અમેરિકાની નંબર 1 સરકારી યુનિવર્સિટી કઈ છે? ફી જાણીને ચોંક્યા વિના નહીં રહો

અમેરિકા હાયર એજ્યુકેશનનું હબ ગણાય છે. કારણ કે અહીં પ્રાઈવેટની સાથે સાથે ટોપ લેવલની સરકારી યુનિવર્સિટીઝ પણ સામેલ છે. અહીં સવાલ એ છે કે અમેરિકાની નંબર વન સરકારી યુનિવર્સિટી કઈ છે. ટાઈમ્સ હાયર એજ્યુકેશન અને યુએસ ન્યૂઝ એન્ડ વર્લ્ડ રિપોર્ટ અનુસાર યુનિવર્સિટી ઓફ કેલિફોર્નિયા બર્કલે(UCB)ને અમેરિકાની નંબર વન સરકારી યુનિવર્સિટીનો ખિતાબ હાસિલ છે. આ યુનિવર્સિટી કેલિફોર્નિયા રાજ્યના બર્કલે શહેરમાં આવેલી છે. જે દેશના પ્રતિષ્ઠિત સંસ્થાનોમાંથી એક છે.

UCB ની સ્થાપના 1868 માં કરાઈ હતી. આ યુનિવર્સિટી સેન ફ્રાન્સિસ્કો બે એરિયા નજીક છે અને અહી 37 હજારથી વધુ લોકો અભ્યાસ કરી રહ્યા છે. UCBની પ્રતિષ્ઠાનો અંદાજો એ વાત પરથી લગાવી શકાય છે કે ફિજિક્સ, કેમેસ્ટ્રી અને ઈકોનોમિક્સ ક્ષેત્રે 19 નોબેલ પુરસ્કાર આ સંસ્થાનના વિદ્યાર્થીઓને મળેલા છે. હવે સવાલ એ છે કે જો કોઈ ભારતીય વિદ્યાર્થીએ UCBમાં અભ્યાસ કરવો છે તો તેને કેટલા રૂપિયા ખર્ચવા પડશે. અહીની ફી કેટલી છે અને ક્યા ક્યા વિષયો અહીં ભણાવવામાં આવે છે.

UCB માં ક્યાં વિષયો ભણાવવામાં આવે છે?

ધ પ્રિન્સ્ટન રિવ્યુ પ્રમાણે, યુનિવર્સિટી ઓફ કેલિફોર્નિયા- બર્કલમાં ભણવા માટે દર વર્ષે હજારો વિદ્યાર્થીઓ એપ્લાય કરે છે. આ સંસ્થાનમાં એક્સેપ્ટેન્સ રેટ માત્ર 11% છે. જો અહીં ભણાવવામાં આવતા કોર્સિસની વાત કરીએ તો આર્ટ્સ એન્ડ હ્યુમેનિટીઝ, બિઝનેસ એન્ડ ઈકોનોમિક્સ, કમ્પ્યુટર સાઈન્સ, એન્જિનિયર, લૉ, લાઈફ સાઈન્સ, મેડિકલ એન્ડ હેલ્થ, ફિઝિકલ સાઈન્સ, સાઈકોલોજી અને સોશિયલ સાયન્સ સાથે સંબંધિત વિષયો સામેલ છે.

UCB માં ભણવાનો ખર્ચ?

અમેરિકામાં ભણવુ અત્યંત મોંઘુ છે અને આ જ વાત UCBમાં ભણનારા પર પણ લાગુ થાય છે. ભલે એ અમેરિકાની એક સરકારી યુનિવર્સિટી હોય પરંતુ અહીં ભારતીયો સહિત વિદેશી છાત્રોને તગડી ફી ભરવી પડે છે. યુએસ ન્યૂઝ એન્ડ વર્લ્ડ રિપોર્ટ અનુસાર વિદેશી વિદ્યાર્થીઓને વાર્ષિક ટ્યુશન ફી સરેરાશ 55,323 ડૉલર (51 લાખ) છે. તેમા હોસ્ટેલ ફી, જમવાનો ખર્ચ અને પુસ્તકોના ખર્ચને પણ સામેલ કરી લઈએ તો આ બજેટ 83,062 ડૉલર (76 લાખ) સુધી પહોંચી જાય છે.

શું પાયમાલ પાકિસ્તાન ઈરાન-ઈઝરાયેલ-અમેરિકાના યુદ્ધની આગમાં ખુદને હોમવાની ભૂલ કરશે?