8th Pay Commission: આઠમાં પગાર પંચ પર આખરે સરકારે કરી લીધો નિર્ણય, જાણો કેટલા સરકારી કર્મચારીઓને મળશે લાભ

8th Pay Commission Update: 8મા પગાર પંચમાં એક નવું અપડેટ આવ્યું છે. હવે સરકારે સંસદમાં પૂછાયેલા પ્રશ્નોના સત્તાવાર રીતે જવાબ આપ્યા છે જેમાં તેમણે 8મા પગાર પંચ વિશે માહિતી આપી છે. નાણા મંત્રાલયે લોકસભામાં પગાર પંચ, તેના લાભો, સરકાર પર નાણાકીય બોજ અને સંબંધિત મુદ્દાઓ પર પોતાનો જવાબ આપ્યો છે.

8મા પગાર પંચની રચના

પ્રધાનમંત્રીએ જાન્યુઆરી 2025 માં 8મા પગાર પંચની રચનાને મંજૂરી આપી હતી, જે સરકારી કર્મચારીઓના પગાર અને ભથ્થાઓની સમીક્ષા કરશે. તે પેન્શનરોના પેન્શન માળખા પર પણ વિચાર કરશે. આ કમિશન ફુગાવા, આર્થિક વૃદ્ધિ અને નાણાકીય પરિસ્થિતિઓને ધ્યાનમાં રાખીને ભલામણો આપશે. સામાન્ય રીતે દર 10 વર્ષે એક નવું પગાર પંચ રચવામાં આવે છે, અને 8મા પગાર પંચની ભલામણો 2026 થી લાગુ થવાની શક્યતા છે.

જોકે, હજુ સુધી એ સ્પષ્ટ નથી કે પગાર કે પેન્શનમાં કેટલો વધારો થશે. પરંતુ સરકારે આના પર કામ શરૂ કરી દીધું છે, હાલ પૂરતું આ માહિતી આપવામાં આવી છે. ચાલો તમને પ્રશ્ન અને જવાબના ફોર્મેટમાં સંપૂર્ણ અપડેટ જણાવીએ.

પ્રશ્ન 1 . શું સરકારે 8મા પગાર પંચની રચના કરી છે?

જવાબ: હા, સરકારે કેન્દ્ર સરકારના કર્મચારીઓના પગાર અને પેન્શનમાં સુધારો કરવા માટે 8મા કેન્દ્રીય પગાર પંચની રચના કરવાનો નિર્ણય લીધો છે.

પ્રશ્ન 2. કમિશન તેનો અહેવાલ ક્યારે રજૂ કરશે?

જવાબ: કમિશન ક્યારે કામ કરવાનું શરૂ કરશે અને ક્યારે તેનો રિપોર્ટ સુપરત કરશે તે હજુ નક્કી થયું નથી.

પ્રશ્ન 3. કેટલા કર્મચારીઓને આ લાભ મળશે?

જવાબ:

• લગભગ 36.57 લાખ કેન્દ્રીય સરકારી કર્મચારીઓ (1 માર્ચ 2025 ના ડેટા મુજબ)
• લગભગ 33.91 લાખ પેન્શનરો અને ફેમિલી પેન્શનરો (31 ડિસેમ્બર 2024ના ડેટા મુજબ)
• સંરક્ષણ ક્ષેત્રના કર્મચારીઓ અને પેન્શનરોને પણ આનો લાભ મળશે.

પ્રશ્ન 4. સરકાર પર કેટલો નાણાકીય બોજ પડશે?

જવાબ: સરકાર પર કેટલો નાણાકીય બોજ પડશે તે હજુ સ્પષ્ટ નથી. આ ત્યારે જ ખબર પડશે જ્યારે 8મું પગાર પંચ તેની ભલામણો આપશે અને સરકાર તેનો અમલ કરશે.

પ્રશ્ન 5: શું સરકારે આ અંગે કોઈ અભ્યાસ કે ચર્ચા કરી છે?

જવાબ: હા, સરકારે સંરક્ષણ મંત્રાલય, ગૃહ મંત્રાલય, કર્મચારી અને તાલીમ વિભાગ (DoPT) અને વિવિધ રાજ્યો પાસેથી સૂચનો માંગ્યા છે. જોકે, તેની સાચી અસર 8મા પગાર પંચની ભલામણો જાહેર થયા પછી જ જાણી શકાશે.

દેશભરના સમાચાર વાંચવા માટે અહીં ક્લિક કરો