મહારાષ્ટ્રમાં મંત્રીઓને ખાતાની વહેંચણી, ફડણવીસને મળ્યું ગૃહ વિભાગ, જાણો શિંદે-અજિતને શું મળ્યું?

મહારાષ્ટ્રમાં કેબિનેટનું વિસ્તરણ 15 ડિસેમ્બરે થયું હતું. આ પછી હવે મંત્રીઓના પોર્ટફોલિયોની વહેંચણી કરવામાં આવી છે. ચંદ્રશેખર બાવનકુલેને મહેસૂલ વિભાગની જવાબદારી સોંપવામાં આવી છે. બાવનકુલે મહારાષ્ટ્ર ભાજપના પ્રમુખ છે. હસન મુશ્રીફને મેડિકલ એજ્યુકેશન વિભાગની કમાન સોંપવામાં આવી છે.

Sagar Solanki | Updated on: Dec 21, 2024 | 9:53 PM

મહારાષ્ટ્રમાં મુખ્યમંત્રી દેવેન્દ્ર ફડણવીસે મંત્રીઓના વિભાગોની વહેંચણી કરી છે. CMએ ગૃહ વિભાગ પોતાની પાસે રાખ્યું છે. અજિત પવારને ફરી એકવાર નાણાં મંત્રાલયની જવાબદારી સોંપવામાં આવી છે.

એકનાથ શિંદેને શહેરી વિકાસ અને આવાસ વિભાગની જવાબદારી સોંપવામાં આવી છે. ધનંજય મુંડેને ખાદ્ય અને નાગરિક પુરવઠા મંત્રાલયનો હવાલો આપવામાં આવ્યો છે, જ્યારે પંકજા મુંડેને પર્યાવરણ મંત્રાલય આપવામાં આવ્યું છે.

મહારાષ્ટ્ર વિધાનસભા ચૂંટણીમાં રાજ્યની જનતાએ મહાયુતિને સ્પષ્ટ બહુમતી આપી હતી. આ પછી, નવી સરકારે 5 ડિસેમ્બરે શપથ લીધા. આ અવસરે દેવેન્દ્ર ફડણવીસે મુખ્યમંત્રી તરીકે શપથ લીધા જ્યારે એકનાથ શિંદે અને અજિત પવારે નાયબ મુખ્યમંત્રી તરીકે શપથ લીધા. જો કે શપથ ગ્રહણ બાદ પણ મંત્રીમંડળનું વિસ્તરણ અટકી ગયું હતું. આ પછી 15 ડિસેમ્બરે કેબિનેટનું વિસ્તરણ કરવામાં આવ્યું હતું. મહાગઠબંધનના 39 મંત્રીઓએ શપથ લીધા, જેમાં 33 કેબિનેટ અને 6 રાજ્ય મંત્રીઓનો સમાવેશ થાય છે.

Web Stories View more