મહારાષ્ટ્રના રાયગઢમાં પૂરનાં પાણીમાં તણાયા આશરે 3 હજાર LPG ગેસ સિલિન્ડર, વીડિયો થયો વાયરલ

ભારે વરસાદને કારણે મહારાષ્ટ્રના રાયગઢ જિલ્લાના ખાલાપુર તાલુકામાં આવેલા ચાવણેમાં HPCLના LPG બોટલિંગ પ્લાન્ટના પરિસરમાં ભારે વરસાદ બાદ પાણી ભરાઈ ગયું હતું. જેના કારણે હજારો ગેસ સિલિન્ડર નજીકની પાતાળગંગા નદીમાં તણાઈ ગયા હતા.

મહારાષ્ટ્રના રાયગઢ જિલ્લામાં છેલ્લા કેટલાક દિવસોથી થઈ રહેલા ભારે વરસાદ વચ્ચે એક ચોંકાવનારી ઘટના સામે આવી રહી છે. રાયગઢની પાતાળગંગા નદીમાં આશરે 3 હજારથી વધુ LPG ગેસ સિલિન્ડર તણાતા જોવા મળ્યા છે. નદીમાં તરતા ગેસ સિલિન્ડરોનો વીડિયો સોશિયલ મીડિયા પર ઝડપથી વાયરલ થઈ રહ્યો છે.

Flash: Flash floods triggered by heavy hilltop rain swept away several empty HPCL cylinders from a plant in Chavane village, Khalapur (Raigad). The tanks had been brought to the facility for refilling. Local streams overflowed rapidly, sending a massive surge of water tearing… pic.twitter.com/4Yt8Ys0xGJ

— Amardeep Prajapati (@KuldipAmardeep) July 9, 2026

LPG બોટલિંગ પ્લાન્ટના સિલિન્ડર નદીમાં તણાયા

સૂત્રો અનુસાર, ભારે વરસાદને કારણે મહારાષ્ટ્રના રાયગઢ જિલ્લાના ખાલાપુર તાલુકામાં આવેલા ચાવણેમાં HPCLના LPG બોટલિંગ પ્લાન્ટ સંકુલમાં ભારે વરસાદ અને પાણી ભરાવાના કારણે મોટી સંખ્યામાં ગેસ સિલિન્ડર પાતાળગંગા નદીમાં વહી ગયા. કહેવામાં આવી રહ્યું છે કે તણાયેલા આશરે 3 હજાર સિલિન્ડરમાં કેટલાક ભરેલા હતા. જ્યારે કેટલાક ખાલી હતા.

ડીએમએ નાગરિકોને સિલિન્ડરોની નજીક ન જવાની કરી અપીલ

ઘટનાની માહિતી મળતાં, જિલ્લા વહીવટીતંત્ર અને સંબંધિત એજન્સીઓ એલર્ટ પર આવી ગઈ છે. રાયગઢ જિલ્લા મેજિસ્ટ્રેટે નાગરિકોને અપીલ કરી છે કે નદીમાં અથવા તેના કિનારામાં તણાયેલા કોઈપણ ગેસ સિલિન્ડરની નજીક ન જાય અને તેને ઉપાડવાનો કે ઘરે લઈ જવાનો પ્રયાસ ન કરે.

નદીમાં તરતા સિલિન્ડરોને સ્પર્શ કરવો બની શકે છે ખતરનાક

જિલ્લા મેજિસ્ટ્રેટે જણાવ્યું હતું કે હાલમાં તે સ્પષ્ટ નથી કે વહી ગયેલા સિલિન્ડરો ગેસથી ભરેલા છે કે તે કેટલા સુરક્ષિત છે. તેથી કોઈપણ સિલિન્ડરને સ્પર્શ કરવો, ખોલવો અથવા ઉપયોગ કરવાનો પ્રયાસ કરવો અત્યંત જોખમી અને જીવલેણ પણ હોઈ શકે છે.

સિલિન્ડર દેખાતા પ્રશાસનને જાણ કરવી

પ્રશાસને લોકોને અપીલ કરી છે કે જો ક્યાંય પણ તણાઈને આવેલો ગેસ સિલિન્ડર જોવા મળે તો તરત જ સ્થાનિક પ્રશાસન અથવા સંબંધિત અધિકારીઓને જાણ કરો અને તેનાથી સુરક્ષિત અંતર જાળવો.

नागरिकांना असे सिलेंडर आढळल्यास ते स्वतःजवळ ठेवू नयेत किंवा वापरण्याचा प्रयत्न करू नये. तात्काळ एचपीसीएल, जवळच्या एचपीसीएल डिलर, तहसीलदार कार्यालय (खालापूर/पेण) किंवा उपविभागीय अधिकारी, पेण यांच्या कार्यालयात जमा करावेत.

— जिल्हा माहिती कार्यालय,रायगड-अलिबाग (@InfoRaigad) July 8, 2026

રાયગઢ પ્રશાસનની લોકોને સાવચેત રહેવાની અપીલ

રાયગઢ વહીવટીતંત્રે લોકોને સાવધાની રાખવાની અપીલ કરી છે. અવિરત વરસાદ વચ્ચે પાતાળગંગા નદીમાં હજારો ગેસ સિલિન્ડર તરતા રહેતા રહેવાસીઓમાં ચિંતા વધી ગઈ છે. વહીવટીતંત્ર પરિસ્થિતિ પર નજર રાખી રહ્યું છે અને રહેવાસીઓને સતર્ક રહેવા વિનંતી કરી રહ્યું છે. લોકોને કોઈપણ સિલિન્ડર દેખાય તો તેનાથી દૂર રહેવાની સલાહ આપવામાં આવી છે.

આ પણ વાંચો, પૂર વચ્ચે પોલિટીક્સ.. સુરત ખાડીપુર મામલે કોંગ્રેસના પ્રહાર, તંત્રની નિષ્ફળતા ! જન આંદોલનની ચીમકી