US Election: ‘જો હું રાષ્ટ્રપતિ પદની ચૂંટણી જીતીશ નહીં તો લોહીની નદીઓ વહેશે’, ટ્રમ્પે રેલીમાં આપી ખુલ્લી ધમકી
પોતાના નિવેદનોને કારણે ચર્ચામાં રહેલા અમેરિકાના પૂર્વ રાષ્ટ્રપતિ ડોનાલ્ડ ટ્રમ્પે વધુ એક વિવાદાસ્પદ નિવેદન આપ્યું છે. ઓહાયોમાં એક રેલીને સંબોધતા ટ્રમ્પે કહ્યું કે જો તેઓ ચૂંટાયા નથી, તો દેશમાં લોહીની નદીઓ વહેશે. શનિવારે ઓહાયોમાં એક રેલીને સંબોધિત કરતા વિવાદાસ્પદ નિવેદન આપ્યું હતું.
અમેરિકી રાષ્ટ્રપતિની ચૂંટણીમાં હજુ લગભગ 8 મહિના બાકી છે, પરંતુ દેશમાં ચૂંટણીની ગતીવિધીઓ વધવા લાગી છે. આ ચૂંટણીમાં આ વખતે પણ જો બાઈડન અને ડોનાલ્ડ ટ્રમ્પ વચ્ચે મુકાબલો થશે તે લગભગ નિશ્ચિત છે. બંને નેતાઓએ આ પોતાનો ચૂંટણી પ્રચાર પણ શરૂ કરી દીધો છે. ડોનાલ્ડ ટ્રમ્પે શનિવારે ઓહાયોમાં એક રેલીને સંબોધિત કરતા વિવાદાસ્પદ નિવેદન આપ્યું હતું.
રેલી દરમિયાન ટ્રમ્પે કહ્યું કે નવેમ્બરની રાષ્ટ્રપતિની ચૂંટણી અમેરિકન ઈતિહાસની સૌથી મહત્વપૂર્ણ તારીખ હશે, વધુમાં ધમકી આપી કે જો તેઓ આ ચૂંટણીમાં રાષ્ટ્રપતિ નહીં બને તો દેશમાં લોહીની નદીઓ વહેશે. આ સિવાય તેમણે પોતાની ચૂંટણી લડાઈને દેશ માટે મહત્વનો ટર્નિંગ પોઈન્ટ ગણાવ્યો છે.
ટ્રમ્પે શા માટે આપી હતી રક્તપાતની ધમકી?
ટ્રમ્પની આ ધમકી તેમના ભાષણ દરમિયાન આવી હતી. જો કે ટ્રમ્પે એ સ્પષ્ટતા નથી કરી કે તેઓ શા માટે રક્તપાતની વાત કરે છે, પરંતુ તેમની ટિપ્પણી ચીનની કાર પરની ટિપ્પણીઓ વચ્ચે આવી છે. ચીનની કાર વિશે વાત કરતા ટ્રમ્પે કહ્યું કે, 5 નવેમ્બરની તારીખ યાદ રાખો, હું માનું છું કે આ આપણા દેશના ઈતિહાસની સૌથી મહત્વપૂર્ણ તારીખ હશે, જો હું આ તારીખે નહીં જીત્યો તો દેશમાં લોહી વહેશે. આ સિવાય તેમણે જો બાઈડેનને અમેરિકાના ઈતિહાસમાં વૃદ્ધ અને ‘સૌથી ખરાબ’ રાષ્ટ્રપતિ ગણાવ્યા છે.
બાઈડન ઓફિસ તરફથી પ્રતિસાદ આપી હતી
જેમ જેમ ટ્રમ્પનું નિવેદન સોશિયલ મીડિયા પર વાયરલ થવા લાગ્યું, બાઈડનની ચૂંટણી પ્રચાર ટીમે પણ તેના પર પ્રતિક્રિયા આપી હતી. બાઈડનના કાર્યાલયમાંથી જાહેર કરાયેલા એક નિવેદનમાં, ટ્રમ્પને 2020માં પરાજિત ગણાવ્યા હતા અને કહ્યું હતું કે તેઓ બીજી 6 જાન્યુઆરી ઈચ્છે છે, પરંતુ અમેરિકન લોકો આ નવેમ્બરમાં તેમને બીજી ચૂંટણીમાં હાર આપવા જઈ રહ્યા છે, કારણ કે તેઓ તેમના ઉગ્રવાદ, હિંસા પ્રત્યેના તેમના વલણની વિરુદ્ધ છે. પ્રેમ અને બદલાની તેમની તરસને નકારવાનું ચાલુ રાખશે.
6 જાન્યુઆરીએ શું થયું હતું?
6 જાન્યુઆરી, 2021ના રોજ, ચૂંટણી પરિણામોથી નાખુશ ટ્રમ્પ સમર્થકોએ વોશિંગ્ટન કેપિટોલ પર હુમલો કર્યો હતો. જે બાદ ટ્રમ્પના સમર્થકો અને પોલીસ વચ્ચે ઘર્ષણ થયું હતું. આ ઘટનાને અમેરિકાના ઈતિહાસની સૌથી હિંસક ઘટના તરીકે જોવામાં આવે છે.
આ પણ વાંચો: અદાણી ગ્રુપ સામે અમેરિકામાં તપાસ શરૂ! હવે લગાવ્યો છે આ આરોપ, જાણો શું છે સમગ્ર મામલો