CT સ્કેન સ્વાસ્થ્ય માટે છે હાનિકારક! બીનજરૂરી સીટી સ્કેન કરાવતા પહેલા ચેતજો

કોરોના સામે RT-PCR અને એન્ટીજન ટેસ્ટ પછી તબીબો સૌથી વધુ સીટી સ્કેન માટેની સલાહ આપવામાં આવે છે. જેના કારણે મોટી સંખ્યામાં લોકો સીટી સ્કેન કરાવી રહ્યા છે. હકીકતમાં ઘણા લોકોમાં કોરોના લક્ષણો હોવા છતાં પણ નેગેટિવ રિપોર્ટ આવી રહ્યા છે, જેના પછી ડોકટરો તેમને સીટી સ્કેન કરાવવાની સલાહ આપી રહ્યા છે. પરંતુ નિષ્ણાત તબીબોનું કહેવું છે કે જો કોરોનામાં હળવા લક્ષણો હોય તો સીટી સ્કેન કરવાની જરૂર નથી. સીટી સ્કેન સ્વાસ્થ્ય માટે હાનિકારક હોઈ શકે છે. તે મળ્યા પછી, કેન્સરની સંભાવના વધી શકે છે.

નિષ્ણાતોનું માનવું છે કે સીટી સ્કેન અને બાયોમાર્કરનો દુરૂપયોગ થઈ રહ્યો છે. જો હળવા લક્ષણો હોય તો સીટી સ્કેનની જરૂર રહેતી નથી. એક સીટી સ્કેન 300 ચેસ્ટ એક્સ રે બરાબર છે. તે ખૂબ જ નુકસાનકારક છે. કોરોના કાળમાં હાલ ઘણા લોકો સીટી સ્કેનમાંથી પસાર થઈ રહ્યા છે. જ્યારે સીટી સ્કેનની જરૂર નથી. આ સ્થિતિમાં સીટી સ્કેન કરાવીને લોકો પોતાની જાતને જ નુકસાન પહોંચાડી રહ્યા છે. આવું કરીને લોકો પોતાની જાતને રેડિયેશનના સંપર્કમાં લાવી રહ્યાં છે, જેનાથી કેન્સર થવાની સંભાવના વધી જાય છે.

જે રેમડેસિવિર ઇન્જેક્શન માટે લોકો બ્લેક કરે છે, દર્દીના સગાઓ હેરાનગતિ ભોગવે છે, એ ઇન્જેક્શન હકીકતમાં આરોગ્ય માટે હાનિકારક બની રહ્યું છે. રેમડેસિવિરના ડોઝ લેનાર દર્દીઓ એવી ગંભીર બીમારીનો ભોગ બની શકે છે જેની સામે તેમને જીવનભર ઝઝૂમવું પડી શકે એમ છે. એઇમ્સના ડાયરેક્ટર ડૉ. રણદીપ ગુલેરિયાએ જણાવ્યું છે કે. વારંવાર સીટી સ્કેન પણ શરીર માટે હાનિકારક છે, તેનાથી કેન્સર થવાનું જોખમ છે. રેમડેસિવિર અને સ્ટેરોઇડના કૉમ્બિનેશનથી શરીરમાં સુગર લેવલ વધી જાય છે. ડાયાબિટિસના દર્દીઓનું સુગર લેવલ તો 400 સુધી પહોંચી જાય છે.