ઘરે Dog લાવવાનું વિચારો છો? તો પહેલા ધ્યાનમાં રાખજો આ મહત્વની બાબતો
જો તમે ઘરે શ્વાન લાવવાનું વિચારી રહ્યા છો, તો કેટલીક મહત્વપૂર્ણ બાબતો ધ્યાનમાં લેવી જરૂરી છે. ફક્ત દેખાવથી આકર્ષાઈને નહીં, પરંતુ તમારી જીવનશૈલી, ઘરની જગ્યા અને જવાબદારીને અનુરૂપ બ્રીડ પસંદ કરો.
તાજેતરના સમયમાં શ્વાન પ્રત્યે લોકોનો લગાવ નોંધપાત્ર રીતે વધ્યો છે. ઘણા લોકો તેમને પાળે છે. જો તમને પણ શ્વાનનો શોખ છે અને તમે તેને ઘરે લાવવા વિચારી રહ્યા છો, તો કેટલીક મહત્વપૂર્ણ બાબતો સમજવી જરૂરી છે.
દેખાદેખીમાં શ્વાન ઘરે લાવીને મુશ્કેલી
આપણી આસપાસ ઘણી બ્રીડના શ્વાન જોવા મળે છે. જે દેખાવમાં સુંદર હોવાથી આપણને ઘરે લાવવાની ઈચ્છા થાય છે. મોટાભાગના લોકો પોતાના મિત્ર, ઓળખીતા અથવા સગાઓને જોઈને શ્વાન દત્તક લે છે. વેચનારને આ પ્રવૃત્તિ સારી રીતે સમજાઈ ગઈ છે અને ‘બજાર’ના નામે તેઓ ગ્રાહકોને આકર્ષક જાતિઓ બતાવીને આકર્ષિત કરે છે.
લોકો કેવી ભૂલ કરે છે ?
ઘણા સમયે એવું પણ જોવા મળે છે કે લોકો જે બ્રીડ તેમના ઘરની પરિસ્થિતિ માટે યોગ્ય નથી, તે બ્રીડનો શ્વાન ખરીદી લે છે. ઊંચી કિંમત ચૂકવ્યા પછી આપણે માનતા હોઈએ છીએ કે આપણે તેને સારી રીતે રાખી શકીશું. પરંતુ ઘણી વાર તેની સામેનું સત્ય અલગ હોય છે.
મતલબ એવું કે, જો તમે એક નાનાં ઘરમાં અથવા 1BHK ફ્લેટમાં રહો છો અને શોખ તરીકે જર્મન શેફર્ડનો ચોઈસ કરો છો, તો શરૂઆતમાં સમસ્યા દેખાતી નથી. પરંતુ શ્વાન મોટો થતાની સાથે જ મુશ્કેલીઓ શરૂ થાય છે. જર્મન શેફર્ડ મૂળરૂપે રક્ષક જાતિનો કૂતરો છે અને તેને મોટી જગ્યા તથા દૈનિક કસરતની જરૂર પડે છે. નહીંતર તેના શરીર અને પગ પર તણાવ ઉભો થઈ શકે છે.
આ જ વાત રોટવીલર, ડોબરમેન, અલ્સેશિયન, ડાલ્મેશિયન, પિટ બુલ, બ્રિટિશ બુલડોગ અને ફ્રેન્ચ માસ્ટિફ જેવી જાતિઓ પર પણ લાગુ પડે છે. આ જાતિઓ એપાર્ટમેન્ટ અથવા ફ્લેટ માટે નહીં પરંતુ રક્ષા હેતુઓ માટે વધારે યોગ્ય છે. તેથી, આવી જાતિઓ દત્તક લેવાનું જોખમ ત્યારે જ લેવું જોઈએ જ્યારે પૂરતી જગ્યા હોય.
શ્વાનને દત્તક લેતા પહેલાં આ 7 બાબતો ચોક્કસ ધ્યાનમાં રાખો
- આકર્ષક જાતિઓના લોભમાં ના ફસાઈ જશો.
- તમારા ઘરમાં શ્વાનને પૂરતી જગ્યા મળશે કે નહીં તે પહેલા નક્કી કરો.
- નાની કે મોટી જાતિ, બન્નેને દૈનિક કસરત જરૂરી છે, તેથી સમય ફાળવવો જ પડશે.
- શ્વાન રાખવો માત્ર શોખ નથી, તેને તમારા સમય અને જવાબદારી બન્ને જોઈએ.
- જો તમે ફ્લેટ/એપાર્ટમેન્ટમાં રહો છો તો શ્વાનને રહેવાની જગ્યાએ ઉનાળામાં એર-કન્ડિશન અને શિયાળામાં બ્લોવરનાં સાધનો જરૂર હોવા જોઈએ.
- માણસોની જેમ શ્વાન પણ બીમાર પડે છે. તેથી સંપૂર્ણ અને સમયસર રસીકરણ કરાવવું અતિ આવશ્યક છે.
- કૂતરાનો આહાર ખૂબ મહત્વનો છે. મોમો, ચાઉ મીન, ખારા બિસ્કિટ, જંક ફૂડ જેવી વસ્તુઓ આપવાથી તે સીધો જીવને જોખમ ઊભો થઈ શકે છે.
જો તમે ખરેખર શ્વાન દત્તક લેવા ઈચ્છો છો તો બ્રીડ પસંદ કરતાં પહેલાં તમારી જીવનશૈલી, જગ્યા, સમય, સંભાળ અને આર્થિક જવાબદારીઓ હંમેશા ધ્યાનમાં રાખો. સાચી પસંદગી તમને પણ ખુશ રાખશે અને તમારા પાલતુ મિત્રને પણ આરોગ્યપૂર્ણ અને પ્રેમાળ જીવન મળશે.
શિયાળામાં તમારા પાલતુ શ્વાનને કેવી રીતે નવડાવવું? જાણી લો.. બીમાર નહીં પડે
