Crude oil: સાઉદી અરેબિયા અને રશિયાની ‘જીદ’ સામે બધુ ફેલ, ક્રૂડ ઓઈલ 8 ટકા થયું મોંઘું
સપ્ટેમ્બર મહિનામાં ગલ્ફ દેશોથી અમેરિકન તેલ સુધી ક્રૂડ ઓઈલની કિંમતમાં 8 ટકાથી વધુનો વધારો જોવા મળ્યો છે. બ્રેન્ટ ક્રૂડની કિંમત બેરલ દીઠ $94ને પાર કરી ગઈ છે. ડબલ્યુટીઆઈના ભાવ પ્રતિ બેરલ $91થી વધુ છે. સવાલ એ છે કે શું પેટ્રોલ અને ડીઝલ સસ્તું થયું છે. એવી આગાહીઓ પણ કરવામાં આવી રહી છે કે OPEC પ્લસ માર્ચ 2024 સુધી તેના કટને લંબાવી શકે છે. જે પછી કિંમતો પ્રતિ બેરલ $120થી વધી શકે છે.
Crude oil: આંતરરાષ્ટ્રીય બજારમાં કાચા તેલની કિંમતમાં સતત વધારો થઈ રહ્યો છે. છેલ્લા કેટલાક સપ્તાહમાં ક્રૂડ ઓઈલના ભાવમાં 8 ટકાથી વધુનો વધારો થયો છે. સાઉદી અરેબિયા અને રશિયા તરફ પ્રોડક્સન કટ કરવાની અસર સ્પષ્ટ દેખાઈ રહી છે. લીબિયામાં આવેલા તોફાનની અસર કાચા તેલની કિંમતમાં પણ સ્પષ્ટ દેખાઈ રહી છે.
નિષ્ણાતોના મતે ઓક્ટોબરમાં ક્રૂડ ઓઈલની કિંમત પ્રતિ બેરલ 100 ડોલર સુધી પહોંચવાની શક્યતા છે. જો નિષ્ણાતોનું માનીએ તો વર્તમાન સ્થિતિને જોતા એ સ્પષ્ટ છે કે ક્રૂડ ઓઈલના ભાવ આગામી મહિનાઓમાં ઘટવાના નથી. યુએસ સ્ટ્રેટેજિક રિઝર્વ 50 વર્ષની નીચી સપાટીએ છે. તે જ સમયે, ઓપેક પ્લસ ઉત્પાદન વધારવા માટે તૈયાર નથી. એવી આગાહીઓ પણ કરવામાં આવી રહી છે કે OPEC પ્લસ માર્ચ 2024 સુધી તેના કટને લંબાવી શકે છે. જે પછી કિંમતો પ્રતિ બેરલ $120થી વધી શકે છે.
પેટ્રોલ અને ડીઝલના ભાવમાં ઘટાડો એપ્રિલ 2022માં જોવા મળ્યો હતો
બીજી તરફ ભારતની મુશ્કેલીઓ વધવા લાગી છે. છેલ્લા બે સપ્તાહથી ક્રૂડ ઓઈલ એટલે કે બ્રેન્ટ ક્રૂડ ઓઈલની કિંમત પ્રતિ બેરલ 90 ડોલરથી વધુ રહી છે. આવી સ્થિતિમાં આગામી દિવસોમાં ઓઇલ માર્કેટિંગ કંપનીઓના નફામાં ઘટાડો થવાની સંભાવના છે. જેના કારણે પેટ્રોલ અને ડીઝલના ભાવમાં ઘટાડો થવાની શક્યતાઓ ઘટી રહી છે.
માહિતી અનુસાર, દેશના ચારેય મહાનગરોમાં પેટ્રોલ અને ડીઝલના ભાવમાં છેલ્લો ફેરફાર મે 2022માં જોવા મળ્યો હતો. 21 મેના રોજ કેન્દ્ર સરકારે એક્સાઈઝ ડ્યુટીમાં ઘટાડો કર્યો હતો. છેલ્લી વખત પેટ્રોલ અને ડીઝલના ભાવમાં ઘટાડો એપ્રિલ 2022માં જોવા મળ્યો હતો. આવી સ્થિતિમાં એવી અટકળો લગાવવામાં આવી રહી છે કે આગામી દિવસોમાં પેટ્રોલ અને ડીઝલના સસ્તા ભાવ માટે સામાન્ય લોકોને લાંબી રાહ જોવી પડી શકે છે.
ક્રૂડ ઓઈલ 94 ડોલરને પાર
આંતરરાષ્ટ્રીય બજારમાં કાચા તેલની કિંમત 94 ડોલર પ્રતિ બેરલને પાર કરી ગઈ છે. ડેટાની વાત કરીએ તો બ્રેન્ટ ક્રૂડ ઓઈલની કિંમત 0.29 ટકાના વધારા સાથે 94.20 ડોલર પ્રતિ બેરલ પર ટ્રેડ થઈ રહી છે. સપ્ટેમ્બર મહિનામાં બ્રેન્ટ ક્રૂડ ઓઈલની કિંમતમાં 8.26 ટકાનો વધારો જોવા મળ્યો છે. બીજી તરફ WTIની કિંમતમાં 0.41 ટકાનો વધારો જોવા મળ્યો છે અને કિંમત પ્રતિ બેરલ $91.14 પર આવી ગઈ છે. સપ્ટેમ્બર મહિનામાં જ WTIના ભાવમાં લગભગ 9 ટકાનો વધારો થયો છે.
ભારતમાં પેટ્રોલ અને ડીઝલના ભાવ
બીજી તરફ ભારતમાં પેટ્રોલ અને ડીઝલના ભાવમાં કોઈ ફેરફાર થયો નથી. દેશના મહાનગરોમાં પેટ્રોલ અને ડીઝલના ભાવમાં છેલ્લો ફેરફાર 21 મેના રોજ જોવા મળ્યો હતો. ત્યારે દેશના નાણામંત્રી નિર્મલા સીતારમણે પેટ્રોલ અને ડીઝલના ભાવ પર ટેક્સમાં ઘટાડો કર્યો હતો. તે પછી કેટલાક રાજ્યોએ વેટ ઘટાડીને અથવા વધારીને કિંમતોને પ્રભાવિત કરવાનો પ્રયાસ કર્યો.
રસપ્રદ વાત એ છે કે જ્યારથી દેશમાં પેટ્રોલ અને ડીઝલની કિંમતો આંતરરાષ્ટ્રીય બજાર મુજબ દરરોજ બદલવાની શરૂઆત થઈ છે, ત્યારે આ પહેલીવાર છે જ્યારે પેટ્રોલિયમ કંપનીઓએ રેકોર્ડ સમયરેખા દરમિયાન કોઈ ફેરફાર કર્યો નથી.
Latest News Updates
