આજકાલ ખરાબ લાઈફ સ્ટાઈલના કારણે લોકો તેમના સ્વાસ્થ્ય (Health)નું યોગ્ય ધ્યાન રાખી શકતા નથી. શારીરિક એક્ટિવિટીનો અભાવ અને બિનઆરોગ્યપ્રદ આહાર સ્વાસ્થ્ય પર ખરાબ અસર કરે છે. જેના કારણે પાચનતંત્ર પણ ખરાબ રહે છે. તે કબજિયાત સહિત અન્ય ઘણી બીમારીઓનું કારણ પણ બને છે. પેટનું ફૂલવું અને એસિડિટીના કારણે પણ તમે ખૂબ જ અસ્વસ્થતા અનુભવો છો. આ કારણે તમારે સ્વાસ્થ્ય સંબંધિત સમસ્યાઓનો પણ સામનો કરવો પડે છે.

તમે આ સમસ્યાને દૂર કરવા માટે કેટલીક કુદરતી પદ્ધતિઓ પણ અજમાવી શકો છો. તમે તમારા આહારમાં જડીબુટ્ટીઓનો સમાવેશ કરી શકો છો. જડીબુટ્ટીઓ તમને આ સમસ્યાઓમાંથી તાત્કાલિક રાહત મેળવવામાં મદદ કરશે. ચાલો જાણીએ કે કઈ ઔષધિઓ તમારી પાચન તંત્રને સ્વસ્થ રાખવામાં મદદ કરશે.

આ પણ વાંચો : Rajiv Dixit Health Tips: રાજીવ દીક્ષિતે જણાવ્યું કયું પાણી પીવુ સૌથી સારૂ, જુઓ Video

કેમોલી ચા

તમે કેમોલી ચા લઈ શકો છો. તે માત્ર તમારી ઊંઘની ગુણવત્તાને સુધારે છે પરંતુ તે તમને અન્ય ઘણા ફાયદા પણ આપે છે. કેમોમાઈલ ચામાં ફ્લેવોનોઈડ જેવા ગુણ હોય છે. આ ઔષધિ લેવાથી એસિડિટીમાં રાહત મળે છે. આ સાથે ઉબકાની સમસ્યામાં પણ રાહત મળે છે.

વરિયાળી

વરિયાળીમાં આયર્ન, કેલ્શિયમ અને મેગ્નેશિયમ જેવા પોષક તત્વો હોય છે. તમે તમારા આહારમાં માઉથ ફ્રેશનર તરીકે વરિયાળીનો સમાવેશ કરી શકો છો. આ બીજ તમને ગેસ, પેટનું ફૂલવાથી રાહત આપે છે. આ બીજ તમને અપચોની સમસ્યાથી પણ રાહત આપે છે.

આદુ

આદુ તમારા પાચન માટે પણ સારું છે. આનું સેવન કરવાથી તમે પાચન સંબંધી સમસ્યાઓથી દૂર રહો છો. તે તમને ઉબકા, પેટનું ફૂલવું, અપચો અને પાચન સંબંધિત અન્ય ઘણી સમસ્યાઓથી પણ રાહત આપે છે.આદુનો પાવડર હુંફાળા પાણી સાથે લઈ શકાય છે.

ફુદીનો

તમે તમારા આહારમાં ફુદીનાનો સમાવેશ કરી શકો છો. ફુદીનો લેવાથી તમારું પાચનતંત્ર સ્વસ્થ રહે છે. તમે ફુદીનાની ચા પી શકો છો. . ફુદીનાની ચા તમને પેટ ફૂલવાની સમસ્યાથી રાહત આપે છે. આ સાથે રોગપ્રતિકારક શક્તિ પણ મજબૂત બને છે. ફુદીનાની ચા પણ તમારો તણાવ ઓછો કરે છે. આ ચા હૃદયને પણ સ્વસ્થ રાખે છે.

(જાહેર ચેતવણી : આ લેખમાં આપવામાં આવેલી તમામ માહિતી, જાણકારીના હેતુ માટે લખવામાં આવી છે. સ્વાસ્થ્ય સંબંધિત કંઈપણ અનુસરતા પહેલા  નિષ્ણાતની સલાહ લો.)

Healthના દરેક સમાચાર વાંચવા અહીં ક્લિક કરો