Surat: મુંબઈ-અમદાવાદ હાઈ સ્પીડ રેલ કોરિડોર માટે પ્રથમ સ્ટીલ બ્રિજ સુરતમાં તૈયાર કરવામાં આવ્યો

NHSRCL એ મુંબઈ -અમદાવાદ હાઈ સ્પીડ રેલ કોરિડોર માટે ગુજરાતના સુરત શહેરમાં નેશનલ હાઈવે-53 પર 70 મીટર લંબાઈનો પ્રથમ સ્ટીલ બ્રિજ બાંધ્યો હતો. 28 સ્ટીલ બ્રિજમાંથી આ પહેલો બ્રિજ છે જે MAHSR કોરિડોરનો ભાગ હશે. આ સ્ટીલ બ્રિજના નિર્માણમાં અંદાજે 70,000 MT સ્ટીલનો ઉપયોગ થવાનો અંદાજ છે. આ સ્ટીલ બ્રિજ સ્પાનની લંબાઈ 60 મીટર ‘સિમ્પલી સપોર્ટેડ’ થી 130 + 100 મીટર ‘સતત સ્પાન’ સુધી બદલાય છે.

આ પણ વાંચોઃ Gujarat Video ધાર્મિક સંસ્થાઓ Amul પાસેથી ઓછા ભાવે સીધુ ઘી ખરીદે છે, અંબાજીમાં કેમ બહારથી ખરીદ કર્યુ? મોટો સવાલ

જાપાનીઝ જ્ઞાનની સાથે, ભારત મેક-ઈન-ઈન્ડિયા વિઝન હેઠળ ઈન્ફ્રાસ્ટ્રક્ચરનું નિર્માણ કરવા માટે તેની સ્વદેશી તકનીકી અને સામગ્રી ક્ષમતાઓનો વધુને વધુ ઉપયોગ કરી રહ્યું છે. એચએસઆર માટે સ્ટીલ બ્રિજ આવા ઉદાહરણોમાંનું એક છે.

સ્ટીલના પુલ સૌથી યોગ્ય

હાઇવે, એક્સપ્રેસવે અને રેલ્વે લાઇનને પાર કરવા માટે સ્ટીલના પુલ સૌથી યોગ્ય છે. પ્રી-સ્ટ્રેસ્ડ કોંક્રીટ પુલથી વિપરીત, 40 થી 45 મીટર સુધી ફેલાયેલા છે, જે નદીના પુલ સહિત મોટાભાગના વિભાગો માટે યોગ્ય ગણાય છે. ભારત પાસે 100 થી 160 કિમી પ્રતિ કલાકની ઝડપે દોડતી ભારે હૉલ અને સેમી હાઇ-સ્પીડ ટ્રેનો માટે સ્ટીલ બ્રિજ બનાવવાની કુશળતા છે. અને, આ પ્રથમ વખત છે, 320 કિમી પ્રતિ કલાકની ઝડપે દોડતી શિંકનસેન બુલેટ ટ્રેનને માટે સ્ટીલ બ્રિજ બનાવવામાં આવ્યો છે. જેને સફળતાપૂર્વક ચોકસાઇ સાથે લોન્ચ કરવામાં આવ્યો હતો.

પહેલા દિલ્હી નજીક હાપુડ જિલ્લામાં વર્કશોપમાં તૈયાર કરવામાં આવ્યો હતો. જે પુલના સ્થળથી લગભગ 1200 કિમી દૂર છે. સ્ટીલનું માળખું, જેમાં લગભગ 700 હિસ્સાઓ જેનો 673 મેટ્રિક ટનનો સમાવેશ થાય છે. તેને ટ્રેઇલર્સ પર ઇન્સ્ટોલેશનના સ્થળે લઈ જવામાં આવ્યો હતો.

પરિક્ષણો બાદ પુલ તૈયાર કરાયો

સાઇટ પર, 12 થી 14 મીટરની ઉંચાઈનો સ્ટીલ બ્રિજ 10 થી 12 મીટર ઉંચા થાંભલાઓ ઉપર સ્ટેજિંગ પર એસેમ્બલ કરવામાં આવ્યો હતો. ત્યાર બાદ મુખ્ય બ્રિજ એસેમ્બલી સાથે 200 મેટ્રિક ટન વજન એસેમ્બલ કરવામાં આવ્યું હતું. કાળજી અને કુશળતા સાથે, બ્રિજ એસેમ્બલીને રાષ્ટ્રીય ધોરીમાર્ગ પર સંપૂર્ણ ટ્રાફિક બ્લોક હેઠળ ખાસ ડિઝાઇન કરાયેલ પુલિંગ વ્યવસ્થા દ્વારા તેને તૈયાર કરવામાં આવ્યો હતો.

સ્ટીલના દરેક ઉત્પાદન બેચનું અલ્ટ્રાસોનિક ટેસ્ટિંગ (UT) દ્વારા ઉત્પાદકના પરિસરમાં પરીક્ષણ કરવામાં આવ્યું હતું. સ્ટીલ બ્રિજના નિર્માણમાં જાપાની ઈજનેર દ્વારા તૈયાર કરવામાં આવેલા ડિઝાઈન ડ્રોઈંગ મુજબ કટીંગ, ડ્રિલિંગ, વેલ્ડીંગ અને પેઈન્ટીંગની હાઈ-ટેક અને ચોક્કસ કામગીરી થાય છે. કોન્ટ્રાક્ટરને આંતરરાષ્ટ્રીય વેલ્ડીંગ નિષ્ણાતો દ્વારા પ્રમાણિત વેલ્ડર્સ અને સુપરવાઈઝરને જ આ કામમાં રાખવા ફરજિયાત છે. દરેક વર્કશોપમાં તૈનાત જાપાનીઝ ઈન્ટરનેશનલ વેલ્ડીંગ એક્સપર્ટ (IWE) દ્વારા પણ વેલ્ડીંગ પ્રક્રિયાનું નિરીક્ષણ કરવામાં આવે છે. ફેબ્રિકેટેડ સ્ટ્રક્ચર ચેક એસેમ્બલી પ્રક્રિયામાંથી પસાર થાય છે.

આ પછી સ્ટીલ સ્ટ્રક્ચરને અત્યાધુનિક 5-સ્તરવાળુ પેન્ટીંગ કરવામાં આવે છે.  સ્ટીલ ગર્ડર્સ માટે અપનાવવામાં આવેલી પેઇન્ટિંગ ટેકનિક ભારતમાં આ પ્રકારની પ્રથમ છે. તે જાપાન રોડ એસોસિએશનની “સ્ટીલ રોડ બ્રિજીસના કાટ સંરક્ષણ માટેની હેન્ડબુક”ની C-5 પેઇન્ટિંગ સિસ્ટમને અનુરૂપ છે.

તકનિકી મુદ્દાઓ

• મુખ્ય પુલની લંબાઈ: 70 મીટર
• મુખ્ય પુલનું વજન: 673 MT
• લોન્ચિંગ નાકની લંબાઈ: 38 મીટર
• લોન્ચિંગ નાકનું વજન: 167 MT
•  વપરાયેલ સ્ટીલ: 673 MT (મુખ્ય પુલ)

ગુજરાતના તમામ જિલ્લાના સમાચાર વાંચવા માટે અહીં ક્લિક કરો