Rajkot: મહિલાના ગળામાંથી સોનાની ચેઇનની ચીલઝડપ, જુઓ Live Video

રાજકોટના લીંબુડી વાડી વિસ્તારમાં મહિલાની મદદે આવ્યું એક શ્વાન. રાજકોટના લીંબુડી વાડી વિસ્તારમાં રહેતા ગીતાબા ભટ્ટી નામના મહિલા આજે મોર્નિંગ વોક કરીને પોતાના ઘરે જતા હતા, ત્યારે એક બાઇક ચાલક ત્યાં આવી પહોંચ્યો હતો અને મહિલાના ગળામાંથી સોનાની ચેઇનની ચીલઝડપ કરવાનો પ્રયાસ કર્યો હતો. જો કે ત્યાં મહિલાએ બુમો પાડતા શ્વાન ભસવા લાગ્યો હતો અને શ્વાન પાછળ આવતા બાઇક ચાલક ત્યાંથી ભાગી ગયો હતો અને સોનાનો ચેઇન તેના હાથમાંથી પડી ગઇ હતી.

CCTV માં કેદ થયેલી આ ઘટનામાં જોવા મળે છે કે, લૂંટારો લૂંટ કરતો હતો ત્યારે આસપાસમાં શ્વાનો તેની પાસે દોડી ગયા હતા અને ભસવા લાગ્યા હતા. પરંતુ આસપાસના ઘરમાં લોકો બહાર નીકળ્યા નહોતા. બાદમાં રાહદારીઓ મહિલાઓની મદદ માટે દોડી ગયા હતા. પરંતુ ત્યાં સુધીમાં તો લૂંટારો ફરાર થઇ ગયો હતો.