Afghanistan Crisis: કાબુલમાં ફસાયેલા અમેરિકનોને રાષ્ટ્રપતિ જો બાઈડનનો વાયદો, કહ્યું કે- અમે તમને ઘરે પહોંચાડીશું
બાયડને કહ્યું કે અમે વિશ્વનું સૌથી મોટું બચાવ કાર્ય ચલાવ્યું છે અને તે ઇતિહાસમાં સૌથી મોટું અને સૌથી મુશ્કેલ એરલિફ્ટ પૈકી એક છે. અમે અત્યાર સુધીમાં અફઘાનિસ્તાનમાંથી 18,000 લોકોને બહાર કાઢી ચુક્યા છે.
તાલિબાનોએ (Taliban)અફઘાનિસ્તાન (Afghanistan)પર કબ્જો કરી લેતા સ્થિતિ વણસી ગઈ છે. અફઘાની નાગરિકો દેશ છોડી રહ્યા છે. જેને પગલે કાબુલ એરપોર્ટમાં અફરાતફરીનો માહોલ જોવા મળ્યો છે. બધા સુરક્ષિત રીતે નાગરિકોને દેશ પહોંચાડી રહ્યા છે. આ વચ્ચે અમેરિકાના રાષ્ટ્રપતિ જો બાઈડનનો(Joe Biden) શુક્રવારે સંબોધન કર્યું હતું.
અફઘાનિસ્તાનમાં ચાલી રહેલા સંકટ પરના તેમના સંબોધનમાં અમેરિકાના રાષ્ટ્રપતિ જો બાઈડને શુક્રવારે અફઘાનિસ્તાનમાં ફસાયેલા અમેરિકન નાગરિકોને તેમના ઘરે લાવવાનું વચન આપ્યું હતું. તેમણે અફઘાનિસ્તાનમાં ફસાયેલા અમેરિકનોને કહ્યું કે અમે તમને ઘરે લાવીશું. તાલિબાનથી અમેરિકનો અને અન્ય લોકોને બચાવવા માટે અમેરિકા કાબુલ એરપોર્ટ પરથી મોટા પાયે ઓપરેશન કરી રહ્યું છે.
બાઈડને કહ્યું કે અમેરિકા તાલિબાન સાથે એરપોર્ટ સુધી સુરક્ષિત રસ્તો મેળવવા માટે સતત સંપર્કમાં છે અને એટલે જ અમેરિકા તાલિબાનને કહી રહ્યું છે કે અમેરિકન લોકોને અફઘાનિસ્તાનની બહાર જવા દેવામાં આવે. એમ પણ કહ્યું કે અત્યારે અફઘાનિસ્તાનમાં અમારી પાસે 6000 સૈનિકો છે. અમારા સૈનિકોએ કાબુલ એરપોર્ટની સુરક્ષાનું ધ્યાન રાખ્યું છે. બાઈડને એમ પણ કહ્યું હતું કે અમે કોઈપણ હુમલાનો બળ સાથે જવાબ આપીશું.
અમે વિશ્વનું સૌથી મોટું બચાવ કાર્ય ચલાવ્યું – બાયડન
બાઈડને કહ્યું કે અમે વિશ્વનું સૌથી મોટું બચાવ કાર્ય ચલાવ્યું છે અને તે ઇતિહાસમાં સૌથી મોટું અને સૌથી મુશ્કેલ એરલિફ્ટ છે. અમે અત્યાર સુધીમાં અફઘાનિસ્તાનમાંથી 18,000 લોકોને બહાર કાઢ્યા છે. એમ પણ કહ્યું કે અમે અફઘાન નાગરિકોને પણ મદદ કરીશું જેઓ અમને ટેકો આપે છે, ખાસ કરીને મહિલાઓ અને કમાન્ડરોની મદદ કરીશું.
બચાવ મિશન પૂર્ણ થયા બાદ અમેરિકી સેના અફઘાનિસ્તાન છોડશે: બાયડન
અમેરિકી રાષ્ટ્રપતિએ કહ્યું કે સેનાની સાથે અફઘાનિસ્તાનમાંથી લોકોને બહાર કાઢવા માટે કોમર્શિયલ ફ્લાઇટ પણ ચલાવવામાં આવી રહી છે. તેની સંખ્યા વધુ વધારવામાં આવશે. બાયડને કહ્યું કે જ્યારે આપણું બચાવ કાર્ય પૂર્ણ થઈ જશે, ત્યારે આપણે ત્યાંથી આપણી સેનાને સંપૂર્ણપણે પાછી ખેંચી લઈશું.
બાયડને કહ્યું કે અફઘાનિસ્તાનમાંથી સુરક્ષિત રીતે બહાર કાઢવામાં આવેલા લોકોમાં અમેરિકી નાગરિકો, કાયમી રહેવાસીઓ, ખાસ ઇમિગ્રન્ટ વિઝા અરજદારો અને અફઘાનોનો સમાવેશ થાય છે જેમણે અમારી સાથે કામ કર્યું છે.
આ પણ વાંચો :Turmeric Farming : હળદરની ખેતીથી ખેડૂતોને અઢળક કમાણી, 2 લાખના રોકાણ સામે 14 લાખની આવક
આ પણ વાંચો : બેંક ખાતાથી લઈને આધાર કાર્ડ સુધી, જાણો અફઘાનિસ્તાનથી ભારતમાં આવેલા નાગરિકોને કઈ સુવિધાઓ મળશે
આ પણ વાંચો :તાલિબાન 31 ઓગસ્ટ સુધી સરકારની રચના અંગે કોઈ જાહેરાત કરી શકે નહીં, અફઘાન અધિકારીએ જણાવ્યું કારણ
