શિંદે જૂથને પંસદ ના આવી કૃણાલ કામરાની સ્ટેન્ડઅપ કોમેડી, શિવસૈનિકોએ તોડફોડ કર્યા બાદ, તંત્રે ઉગામ્યો હથોડો
સ્ટેન્ડ-અપ કોમેડિયન કુણાલ કામરાનો એક વીડિયો સોશિયલ મીડિયા પર વાયરલ થયા બાદ, ગુસ્સે ભરાયેલા શિવસૈનિકોએ સ્ટુડિયોમાં તોડફોડ કરી હતી. આ પછી, શિવસેના યુવા સેના (શિંદે જૂથ) ના મહાસચિવ રાહુલ કનાલ વિરુદ્ધ પોલીસ સ્ટેશને FIR નોંધવામાં આવી છે. FIR દાખલ થયા પછી, તેણે કુણાલ કામરાને સંદેશ મોકલ્યો કે, આ તો માત્ર ટ્રેલર છે, પિક્ચર હજુ બાકી છે.
તાજેતરમાં જ સ્ટેન્ડ-અપ કોમેડિયન કુણાલ કામરાનો એક વીડિયો સોશિયલ મીડિયામાં ખૂબ જ વાયરલ થઈ રહ્યો છે. આ વાયરલ વીડિયોમાં તે એકનાથ શિંદેનુ નામ લીધા વિના જ મજાક ઉડાવતો જોવા મળે છે. એવો દાવો કરવામાં આવી રહ્યો છે કે વીડિયોમાં તે ડેપ્યુટી સીએમ એકનાથ શિંદે વિશે અપમાનજનક શબ્દો બોલી રહ્યા છે.
વીડિયો સામે આવ્યા બાદ શિવસૈનિકો ગુસ્સે ભરાયા હતા અને જે સ્ટુડિયોમાં સ્ટેન્ડ-અપ કોમેડિયન કુણાલ કામરાનો વીડિયો શૂટ કરવામાં આવ્યો હતો તેમાં તોડફોડ કરી. આ પછી, શિવસેના શિંદે જૂથના કાર્યકરો વિરુદ્ધ FIR નોંધવામાં આવી છે.
શિવસેના યુવા સેના (શિંદે જૂથ) ના મહાસચિવ રાહુલ કનાલ વિરુદ્ધ પોલીસ સ્ટેશને FIR દાખલ કરવામાં આવી છે. આ પછી, તેણે કુણાલ કામરાને મેસેજ કરીને કહ્યું કે, અત્યાર સુધી આ ફક્ત એક ટ્રેલર છે, પિક્ચર તો બાકી છે. જ્યારે પણ તમે મુંબઈમાં હશો, ત્યારે તમને શિવસેના શૈલીમાં બોધપાઠ મળશે.
#WATCH | Maharashtra | On FIR registered against him, Shiv Sena Yuva Sena (Shinde faction) General Secretary Rahool Kanal says, “It is not about taking any law in your hands. It is purely about your self-respect. When it comes to elders or respectable citizens of the country…… https://t.co/z0D45UKgOD pic.twitter.com/MLWPNYrYno
— ANI (@ANI) March 24, 2025
સ્ટુડિયોમાં તોડફોડ, FIR નોંધાઈ
સ્ટેન્ડ-અપ કોમેડિયન કુણાલ કામરાએ મુંબઈના હેબિટેટ સ્ટુડિયોમાં પરફોર્મ કર્યું હતું. આ શો પછી, ગુસ્સે ભરાયેલા શિવ સૈનિકો આ સ્ટુડિયો પર પોતાનો ગુસ્સો ઠાલવ્યો અને તેઓએ તેમાં તોડફોડ કરી. સ્ટુડિયોની ખુરશીઓ અને લાઇટો તોડી નાખવામાં આવી હતી. હવે શિવસેના યુવા સેના (શિંદે જૂથ) ના મહાસચિવ રાહુલ કનાલ અને અન્ય 19 લોકો સામે સ્ટુડિયોમાં તોડફોડ કરવા બદલ એફઆઈઆર દાખલ કરવામાં આવી છે. આ એફઆઈઆર બીએનએસ અને મહારાષ્ટ્ર પોલીસ અધિનિયમની વિવિધ કલમો હેઠળ નોંધવામાં આવી છે.
“તમે ચોક્કસપણે આમાંથી એક પાઠ શીખશો”
રાહુલ કનાલે આગળ કહ્યું, હું શિવસેના પરિવારમાંથી આવું છું, એકનાથ શિંદે અમારા વડીલ છે. આવી માનસિકતા ધરાવતી વ્યક્તિને ભવિષ્યમાં પણ આવો જ પાઠ મળશે. સ્ટુડિયોમાં થયેલી તોડફોડ અંગે તેમણે કહ્યું કે, અમે ફરિયાદ પણ કરી હતી, અમે સ્ટુડિયોના માલિકને પણ ફોન કર્યો હતો. આ સ્થળે છ FIR દાખલ થઈ ચૂકી છે. કુણાલ કામરાને સંદેશ આપતાં તેમણે કહ્યું કે, તેઓ કામરાને ફક્ત આ સંદેશ આપવા માંગે છે કે આજે તમે જે કંઈ પણ કર્યું છે, તેનો તમને ચોક્કસ બોધપાઠ મળશે, પરંતુ જે લોકોએ તમને આ કામ કરાવ્યું છે. આ કોઈએ પૈસા આપીને કરાવવામાં આવેલ એક કાવતરું છે, આનો ખુલાસો પણ મુંબઈ પોલીસ કરશે.
Maharashtra ❤️❤️❤️ pic.twitter.com/FYaL8tnT1R
— Kunal Kamra (@kunalkamra88) March 23, 2025
કુણાલ કામરાએ શું કહ્યું?
સ્ટેન્ડ-અપ કોમેડિયન કુણાલ કામરા તેમના શોમાં મહારાષ્ટ્રના રાજકારણ વિશે વાત કરી રહ્યા હતા. આ દરમિયાન તેણે એક ગીત ગાયું. હવે આ ગીત પર વિવાદ શરૂ થયો છે. તેમણે કહ્યું, શિવસેના ભાજપમાંથી નીકળી, પછી શિવસેના શિવસેનામાંથી નીકળી. પછી એનસી એનસીપીમાંથી બહાર આવ્યું. બધા મૂંઝવણમાં છે, તેની શરૂઆત થાણેથી આવેલા એક વ્યક્તિએ કરી હતી. પછી તેણે ગીત ગાયું, થાણે રિક્ષા, ચહેરા પર દાઢી, આંખો પર ચશ્મા, એક ઝલક બતાવો, ક્યારેક તે ગુવાહાટીમાં છુપાઈ જાય છે, તમે મારી આંખોથી જુઓ, તે દેશદ્રોહી તરીકે દેખાય છે.
#WATCH | Mumbai: BMC officials arrive at Unicontinental Studio in Khar area of Mumbai. The officials have arrived here with hammers. Details awaited. pic.twitter.com/dLb1O2z3uT
— ANI (@ANI) March 24, 2025
બીએમસીનો પડ્યો હથોડો
મુંબઈનો જે સ્ટુડિયોમાં કોમેડિયન કુણાલ કામરાનો શો રેકોર્ડ કરવામાં આવ્યો હતો તેને બીએમસી દ્વારા હવે તોડી પાડવામાં આવ્યો છે. બીએમસીએ ધ હેબિટેટ સ્ટુડિયોને તોડી પાડવાની કાર્યવાહી શરૂ કરી દીધી છે. આ જ સ્ટુડિયોમાં કુણાલ કામરાએ મહારાષ્ટ્રના ડેપ્યુટી સીએમ એકનાથ શિંદે વિશે વિવાદાસ્પદ ટિપ્પણી કરી હતી. કામરાએ શિંદેનુ નામ લીધા વિના ગદ્દાર કહ્યા હતા. આ હાસ્ય કલાકારે શિંદેનું નામ લીધા વિના તેમના રાજકીય જીવનની પણ મજાક ઉડાવી હતી.
મહારાષ્ટ્રને લગતા તમામ નાના મોટા સમચારો માટે આપ અહીંયા ક્લિક કરો.
