ભાજપ સાંસદ સાધ્વી પ્રજ્ઞા ઠાકુરની તબિયત લથડી, સારવાર માટે પ્લેન દ્વારા મુંબઈ લઈ જવાયા
મધ્યપ્રદેશના ભોપાલના ભાજપ સાંસદ સાધ્વી પ્રજ્ઞાસિંહ ઠાકુરની તબિયત અચાનક લથડી છે. પ્રજ્ઞા ઠાકુરને સ્ટેટ પ્લેનથી સારવાર માટે મુંબઈ લઈ જવામાં આવ્યા છે.
મધ્યપ્રદેશના ભોપાલના ભાજપ સાંસદ સાધ્વી પ્રજ્ઞાસિંહ ઠાકુરની તબિયત અચાનક લથડી છે. પ્રજ્ઞા ઠાકુરને સ્ટેટ પ્લેનથી સારવાર માટે મુંબઈ લઈ જવામાં આવ્યા છે. ભાજપ સાંસદ કાર્યાલય મુજબ પ્રજ્ઞા ઠાકુરને શ્વાસ લેવામાં મુશ્કેલી પડી રહી હતી. ત્યારબાદ તેમને મુંબઈ લઈ જવામાં આવ્યા. પ્રજ્ઞા ઠાકુરને મુંબઈની કોકિલાબેન હોસ્પિટલમાં સારવાર માટે દાખલ કરવામાં આવ્યા છે.
જાણકારી મુજબ ગયા મહિને ભાજપ સાંસદની તબિયત બગડવા પર હોસ્પિટલમાં દાખલ કરવામાં આવ્યા હતા. થોડા દિવસોથી તે સતત બેઠકો કરી રહ્યા હતા. આજે પણ તેમને દિશા સમિતિની જિલ્લા પંચાયત કાર્યાલયમાં યોજાયેલી બેઠકમાં શામેલ થવાનું હતું પણ તે પહેલા જ તેમની તબિયત બગડી. તમને જણાવી દઈએ કે ગયા વર્ષે જૂન મહિનામાં પણ પ્રજ્ઞા ઠાકુરની એક કાર્યક્રમ દરમિયાન અચાનક તબિયત બગડી હતી, કાર્યક્રમ દરમિયાન તે અચાનક બેભાન થઈ પડી ગયા હતા.
આ પણ વાંચો: Ahmedabad: બાંધકામની મંજૂરી ન લેવાના કારણે AMCએ 8 હોસ્પિટલ સામે કરી કાર્યવાહી
Latest News Updates
