ઈમરાન ખાનની પૂર્વ પત્ની રેહમ ખાને ઈમરાનને ગણાવ્યા ‘મિની ટ્રમ્પ’, કહ્યું – ટ્વિટરે તેમની સામે કડક કાર્યવાહી કરવી જોઈએ
પાકિસ્તાનના વડાપ્રધાન ઈમરાન ખાનને તેમની પૂર્વ પત્ની રેહમ ખાને 'મિની ટ્રમ્પ' ગણાવ્યા છે અને ટ્વિટરને તેમના ઉશ્કેરણીજનક ટ્વિટ્સ સામે પગલાં લેવા પણ વિનંતી કરી છે.
પાકિસ્તાનના વડાપ્રધાન ઈમરાન ખાન (Imran Khan) રવિવારે વિધાનસભામાં વિશ્વાસ મતનો સામનો કરવાના છે. આ દરમિયાન તેમની પૂર્વ પત્ની રેહમ ખાને (Reham Khan) તેમને ‘મિની ટ્રમ્પ’ ગણાવ્યા છે અને ટ્વિટરને તેમના ઉશ્કેરણીજનક ટ્વિટ્સ સામે પગલાં લેવા વિનંતી કરી છે. તમને જણાવી દઈએ કે હિંસાને પ્રોત્સાહિત કર્યા બાદ અમેરિકાના પૂર્વ રાષ્ટ્રપતિ ડોનાલ્ડ ટ્રમ્પનું (Donald Trump) ટ્વિટર એકાઉન્ટ જાન્યુઆરી 2021માં કાયમ માટે સસ્પેન્ડ કરવામાં આવ્યુ હતું. તેમના પર આ આરોપ કિબર પખ્તુનખ્વાના મુખ્યપ્રધાન મહમૂદ ખાનને અભિનંદન આપતા ટ્વિટના સંબંધમાં આવ્યો છે.
ઈમરાન ખાને કહ્યું કે ખૈબર પખ્તુનખ્વામાં સ્થાનિક ચૂંટણીમાં તેમની પાર્ટીની જીત એ તમામ રાષ્ટ્ર વિરોધીઓ માટે પ્રારંભિક ચેતવણી છે. તમને જણાવી દઈએ કે આ ટ્વીટ પર વાંધો ઉઠાવવામાં આવ્યો હતો કે ઈમરાન ખાન વિપક્ષને દેશદ્રોહી અને અમેરિકન એજન્ટ કહી રહ્યા છે. ઈમરાન ખાને શનિવારે પાકિસ્તાની યુવાનોને અવિશ્વાસ પ્રસ્તાવ (No Confidence Motion) પાછળના વિદેશી ષડયંત્ર સામે શાંતિપૂર્ણ વિરોધ પ્રદર્શન કરવા વિનંતી કરી હતી. લાઈવ સેશનમાં બોલતા ઈમરાન ખાને યુવાનોને કહ્યું કે તેઓ પાકિસ્તાન આર્મીની ટીકા ન કરે.
આ રસ્તો આપણા ભલા માટે છે અને તે દેશમાં ક્રાંતિ લાવશે
તેણે કહ્યું, ‘આપણે બે રસ્તાઓ લઈ શકીએ છીએ. આપણે વિનાશનો માર્ગ અપનાવવો છે કે અભિમાનનો માર્ગ? આ માર્ગમાં મુશ્કેલીઓ આવશે, પરંતુ આ આપણા પયગમ્બરનો માર્ગ છે. આ માર્ગ આપણા ભલા માટે છે. આ રસ્તો દેશમાં ક્રાંતિ લાવશે.’ વધુમાં તેણે કહ્યું હું આજે મારા વકીલોને મળ્યો અને અમારી પાસે એક પ્લાન છે. અમે તેમને મુક્ત થવા દઈશું નહીં. અમે આજે રાત સુધીમાં નક્કી કરીશું કે તેમની સામે કેવા પ્રકારની કાનૂની કાર્યવાહી કરવી જોઈએ.
પાકિસ્તાનનો ઈતિહાસ પણ આ દગાબાજોને ભૂલે નહીં!
ઉપરાંત તેમણે કહ્યું, ‘ઈતિહાસ તેમને ક્યારેય ભૂલશે નહીં અને હું ઈચ્છું છું કે પાકિસ્તાનનો ઈતિહાસ પણ આ દગાબાજોને ભૂલે નહીં. આ તમારી જવાબદારી છે. તેમને એવું ન અનુભવવા દો કે તમે ભૂલી ગયા છો. સત્તાવાર દસ્તાવેજો કહે છે કે જો તમે ઈમરાન ખાનને હટાવશો તો અમેરિકા સાથેના તમારા સંબંધો સુધરશે. સાથે જ ઈમરાન ખાને યુવાનોને કહ્યું, ‘હું ઈચ્છું છું કે તમે બહાર આવો અને વિરોધ કરો.’
આ પણ વાંચો : Pakistan: પાકિસ્તાનમાં ‘ઈમરાન યુગ’ સમાપ્ત ! અવિશ્વાસ પ્રસ્તાવ પર આજે થશે મતદાન
Latest News Updates
