16 જાન્યુઆરીના મહત્વના સમાચાર : જામનગરમાં ધ્રોલના લતીપર અને ગોકુળપુર પાસે કારે મારી પલટી, વહેલી સવારે અકસ્માતમાં 3 મોત

જૂનાગઢઃ સાબાલપુર ચોકડી નજીક તસ્કરોએ તરખાટ મચાવ્યો છે. ડિજિટલ ફર્નિચરમાં રોકડ 40 હજારની ચોરી કરી. અન્ય એંજલ એગ્રો સિડ્સમાં પણ તસ્કરો ત્રાટક્યા. 5 અજાણ્યા ઈસમો વિરૂદ્ધ ફરિયાદ નોંધાઇ છે.

સુરત: લાલગેટ પાલીયા ઝૂંપડપટ્ટીમાંથી બાંગ્લાદેશી શખ્સ ઝડપાયો છે. બોગસ દસ્તાવેજના આધારે દોઢ વર્ષથી સુરતમાં રહેતો હતો. આરોપી પાસેથી બનાવટી ચૂંટણીકાર્ડ, ડ્રાઇવિંગ લાયસન્સ જપ્ત કરાયા. ગેરકાયદે ભારતમાં રહેતા શખ્સ યુસુફ સરદાર સામે પોલીસે કાર્યવાહી કરી.

જામનગર: સૌરાષ્ટ્રની સૌથી મોટી જીજી હોસ્પિટલ ફરી વિવાદમાં આવી છે. દર્દીને લઈ જતી વખતે લિફ્ટ બંધ થઈ ગઈ. દર્દી સાથે લિફ્ટમાં ફસાયેલા લોકો મદદ માટે બોલાવતા રહ્યા. કોઈ લિફ્ટમેન કે કર્મચારી મદદ માટે ન આવ્યું. દર્દીના સગાએ ફસાયેલી સ્થિતિમાં વીડિયો બનાવ્યો.

જામનગર: વહેલી સવારે અકસ્માતમાં 3 મોત થયા છે. ધ્રોલના લતીપર અને ગોકુળપુર પાસે કારે  પલટી મારી હતી. અકસ્માતમાં અન્ય 2 લોકો ઇજાગ્રસ્ત થયા છે. ઇજાગ્રસ્તોને એમ્બ્યુલન્સ મારફતે હોસ્પિટલ ખસેડાયા છે.

રાત્રે 2 વાગ્યે ઘરમાં ઘૂસેલા ચોરે સૈફ અલી ખાન પર તીક્ષ્ણ હથિયારથી હુમલો કર્યો. તેમના શરીર પર 2-3 ઘા માર્યા. સૈફ અલી ખાન પર થયેલા હુમલા અંગે મુંબઈ પોલીસે કહ્યું કે એક અજાણ્યો વ્યક્તિ અભિનેતાના ઘરમાં ઘૂસી ગયો હતો. આ પછી, સૈફ અને ઘુસણખોર વચ્ચે ઝપાઝપી થઈ. આ દરમિયાન તેણે સૈફ અલી ખાન પર છરી વડે હુમલો કર્યો. આ મામલાની તપાસ હજુ ચાલુ છે. સૈફને સારવાર માટે લીલાવતી હોસ્પિટલમાં દાખલ કરવામાં આવ્યા છે. ડોક્ટરોએ માહિતી આપી છે કે સૈફ અલી ખાનની હાલત સ્થિર છે. સૈફ પર હુમલો રાત્રે 2.30 વાગ્યાની આસપાસ થયો હતો. તેના શરીર પર કુલ છ ઘા હતા અને તેમાંથી બે ઊંડા હતા.

ભાવનગર શહેરમાં જાહેરમાં ખુની ખેલ ખેલાયો છે. પથિકાશ્રમ પાસે યુવકની તિક્ષ્ણ હથિયારના ઘા વડે હત્યા કરી. યુવકની હત્યાને પગલે પોલીસે તપાસ હાથ ધરી છે. અગમ્ય કારણોસર યુવકની કરૂણ હત્યા થઇ. 3 શખ્સોએ હત્યા કરી.

બનાસકાંઠાઃ હિડ એન્ડ રનમાં બાઇકચાલકનું મોત થયુ. ડીસા પાલનપુર હાઇવે પર ભોયણ પાટીયા નજીક હિટ એન્ડ રનની ઘટના બની. અકસ્માતમાં બાઇકચાલકનું ઘટનાસ્થળે મોત થયુ છે. બાઇકચાલકને ટક્કર મારી અજાણ્યો વાહનચાલક ફરાર છે. પોલીસે ઘટનાસ્થળે પહોંચી તપાસ હાથ ધરી છે.

કેન્દ્રીય ગૃહપ્રધાન અમિત શાહ આજે વડનગરની મુલાકાતે છે. અમિત શાહ ‘અનંત અનાદિ વડનગર’ કાર્યક્રમમાં હાજરી આપશે. આર્કિયોલોજિકલ એક્સપિરિયન્સ મ્યુઝિયમ, સ્પોર્ટસ કોમ્પલેક્સનું લોકાર્પણ કરશે. PM મોદી જ્યાં ભણ્યા તે પ્રેરણા સંકુલ પરિસરનું પણ લોકાર્પણ કરશે. શ્રીહાટકેશ્વર મંદિર, વડનગરની વિરાસતની મુલાકાત લેશે.