પેટની સામાન્ય સમસ્યા કે કોલોન કેન્સર? આ શરૂઆતના લક્ષણોને બિલકુલ ન કરો ‘નજરઅંદાજ’

કોલોન કેન્સર એ એક ગંભીર અને ઘાતક બીમારી છે, જેના શરૂઆતના લક્ષણો ઘણીવાર સામાન્ય પેટની સમસ્યાઓ જેવા જ દેખાતા હોવાથી લોકો મોટાભાગે તેને નજરઅંદાજ કરી દેતા હોય છે.

Image Credit source: AI Generated

Ravi Prajapati | Updated on: Oct 28, 2026 | 7:45 PM

કોલોન કેન્સર એક ગંભીર બીમારી છે, જેના શરૂઆતના લક્ષણો ઘણીવાર પેટની સમસ્યાઓ જેવા દેખાઈ શકે છે. આ જ કારણ છે કે, લોકો કેટલીકવાર તેના સંકેતોને અવગણી દે છે.

કોલોન કેન્સર થવા પર શરીરમાં આ લક્ષણો દેખાઈ શકે છે

મળ ત્યાગની આદતોમાં ફેરફાર: જો તમને સતત કબજિયાત, ઝાડા અથવા મળ ત્યાગની આદતોમાં ફેરફાર અનુભવાઈ રહ્યો છે, તો તેને અવગણો નહીં. ખાસ કરીને જ્યારે આ સમસ્યા એક અઠવાડિયાથી વધુ સમય સુધી બની રહે તો સાવચેત થઈ જવું જોઈએ.
મળમાંથી લોહી આવવું: કોલોન કેન્સર થવા પર મલમાંથી રક્તસ્ત્રાવ થઈ શકે છે. જો કેન્સર કોલોનના નીચલા ભાગમાં હોય છે, તો લોહી તાજું હોય છે અને તેનો રંગ ચમકતો લાલ દેખાય છે. જો રક્તસ્ત્રાવ કોલોનના ઉપલા ભાગમાંથી થાય છે, તો જૂનું થવાના કારણે ઘાટો લાલ દેખાઈ શકે છે.
સતત પેટમાં દુખાવો કે ખેંચાણ: કોલોન કેન્સર થવા પર પેટમાં દુખાવા અને ખેંચાણની સમસ્યા વધી જાય છે. આ મુશ્કેલી સમયની સાથે ઠીક નથી થતી પરંતુ ધીમે-ધીમે અને ઝડપથી વધી શકે છે.
મળ સાફ ન થવું: કોલોન કેન્સર મલાશયમાં ટ્યુમર કે ગાંઠ હોવા પર એવું અનુભવાઈ શકે છે કે પેટ પૂરી રીતે સાફ નથી થયું અને તરત જ ફરીથી શૌચ જવાની જરૂર છે, ભલે તમે હમણાં જ શૌચાલયમાંથી આવ્યા હોવ.

વજન ઘટવું: કોલોન કેન્સરની સ્થિતિમાં ભૂખ ઓછી લાગે છે અને વ્યાયામ વગર અથવા ડાયેટમાં કોઈ ફેરફાર કર્યા વગર જ વજન ઘટવા લાગે છે.
હંમેશા થાક અથવા ચક્કર આવવા: કોલોન કેન્સરમા ધીમે-ધીમે થતો રક્તસ્ત્રાવ આયર્નની ઊણપથી થતી એનિમિયાનું કારણ બની શકે છે. આનાથી તમને થાક, ચક્કર આવવા અથવા શ્વાસ લેવામાં તકલીફ અનુભવાઈ શકે છે.

ડૉક્ટરો એ પણ કહે છે કે, આ લક્ષણોનો અર્થ એ નથી કે તમને કોલોન કેન્સર છે પરંતુ નવા, સતત રહેનારા અથવા ફેરફારોને ક્યારેય નજરઅંદાજ ન કરવા જોઈએ. જો મલાશયમાંથી વગર કારણે રક્તસ્ત્રાવ થાય, તો તેની તપાસ કરાવવી જરૂરી છે, ભલે તે ફક્ત એક જ વાર કેમ ન થયો હોય.