New York News: UNSCની બેઠકમાં રશિયા-અમેરિકા આવ્યા આમને સામને, યુક્રેનને લઈને એકબીજા પર લગાવ્યા ગંભીર આરોપો

New York News: રશિયા-યુક્રેન યુદ્ધ આજે સમગ્ર વિશ્વ માટે એક મુદ્દો છે. બંને દેશ એકબીજા પર આરોપ-પ્રત્યારોપ કરવાની કોઈ તક છોડતા નથી. આ સાથે અમેરિકા યુક્રેનના સમર્થનમાં રશિયા વિરુદ્ધ નિવેદનબાજી કરતું રહે છે. તે જ સમયે, સંયુક્ત રાષ્ટ્ર સુરક્ષા પરિષદની મંત્રી સ્તરની બેઠકમાં, રશિયા અને અમેરિકા સામસામે આવી ગયા અને ઉગ્ર શાબ્દિક પ્રહારો કર્યા હતા.

આ પણ વાંચો: India Russia Relation : જ્યારે સમગ્ર દુનિયાની નજર હતી પુતિન અને કિમની બેઠક પર, ત્યારે ભારતે રશિયા સાથે મળીને પાડ્યો મોટો ખેલ ! જુઓ Video

આ દરમિયાન રશિયાના વિદેશ મંત્રી સર્ગેઈ લવરોવે સંયુક્ત રાષ્ટ્રનો આભાર માન્યો અને કહ્યું કે વિશ્વ યુદ્ધ ટળી ગયું છે. તે જ સમયે, અમેરિકાએ આરોપ લગાવ્યો કે રશિયા યુક્રેનિયન નાગરિકો પર ડ્રોનથી હુમલો કરીને નરસંહાર કરી રહ્યું છે.

પરમાણુ હુમલાની તૈયારી કરી રહ્યું છે રશિયા

આટલું જ નહીં, UNSC મંત્રી સ્તરની બેઠકમાં અમેરિકી વિદેશ મંત્રી એન્ટની બ્લિંકને રશિયા પર પરમાણુ હથિયારોને લઈને બેદરકાર હોવાનો આરોપ લગાવ્યો. તેમણે કહ્યું કે રશિયા બેલારુસમાં પરમાણુ હથિયારો તૈનાત કરી રહ્યું છે. બ્લિંકને કહ્યું કે રશિયા પણ પરમાણુ હુમલાની તૈયારી કરી રહ્યું છે.

ઈરાની ડ્રોન દ્વારા યુક્રેન પર હુમલો

અમેરિકી વિદેશ મંત્રીએ કહ્યું કે રશિયા યુક્રેનની લાચારીનો ફાયદો ઉઠાવી રહ્યું છે અને ભૂખમરાને હથિયાર તરીકે ઉપયોગ કરી રહ્યું છે. આ સિવાય તેમણે કહ્યું કે રશિયા ઈરાની ડ્રોનથી યુક્રેન પર હુમલો કરી રહ્યું છે. તેમણે આરોપ લગાવ્યો કે રશિયાએ સુરક્ષા પરિષદ (UN)ના ઠરાવો વિરુદ્ધ ઈરાની ડ્રોન ખરીદ્યા છે.

યુક્રેનમાં અમેરિકાની દખલગીરી વધી

UNSCની બેઠકમાં રશિયાના વિદેશ મંત્રી સર્ગેઈ લવરોવે સંયુક્ત રાષ્ટ્રનો આભાર માન્યો અને કહ્યું કે તેમના કારણે એક નવું વિશ્વયુદ્ધ ટળી ગયું. રશિયાના વિદેશ મંત્રીએ કહ્યું કે અમેરિકાએ પોતાને શ્રેષ્ઠ સાબિત કરવા માટે યુએનની અવગણના કરી. તેમણે કહ્યું કે યુએસએસઆરના પતન પછી યુક્રેનમાં અમેરિકાની દખલગીરી વધી છે.

મહત્વનું છે કે છેલ્લા 2 વર્ષથી રશિયા અને યુક્રેન વચ્ચે યુદ્ધ ચાલી રહ્યું છે. હાલ આ યુદ્ધનો કોઈ અંત દેખાઈ રહ્યો નથી.

આંતરરાષ્ટ્રીય તમામ સમાચાર વાંચવા માટે અહીં ક્લિક કરો