Surat: પત્નીએ દારૂડિયા પતિને પાઠ ભણાવવા ટેમ્પો પાછળ બાંધી અડધો કિમી સુધી ઘસડ્યો
સુરતના (Surat) કડોદરામાં ક્રૂરતાની હદ વટાવતી અરેરાટીભરી તસવીરો સામે આવી છે. ટેમ્પો પાછળ એક યુવાનને બાંધીને અંદાજે અડધો કિમી સુધી યુવકને ઘસેડવામાં આવ્યો છે.
સુરતના (Surat) કડોદરામાં ક્રૂરતાની હદ વટાવતી અરેરાટીભરી તસવીરો સામે આવી છે. ટેમ્પો પાછળ એક યુવાનને બાંધીને અંદાજે અડધો કિમી સુધી યુવકને ઘસેડવામાં આવ્યો છે. યુવકની સ્થિતી ગંભીર હોવાથી તેને સારવાર અર્થે હોસ્પિટલમાં ખસેડવામાં આવ્યો છે. આ યુવકની આટલી આકરી સજા આપનાર અન્ય કોઈ નહીં પરંતુ તેની પત્ની અને ભાઈ જ છે. ઘટનાની જાણ થતાં જ પોલીસે બંને આરોપીઓની અટ્કાયત કરી આગળની કાર્યવાહી હાથ ધરી છે.
દારૂના નશામાં રહેતા પતિને સમજાવવાને બદલે પોતાના ભાઈને ફરિયાદ કરતા ભાઈએ પોતાના બનેવીને ઢોર મારમારી ક્રૂરતા પૂર્વક ટેમ્પા પાછળ બાંધી અડધો કિલોમીટર સુધી ઘસેડયો હતો, જોકે આ બનાવને પગલે સ્થાનિકોએ ક્રૂરતા ભર્યું વર્તન કરનાર ઈસમને રોકી પોલીસના હવાલે કર્યો હતો, આ સમગ્ર બનાવ સુરતના કડોદરા વિસ્તારનો છે.
સુરત જિલ્લાના પલસાણા તાલુકા ખાતે આવેલ કડોદરામાં કૃષ્ણાનગરની સત્યમ શિવમ સોસાયટીમાં રહેતા અને મૂળ મહારાષ્ટ્રના બાલાકૃષ્ણ રમેશભાઈ રાઠોડ મિલમાં કામ કરે છે. જેઓ પત્ની શીતલ સાથે દારૂ પી અવારનવાર ઝઘડો કરતો હતો. શુક્રવારે બપોરે 2 વાગ્યે બાલકૃષ્ણએ શીતલ અને સાસુ સાથે ઝઘડો કરતા શીતલે દુર્ગાનગરમાં તેના ભાઈ અનિલને બોલાવ્યો હતો. અનિલ ટેમ્પો ચલાવતો હોઈ પોતાનો ટેમ્પો લઈ આવ્યો હતો. અનિલ અને શીતલે બાલકૃષ્ણને માર માર્યો હતો અને બાલકૃષ્ણને ટેમ્પો પાછળ દોરડા વડે બાંધી અડધો કિલોમીટર સુધી રોડ ઉપર ઘસડી જતા અરેરાટી ફેલાઈ હતી.
ઘટના જોઈ સ્થાનિકો રોડ ઉપર દોડી આવ્યા હતા અને ટેમ્પો અટકાવીને બાલકૃષ્ણને છોડાવ્યો હતો. તેની હાલત ગંભીર હોવાથી બેભાન અવસ્થામાં સારવાર માટે સુરત સ્મીમેર હોસ્પિટલમાં ખસેડવામાં આવ્યો હતો. ત્યારે આ સમગ્ર ઘટના નજીકના સીસીટીવી કેમેરામાં કેદ થઈ ગઈ હતી, જેમાં ક્રૂરતા પૂર્વક અનિલ તેના બનેવી બાલકૃષ્ણને દોરડાથી બાંધીને ટેમ્પા વડે ઘસેડતો નજરે ચડે છે.
આ પણ વાંચો: Reliance Future Group Deal: ડીલ ન થઈ શકે તો 11 લાખ લોકોની રોજગારી છીનવાઈ જવાનો ભય