પંચમહાલમાં અવિરત મેઘમહેર, હડફ અને દેવ ડેમમાંથી સીઝનમાં બીજી વખત પાણી છોડાયું

પંચમહાલ જિલ્લામાં સતત 3 દિવસથી અવિરત વરસી રહેલા વરસાદને લઈને જિલ્લાના તમામ જળાશયોમાં પાણીની નોંધપાત્ર આવક નોંધાવા પામી છે, એમાં પણ જિલ્લાના હડફ અને દેવ ડેમમાંથી આ સીઝનમાં બીજી વખત પાણી છોડવાની તંત્રને ફરજ પડી હતી. હડફ ડેમમાંથી 4800 ક્યુસેક અને દેવ ડેમમાંથી 964 ક્યુસેક પાણી છોડવામાં આવ્યું છે. હવામાન વિભાગની આગાહી મુજબ સમગ્ર રાજ્યમાં હાલમાં ભારે વરસાદ થઈ રહ્યો છે. પંચમહાલ જિલ્લામાં પણ છેલ્લા 3 દિવસથી સતત વરસાદ વરસી રહ્યો છે તો ઉપરવાસમાં પણ થઈ રહેલા વરસાદને કારણે જિલ્લાના તમામ જળાશયોમાં નવા પાણીની આવક નોંધાઈ છે.

Dev Dam Halol

Web Stories View more

મુકેશ અંબાણીએ એક જ દિવસમાં 43,000 કરોડ રૂપિયા ગુમાવ્યા, આ છે મોટું કારણ

20 વર્ષમાં 15% થી વધુ રિટર્ન આપનારા 10 Mutual Fund

ઉનાળામાં ચા પીધા પહેલા કે પછી પાણી પીવાથી શું થાય છે? જાણી લો

SBI આપી રહી છે સૌથી સસ્તી કાર લોન, જાણો 8 લાખની લોન પર કેટલી EMI આવશે?

ઉનાળાની કાળઝાળ ગરમીમાં છોડને હીટસ્ટ્રોકથી બચાવવા અપનાવો આ ટીપ્સ

Home Loan લીધા વગર ખરીદી શકશો 60 લાખનો ફ્લેટ, કરો આટલા હજારની SIP

પંચમહાલ જિલ્લાના મોરવા હડફ તાલુકામાં આવેલા હડફ ડેમમાં પણ દાહોદ જિલ્લામાં પડેલા ભારે વરસાદને લઈને નવા પાણીની આવક શરૂ થઈ છે, હડફ ડેમમાં આજે 4800 ક્યુસેક નવા પાણીની આવક થઈ હતી, જેની સામે નદીમાં 2800 ક્યુસેક પાણી છોડવામાં આવ્યું હતું. હડફ ડેમની ભયજનક સપાટી 166.20 મીટર છે. જ્યારે ડેમની હાલની જળસપાટી 165.20 મીટરે પહોંચી છે. હડફ ડેમમાં પાણી છોડાતા તંત્ર દ્વારા સતર્કતાના ભાગરૂપે હડફ નદીના કાંઠે આવતા ગામોને પણ એલર્ટ કરવામાં આવ્યા હતા.

બીજી તરફ હાલોલ તાલુકાના દેવ ડેમમાં પણ 1,047 ક્યુસેક પાણીની આવક થતાં ડેમના 2 દરવાજા ખોલીને 964 ક્યુસેક પાણી દેવ નદીમાં છોડવામાં આવ્યું હતું. નદીમાં પાણી છોડવામાં આવતા નદી કાંઠાના હાલોલ તાલુકાના 7 ગામોને એલર્ટ કરવામાં આવ્યા છે. જિલ્લાના બંને જળાશયોમાં પાણીની આવક નોંધપાત્ર થતાં ડેમના રુલ લેવલ જાળવવા માટે સીઝનમાં બીજી વખત પાણી નદીઓમાં છોડવામાં આવ્યા હતા, જ્યારે ડેમમાં પાણીની આવકને લઈને ધરતીપુત્રોમાં હર્ષની લાગણી છવાઈ હતી.

રોચક VIDEO જોવા માટે TV9Gujaratiના YOUTUBE પેજને SUBSCRIBE કરો