Maharashtra Breaking News : 19 વર્ષના પુત્રની જીદે તબાહ કર્યો પરિવાર! iPhone માટે પહાડ પરથી કૂદવા પહોંચ્યો, બચાવવા ગયેલા માતા-પિતાનું પણ મોત ! જુઓ Video
મહારાષ્ટ્રના છત્રપતિ સંભાજીનગરમાંથી એક હૃદયદ્રાવક ઘટના સામે આવી છે. આઇફોન મેળવવા માટે દીકરાના આગ્રહથી આખા પરિવારનો જીવ ગયો છે. પહાડ પરથી પડી જતાં પુત્ર સહિત તેના માતા-પિતાનું પણ મોત નીપજ્યું છે.
શુક્રવાર 21 ઓગસ્ટના રોજ મહારાષ્ટ્રના છત્રપતિ સંભાજીનગરમાં એક કમનસીબ ઘટના બની હતી. આ ઘટનાને કારણે જિલ્લામાં હંગામો મચી ગયો છે. દેવલાલી વિસ્તારમાં એક ઢાળવાળા પહાડ પરથી પડીને એક જ પરિવારના ત્રણ લોકોના મોત નીપજ્યા છે. મૃતકોમાં માતા-પિતા અને પુત્રનો સમાવેશ થાય છે. આ ઘટનામાં મૃતકના નામ કુણાલ ચાંદગુડે (19) મુરલીધર ચાંદગુડે (48) અને સંગીતા ચાંદગુડે છે.
પોલીસ દ્વારા આપવામાં આવેલી માહિતી અનુસાર, પુત્ર કુણાલ ચાંદગુડેનો તેના માતા-પિતા સાથે કોઈ કારણોસર ઝઘડો થયો હતો. સૂત્રો અનુસાર, કુણાલ ચાંદગુડે આઇફોન ખરીદવા માંગતો હતો. અને તેના માટે તે આગ્રહ રાખ્યો હતો. આ મુદ્દે માતા-પિતા સાથે વિવાદ થયા બાદ તે ગુસ્સામાં આત્મહત્યા કરવા માટે ખવડ્યા પહાડ પર પહોંચ્યો હતો.
કોઈની વાત સાંભળવાની સ્થિતિમાં નહોતો કુણાલ
તેના માતા-પિતાએ તેને આ પહાડ પર ત્રણ કલાક સુધી સમજાવવાનો પ્રયાસ કર્યો હતો. તે પહાડના ખૂબ ઊંચા ભાગ પર ઉભો હતો. દરમિયાન, આ ઘટનાની માહિતી મળતા જ સ્થાનિક નાગરિકો અને પોલીસ પણ ઘટનાસ્થળે દોડી ગઈ હતી. માતા-પિતા અને સ્થાનિક લોકોએ તેને ત્રણ કલાક સુધી સમજાવવાનો પ્રયાસ કર્યો. પોલીસે આ ઘટના અંગે ફાયર બ્રિગેડને જાણ કરી હતી. ઘટનાની માહિતી મળતા જ ફાયર બ્રિગેડનું વાહન પણ તાત્કાલિક ઘટનાસ્થળે પહોંચી ગયું હતું. પરંતુ તે પર્વત પરથી નીચે આવવા તૈયાર ન હતો.
આઇફોનના કારણે આખો પરિવાર પામ્યો નાશ
અંતે, પિતાએ ધીરજ ગુમાવી અને તેને પકડવાનો પ્રયાસ કર્યો. તે દરમિયાન બંને (કુણાલ અને તેના પિતા) પહાડ પરથી નીચે પડ્યા. કુણાલની માતા પુત્ર અને પિતાના નીચે પડી જવાનો આઘાત સહન કરી શકી નહીં. ત્યારબાદ તે પણ પહાડ પરથી નીચે કૂદી પડી. આ ઘટનામાં ત્રણેયના મોત નિપજ્યા છે. આઇફોનની બેદરકારીને કારણે એક જ ક્ષણમાં એક આખો પરિવાર નાશ પામ્યો છે. આ દુર્ભાગ્યપૂર્ણ ઘટનામાં ત્રણેય લોકોના મોત થવાતી વિસ્તારમાં શોક છવાઈ ગયો છે. પોલીસે માહિતી આપી છે કે ઘટનાની વધુ તપાસ ચાલી રહી છે.
Family ended over an EMI dispute. (Viewer discretion advised)
A dispute over unpaid iPhone instalments ended in tragedy in Maharashtra’s Chhatrapati Sambhajinagar, where a 19-year-old man and his parents died after falling into a gorge. Police said Kunal had bought an iPhone… pic.twitter.com/f0Ldh4hYy8
— Harsh Trivedi (@harshtrivediii) August 22, 2026
આ પણ વાંચો, Maharashtra Breaking News : શું દરેક રાજ્યમાં કામ કરવા માટે સ્થાનિક ભાષા આવડવી જરૂરી છે ? મહારાષ્ટ્રના ઓટો-ટેક્સી ડ્રાઇવરો માટે મરાઠી ફરજિયાત, જાણો શું કહે છે બંધારણ !
