Breaking News : 22 વર્ષના ખેલાડીએ 38 વર્ષના 24 વખત ચેમ્પિયન બનેલા ખેલાડીને હરાવ્યો
ઓસ્ટ્રેલિયન ઓપનની ફાઇનલમાં સર્બિયાના નોવાક જોકોવિચનો મુકાબલો સ્પેનના કાર્લોસ અલ્કારાઝ સામે હતો. જેમાં અલ્કારાઝની જીત થઈ છે.
ઓસ્ટ્રેલિયન ઓપનની ફાઈનલમાં સર્બિયાના નોવાક જોકોવિચનો સામનો સ્પેનના કાર્લોસ અલ્કારાઝ સામે હતો. આ મેચ ખુબ જ રસપ્રદ રહી છે. એક બાજુ યુવા જોશ તો બીજી બાજુ અનુભવી ખેલાડી હતો. પહેલો સેટ જોકોવિચે 6-2થી પોતાને નામ કર્યો હતો. પહેલા સેટમાં જોકોવિચે સર્વિસ અને ફોર હેન્ડની શાનદાર રમત દેખાડી હતી.બીજો સેટ સ્પેનના કાર્લોસ અલ્કારાઝે જીત્યો હતો.જોકોવિચ પોતાના 25માં ગ્રાન્ડ સ્લેમની શોધમાં હતો. તો અલ્કારાઝ પણ પોતાનો સાતમો ગ્રાન્ડસ્લૈમ જીતવા માટે મેદાનમાં ઉતર્યો હતો. તે હજુ સુધી એક પણ વખત ઓસ્ટ્રેલિયન ઓપનનો ખિતાબ જીતી શક્યો નથી. અલ્કારાઝની નજર પહેલા ઓસ્ટ્રેલિયન ખિતાબ પર હતી.
જોકોવિચે પોતાની કારકિર્દીમાં પ્રથમ વખત ઓસ્ટ્રેલિયન ઓપન ફાઈનલ હારી છે, તે પહેલાં તેમણે છેલ્લા 10 ફાઈનલમાં જીત નોંધાવી હતી. આ વખતે તેમનો મુકાબલો અલકારાઝ સામે થયો, જોકોવિચે પ્રથમ સેટ જીતી હતી, પરંતુ આખી મેચ માટે આ એનર્જી જાળવી શક્યા નહીં. તેમ છતાં, 38 વર્ષની ઉંમરે ફાઈનલ સુધી પહોંચવું પોતે જ અનેક રીતે અદ્ભુત સિદ્ધિ છે.
જોકોવિચ જીતી ચૂક્યો છે 24 ગ્રાન્ડસ્લૈમ
ટેનિસ જગતમાં નોવાક જોકોવિચે છેલ્લા એક દશકમાં અંદાજે દરેક મોટી મેચ જીતી છે. તેના નામે કુલ 24 ગ્રાન્ડ સ્લૈમ છે. તેના પર વિસ્તારથી નજર કરીએ તો.
10 ઓસ્ટ્રેલિયન ઓપન ખિતાબ : (2008, 2011, 2012, 2013, 2015, 2016, 2019, 2020, 2021, 2023)
3 ફ્રેન્ચ ઓપન ખિતાબ (2016, 2021, 2023)
7 વિમ્બલડન ખિતાબ (2011, 2014, 2015, 2018, 2019, 2021, 2022)
4 યુએસ ઓપન ખિતાબ (2011, 2015, 2018, 2023)
View this post on Instagram
જોકોવિચે રચ્યો ઈતિહાસ
જોકોવિચ અત્યારસુધી 25 ગ્રાન્ડ સ્લૈમ ખિતાબ જીતવાથી એક ડગલું દુર હતો. આ સફળતા તેમણે ટેનિસના ઈતિહાસમાં સૌથી ઉંચા સ્થાન પર લઈ ગઈ છે. પુરુષ અને મહિલા બંન્નેમાંથી કોઈ પણ વર્ગમાં 25 ગ્રાન્ડસ્લૈમ જીત્યા નથી. મહિલામાં સૌથી વધારે ગ્રાન્ડસ્લૈમ જીતવાનો રેકોર્ડ માર્ગ્રેટ કોર્ટના નામે છે. જેમણે 24 ગ્રાન્ડસ્લૈમ જીત્યા હતા. જોકવિચ ગોલ્ડન થ્રોનથી એક ખિતાબ દુર હતો.
View this post on Instagram
અલ્કારાઝના 6 ગ્રાન્ડસ્લૈમ
2 ફ્રેન્ચ ઓપન ખિતાબ : 2024, 2025
2 વિમ્બલડન ખિતાબ : 2023, 2024
2 યુએસ ઓપન : 2022, 2025
જોકોવિચ જેલેના રિસ્ટિકને હાઈસ્કૂલમાં મળ્યો હતો અને 2005માં તેની સાથે ડેટિંગ કરવાનું શરૂ કર્યું હતું. સપ્ટેમ્બર 2013માં બંનેએ સગાઈ કરી હતી અને 10 જુલાઈ 2014ના રોજ બંનેએ લગ્ન કર્યા હતા. આ દંપતીને બે બાળકો છે. તેમના પુત્રનો જન્મ ઓક્ટોબર 2014માં અને પુત્રીનો જન્મ 2017માં થયો હતો.
તમને જણાવી દઈએ કે, કઝાકિસ્તાનની એલેના રાયબાકીનાએ ઓસ્ટ્રેલિયન ઓપન 2026ની મહિલા સિંગલ્સ ફાઇનલ જીતી. તેમણે રોમાંચક મેચમાં વિશ્વની નંબર 1 આરીના સબાલેન્કાને હરાવીને ટાઇટલ જીત્યું છે.
મહત્વનું છે કે, રવિવારે યોજાયેલી મેચમાં કાર્લોસ અલકારાઝ 22 વર્ષની ઉંમરે કરિયર ગ્રાન્ડ સ્લેમ પૂર્ણ કરતા પુરુષ ટેનિસ ખેલાડીઓમાં સૌથી યુવાન બની ગયા
Rich Tennis Players: ફેડરર-નડાલને પાછળ છોડી સૌથી વધુ ગ્રાન્ડસ્લેમ જીતનાર ટેનિસનો મહાન ખેલાડી ‘નોવાક જોકોવિચ’ અહી ક્લિક કરો
