ડોકટરોના જણાવ્યા મુજબ સ્ત્રીઓમાં થાઇરોઇડ કેન્સર થવાની શક્યતા પુરુષો કરતાં ચાર ગણી વધુ હોય છે.

ડોકટરના મત મુજબ આજકાલ થાઇરોઇડ સંબંધિત સમસ્યાઓ સામાન્ય છે, પરંતુ જ્યારે થાઇરોઇડ કેન્સરની વાત આવે છે, ત્યારે આંકડા ચોંકાવનારા છે. શું તમે જાણો છો કે સ્ત્રીઓમાં પુરુષો કરતાં થાઇરોઇડ કેન્સર થવાની શક્યતા લગભગ 3 થી 4 ગણી વધુ હોય છે? પરંતુ જો સ્ત્રીઓ નિયમિત ચેકઅપ વધારે કરાવે છે, એટલે શરૂઆતના સ્ટેજમાં કેન્સર વધુ ઝડપથી ડિટેક્ટ થાય છે.

એસ્ટ્રોજનની હોર્મોનલ ભૂમિકા અને તેની અસર

સ્ત્રીઓમાં થાઇરોઇડ કેન્સરનું જોખમ વધારવામાં હોર્મોન્સ મુખ્ય ભૂમિકા ભજવે છે. આપણી થાઇરોઇડ ગ્રંથિ એસ્ટ્રોજન હોર્મોન પ્રત્યે વધુ સંવેદનશીલ હોય છે. ખાસ કરીને સ્ત્રીઓમાં તેમના પ્રજનન વર્ષો દરમિયાન, પુરુષો કરતાં એસ્ટ્રોજનનું સ્તર વધુ હોય છે. તેથી, તે થાઇરોઇડ કોષોને ઉત્તેજીત કરી શકે છે, જેનાથી અસામાન્ય કોષોની વૃદ્ધિનું જોખમરૂપ રીતે વધી શકે છે, જે આખરે કેન્સર તરફ દોરી શકે છે.

હોર્મોનલ ફેરફારો પણ જવાબદાર છે

સ્ત્રીઓના જીવનમાં હોર્મોનલ વધઘટ થવાની સંભાવના રહેલી હોય છે. કિશોરાવસ્થા, ગર્ભાવસ્થા અને મેનોપોઝ દરમિયાન આ ફેરફારો થાઇરોઇડને સીધી અસર કરી શકે છે. વધુમાં, હાશિમોટો થાઇરોઇડાઇટિસ જેવા ઓટોઇમ્યુન થાઇરોઇડ રોગો સ્ત્રીઓમાં વધુ સામાન્ય છે. આ પરિસ્થિતિઓને કારણે થાઇરોઇડ ગ્રંથિની ક્રોનિક ઈન્ફેમેશન જે થાઇરોઇડ કેન્સરના જોખમને વધારવામાં મદદરૂપ બની શકે છે.

આરોગ્ય પ્રત્યે જાગૃતતા

બીજું કારણ  નિદાન દરમાં વધારો પણ છે. સ્ત્રીઓ પુરુષો કરતાં તેમના સ્વાસ્થ્ય લઈને વધુ જાગૃત હોય છે અને તેઓ ઘણીવાર ઇમેજિંગ અને અન્ય ટેસ્ટ કરાવે છે, જે કેન્સરને શરૂઆતના તબક્કાને શોધી કાઢવામાં મદદ કરી શકે છે પણ ઘણીવાર સ્ત્રીઓ આ વાતને નજરઅંદાજ કરે છે.

થાઇરોઇડનો ટેસ્ટ ક્યારે કરાવવો?

જો નીચેના લક્ષણો દેખાય તો ટેસ્ટ કરાવવો જરૂરી છે

• સતત થાક લાગે
• વજન અચાનક વધે અથવા ઘટે
• વાળ વધુ પડે
• ઠંડું કે ગરમ વધારે લાગે
• પિરિયડ્સ અનિયમિત થાય
• ગળામાં ગાંઠ દેખાય

ખાસ કરીને સ્ત્રીઓએ 30 વર્ષની ઉંમર પછી નિયમિત TSH Test કરાવવો જોઈએ. થાઇરોઇડની સમસ્યા હોય તો ડોક્ટર સલાહ લેવી જરૂરી છે.

HbA1c vs Fasting Blood Glucose : કયો ટેસ્ટ કરાવાથી ડાયાબિટીશ હોવાની પાક્કી ખાતરી થાય છે? આ ટેસ્ટ ડાયાબિટીશ ટ્રેક કરવામાં પણ કરે છે મદદ વધુ જાણવા અહીં ક્લિક કરો.