Health Tip: શું તમારી પાસે પણ જીમ જવાનો સમય નથી? રોજ માત્ર આટલી જ મિનિટ ચાલો અને જુઓ અદભુત ફાયદા

આજની ભાગદોડભરી જિંદગીમાં ફિટ રહેવું દરેકનું લક્ષ્ય છે. જો તમારી પાસે જીમમાં જવાનો કે ભારે કસરત કરવાનો સમય નથી, તો ચિંતા કરવાની જરૂર નથી. વિજ્ઞાન કહે છે કે રોજની માત્ર 45 મિનિટની વૉક તમારી સ્વાસ્થ્ય સુધારવા માટે પૂરતી છે.

કેટલી કેલરી બર્ન થશે?

તમે ચાલતી વખતે કેટલી કેલરી બર્ન કરશો તેનો આધાર તમારી ઝડપ, વજન અને ઉંમર પર રહેલો છે:

• 55–60 કિલો વજન: 45 મિનિટ ચાલવાથી અંદાજે 150–180 કેલરી બર્ન થાય છે.
• 65–75 કિલો વજન: અંદાજે 180–220 કેલરી બર્ન થાય છે.
• ઝડપી વૉક (Brisk Walking): જો તમે ઝડપથી ચાલો છો, તો આ આંકડો 250–320 કેલરી સુધી પહોંચી શકે છે.

જો તમે અઠવાડિયામાં 5 દિવસ નિયમિત ચાલો છો, તો મહિનામાં તમે 6000 થી 9000 કેલરી ઘટાડી શકો છો.

રોજ 45 મિનિટ ચાલવાના અદભૂત ફાયદા:

• હૃદયને રાખે સ્વસ્થ:

નિયમિત ચાલવાથી શરીરમાં બ્લડ સર્ક્યુલેશન (રુધિરાભિસરણ) સુધરે છે. તે કોલેસ્ટ્રોલ અને બ્લડ પ્રેશરને નિયંત્રિત કરવામાં મદદ કરે છે, જેનાથી હાર્ટ એટેક અને સ્ટ્રોકનું જોખમ ઘટે છે.

• વજન ઘટાડવામાં રામબાણ:

રોજની 45 મિનિટની વૉક મેટાબોલિઝમ વધારે છે અને શરીરની વધારાની ચરબી ઘટાડવામાં મદદરૂપ થાય છે. વજન ઘટાડવા માંગતા લોકો માટે આ સૌથી સરળ રસ્તો છે.

• બ્લડ સુગર પર કંટ્રોલ:

ડાયાબિટીસના દર્દીઓ માટે ચાલવું ખૂબ જ ફાયદાકારક છે. તે બ્લડ સુગર લેવલને સંતુલિત રાખે છે અને સાંધાઓની જકડન દૂર કરી સ્નાયુઓને મજબૂત બનાવે છે.

• તણાવમુક્ત મન અને સારી ઊંઘ:

ચાલવાથી શરીરમાં ‘એન્ડોર્ફિન’ નામના હેપી હોર્મોન્સ રિલીઝ થાય છે. આનાથી મૂડ સારો રહે છે, સ્ટ્રેસ ઓછો થાય છે અને રાત્રે ઊંડી તથા સારી ઊંઘ આવે છે.

• એક્સપર્ટ ટીપ: વૉક શરૂ કરતા પહેલા સારા સ્પોર્ટ્સ શૂઝ પહેરો અને ચાલતી વખતે શરીરને હાઈડ્રેટેડ રાખવા માટે પૂરતું પાણી પીવો.

Disclaimer: આ સમાચાર સામાન્ય માહિતી પર આધારિત છે. વધુ માહિતી માટે તમારા ડૉક્ટરની સલાહ લો.

ટેસ્ટ ડ્રાઈવમાં અકસ્માત થાય તો નુકસાન કોણ ભોગવશે? જાણો શું છે નિયમો, વાંચવા માટે અહીં ક્લિક કરો