતદેહ મળી આવ્યો , રૂમમાં લટકી રહી હતી લાશ

પ્રયાગરાજથી એક મોટા સમાચાર સામે આવી રહ્યા છે, પ્રયાગરાજના સિવિલ લાઇન્સમાં સ્થિત હોટલ વિઠ્ઠલમાંથી ડેપ્યુટી સીએમઓ સુનીલ કુમાર સિંહનો મૃતદેહ મળી આવ્યો છે. આજે સવારે હોટલના સ્ટાફે મૃતદેહને ફાંસી પર લટકતો જોયો અને જોતા જ સીએમઓને ફોન કરીને જાણ કરી. ઈન્ચાર્જ સીએમઓ ડો.અશોક કુમાર સહિત અન્ય અધિકારીઓ પણ ઘટનાસ્થળે પહોંચી ગયા છે. સવારે 10:30 વાગ્યાની આસપાસ પોલીસ પણ ઘટનાસ્થળે પહોંચી ગઈ છે અને અહીં ફોરેન્સિક ટીમ પણ રૂમમાંથી ઘટનાના પુરાવા એકત્ર કરી રહી છે.

ડૉ. સુનિલ કુમાર સિંહ મૂળ બનારસના પાંડેપુરના રહેવાસી છે, તેઓ સંચારી રોગોના નોડલ ઓફિસર હતા. તેમની પત્ની પણ વ્યવસાયે ડોક્ટર છે. મૃતદેહની હાલત જોઈને આરોગ્ય વિભાગના અધિકારીઓએ આ આત્મહત્યા નહીં પરંતુ હત્યા હોવાની આશંકા વ્યક્ત કરી છે. પોલીસનું કહેવું છે કે પોસ્ટમોર્ટમ રિપોર્ટ આવ્યા બાદ જ મોતનું સાચું કારણ બહાર આવશે.

CMO ઓફિસથી 4 કિમી દૂર હોટેલમાં મળી લાશ

આરોગ્ય વિભાગમાં તેમની સાથે કામ કરનારા ડોક્ટરોએ જણાવ્યું કે પ્રયાગરાજ પોસ્ટ કરતા પહેલા તેઓ મિર્ઝાપુરમાં પોસ્ટેડ હતા. પ્રયાગરાજને ઓગસ્ટ 2022માં પોસ્ટ કરવામાં આવ્યા હતા. આ હોટલ સીએમઓ ઓફિસથી માત્ર 4 કિમી દૂર છે. એટલા માટે તેઓ અહીં રહેવા લાગ્યા હોવાની જાણકારી મળી રહી છે.

આ સમાચાર હમણા જ બ્રેકિંગ સ્વરૂપે આવ્યા છે. આ સમાચારને અમે વધુ અપડેટ કરી રહ્યાં છીએ. વધુ વિગતો માટે અહીં ક્લિક કરો tv9gujarati.com..