ટ્રિપલ તલાક બોલતા મહેસાણાના ‘ફકીર’ ને કેદની સજા, ઘરમાં એક પત્નિ હતી છતાં બીજી લઈ આવ્યો હતો

મહેસાણા શહેર નજીક આવેલા નાગલપુર વિસ્તારમાં એક મહિલાને તેના પતિએ 17 વર્ષના લગ્નજીવનને પળવાર જ તોડી નાંખ્યુ હતુ. પતિએ પોતાની સાસરી એટલે કે મહિલાના પિયરમાં પહોંચીને ત્યાં માથાકૂટ કરી હતી. પતિને પ્રથમ પત્નિ હયાત હોવા છતાં બીજા લગ્ન કર્યા હતા અને જેને લઈ પત્નિએ વિરોધ કર્યો હતો. આ દરમિયાન મારામારી કરીને પતિએ પ્રથમ પત્નિને તેના પિયરમાં જ ત્રણ વાર તલાક બોલીને છૂટાછેડા આપ્યા હતા.

આમ મામલે વર્ષ 2019માં મહેસાણા શહેરમાં આવેલા એ ડિવિઝન પોલીસ સ્ટેશનમાં ગુનો નોંધવામાં આવ્યો હતો. મહેસાણા પોલીસે ટ્રિપલ તલાક બોલીને છૂટાછેડા આપવાના મામલે જિલ્લાનો પ્રથમ ગુનો નોંધીને તપાસ શરુ કરી હતી. જેમાં આરોપી ફકીર જાકીરશાને કોર્ટે 2 વર્ષની સજા સંભળાવી છે.

ફકીરે બીજી પત્નિ ઘરમાં લાવી

નાગલપુર વિસ્તારમાં રહેતા ફકીર જાકીરશા સાથે મહિલાના લગ્નના 17 વર્ષ વીતી ચૂક્યા હતા. બંનેએ વર્ષ 2003માં લગ્ન કર્યા હતા. આ દરમિયાન હવે આટલા વર્ષો બાદ ફકીર જાકીરશાને બીજી પત્નિ લાવવી હતી. જે પત્નિનો વિરોધ પ્રથમ પત્નિએ કર્યો હતો. પરંતુ ફકીર લગ્ન કરવા મક્કમ બન્યો હોય એમ તે પોતાની વાત પર રહ્યો હતો. આથી બીજી પત્નિ લાવવાને લઈ પ્રથમ પત્નિ પર ત્રાસ ગુજારવો શરુ કર્યો હતો.

Web Stories View more

CID માં કરી જોરદાર એન્ટ્રી, કોણ છે અભિનેત્રી લેખા પ્રજાપતિ?

35 વર્ષની ઉંમરે કુંવારી અભિનેત્રી બીજા ધર્મમાં કરશે લગ્ન..

ક્યાંક તમે ખોટી રીતે તો સનસ્ક્રીન લોશન નથી લગાવી રહ્યા ને! જાણો યોગ્ય રીત

બદામ કેટલાં દિવસમાં બગડે છે? જાણો સાચવવાની સાચી રીત

સવારે ગાયનું ઘરે આવવું કઈ વાતનો આપે છે સંકેત?

Mangoes For Mughal : મુઘલો માટે કેરી ક્યાંથી આવતી?

પ્રથમ પત્નિ પતિના ત્રાસ અને બીજા લગ્ન કરી લીધા હતા જેને લઈ તે પોતાના પિયરમાં ચાલી ગઈ હતી. ફકીર જાકીરશા પ્રથમ પત્નિના પિયરમાં પહોંચીને ત્યાં મારા મારી કરવા લાગ્યો હતો. જેને લઈ મહિલાના ભાઈ સહિતના લોકો વચ્ચે પડીને છોડાવવા લાગ્યા હતા. આ સમયે ફકીરે તેમને ધમકીઓ આપી હતી. ધમકીઓ આપવા સાથે જ ત્રણ વાર તલાક કહી સંભળાવીને છૂટાછેડા આપ્યા હતા.

આ પણ વાંચોઃ PM નરેન્દ્ર મોદી લક્ષદ્વીપ પહોંચ્યા, સુંદર ટાપુને નવા વર્ષે અનેક સુવિધાઓની ભેટ આપી

કોર્ટે સજા સંભળાવી

આ દરમિયાન પ્રથમ પત્નિએ મહેસાણા શહેરના એ ડિવિઝન પોલીસ સ્ટેશનમાં પોતાના ઘરે બનેલી ઘટનાની ફરિયાદ નોંધાવી હતી. જેમાં 2019ની ટ્રિપલ તલાક મુસ્લિમ વુમન એક્ટ મુજબ ગુનો નોંધીને તપાસ શરુ કરાઈ હતી. જે સંદર્ભનો કેસ મહેસાણા સેશન્સ કોર્ટમાં ચાલ્યો હતો. સેસન્સ જજ એલએલ મહેતાએ આરોપી ફકીર જાકીરશાને દોષીત ઠેરવ્યા હતા. ત્રણ વાર તલાક બોલી છૂટાછેડા આપનાર ફકીરને 2 વર્ષની કેદ અને 5 હજાર રુપિયાનો દંડ ફટકાર્યો હતો.

મહેસાણા સહિત ગુજરાતના તમામ જિલ્લાના સમાચાર વાંચવા માટે અહીં ક્લિક કરો