વૃદ્ધોમાં વારંવાર તાવ આવવો એ પેશાબના ચેપનું લક્ષણ હોઈ શકે છે, તે શા માટે જોખમકારક બની શકે છે જાણો

જો તમારા ઘરમાં કોઈ વૃદ્ધ છે જો તેમને વારંવાર તાવ આવતો હોય, પરંતુ તેનું કારણ જાણવા નથી મળતું, તો તે પેશાબના ચેપનું લક્ષણ હોઈ શકે છે. નિષ્ણાતો કહે છે કે વૃદ્ધોમાં આ એક સામાન્ય સમસ્યા છે, પરંતુ લોકો ઘણીવાર એવું વિચારે છે કે મોટી ઉંમરના લોકોને પેશાબમાં ચેપ લાગતો નથી, પરંતુ તે સાચું નથી. કેટલાક કિસ્સાઓમાં, પેશાબમાં ચેપથી શરીરમાં બળતરા પેદા થઈ શકે છે, જેના કારણે શરીરનું તાપમાન વધે છે અને તાવ આવી શકે છે.

દિલ્હીના એક વરિષ્ઠ ફીઝીશીયન ડૉ. અજય કુમાર સમજાવે છે કે તાવ ઉપરાંત, વૃદ્ધ લોકો પેશાબના ચેપના અન્ય ઘણા લક્ષણો અનુભવી શકે છે, જેમ કે વારંવાર પેશાબ કરવો, પેશાબ કરતી વખતે બળતરા, પેશાબ અટકી અટકીને આવવો અને ઘટ્ટ પેશાબ, કેટલાક વૃદ્ધ પુખ્ત વયના લોકો અન્ય લક્ષણો પણ અનુભવી શકે છે. જેમ કે સુસ્તી, મૂંઝવણ, બેભાન થવું, ચક્કર આવવું, ભૂખ ન લાગવી, પેશાબ થઈ જવો જેવા લક્ષણ હોવા. વૃદ્ધ લોકોની સંભાળ રાખનારાઓએ આનું ધ્યાન રાખવું જોઈએ, કારણ કે વર્તણૂકીય ફેરફારો જેવા સ્પષ્ટ લક્ષણો પણ ચેપનો સંકેત હોઈ શકે છે.

વૃદ્ધોને પણ UTI થવાનું જોખમ રહે છે

ડૉ. અજય જણાવે છે કે કેટલાક વૃદ્ધ લોકોને ઉંમર વધવાની સાથે મૂત્રાશય સંબંધિત બીમારીઓ થાય છે. આના કારણે પેશાબ કર્યા પછી મૂત્રાશય સંપૂર્ણપણે ખાલી થતો નથી, જેના કારણે બેક્ટેરિયાનો વિકાસ થાય છે. આ જ બેક્ટેરિયા પેશાબમાં ચેપનું કારણ બને છે. જો સમયસર ઓળખ ન થાય તો, તેઓ કિડની પર પણ ગંભીર અસર કરી શકે છે. ઘણા કિસ્સાઓમાં, એવું જોવા મળે છે કે વૃદ્ધોમાં પેશાબના ચેપની સમસ્યાને અવગણવામાં આવે છે, જેના કારણે તેમને પાછળથી કિડની સંબંધિત સમસ્યાઓ થવા લાગે છે.

કેટલાક કિસ્સાઓમાં, આ બેક્ટેરિયા લોહીના પ્રવાહમાં ફેલાઈ શકે છે અને સેપ્સિસનું કારણ બની શકે છે. સેપ્સિસ એ ચેપ સામે શરીરની અતિશય અને જીવલેણ પ્રતિક્રિયા છે, જે અંગોને નુકસાન પહોંચાડી શકે છે અને જો તાત્કાલિક સારવાર ન મળે તો મૃત્યુ નું કારણ બની શકે છે જો વૃદ્ધોને વારંવાર તાવ આવે છે, તો તેને હળવાશથી ન લેવું જોઈએ.

તમારે તાત્કાલિક ડૉક્ટરને ક્યારે મળવું જોઈએ?

• તાવ 2-3 દિવસથી વધારે આવતો હોય
• પેશાબમાં દુર્ગંધ આવવી
• પેશાબમાં લોહી આવવું
• અચાનક ચક્કર આવવા
• પેશાબ વારંવાર અથવા ઓછો થવો

વધુ જાણકારી માટે અહીં ક્લિક કરો, Car Wash Tips : તમારી કારની ચમકને નુકસાન ન પહોંચાડો, ઘરે કાર ધોતી વખતે આ ભૂલો પડી શકે છે મોંઘી