Kheda: ડાકોર મંદિરમાં હવે VIP દર્શનનો પગપેસારો, દર્શન માટે ચુકવવા પડશે રુપિયા 500, જૂઓ Video

Kheda : ભક્તોએ (Devotees) જો કાળિયા ઠાકોરના નજીકથી દર્શન કરવા હશે તો તમારે નાણાં ચુકવવા પડશે.જો ડાકોરના (Dakor) ઠાકોરના નજીકથી દર્શન કરવા હશે તો તમારે રૂ 500 ચૂકવવા પડશે. ડાકોરના રણછોડજી મંદિરમાં (Ranchodji temple) VIP દર્શનનો પ્રારંભ કરવામાં આવ્યો છે. આ VIP દર્શન માટે રૂપિયા 500નો ચાર્જ રખાયો છે. એટલે કે રૂપિયા ચૂકવીને હવે  ઠાકોરજીના સન્મુખ ઉંબરા સુધી જઇને દર્શન કરી શકાશે.

આ પણ વાંચો-Ahmedabad: SVPI એરપોર્ટમાં આંતરરાષ્ટ્રીય મુસાફરોને મળશે વધુ સુવિધા, ગુજરાતી સંસ્કૃતિને દર્શાવતા નવનિર્મિત અરાઈવલ હોલનું ઉદ્ઘાટન કરાયુ

તો મહિલાઓની દર્શન જાળીએથી પુરુષોને દર્શન કરવા હશે તો રૂપિયા 250 ચૂકવવા પડશે. જોકે VIP દર્શન કરનાર પરિવાર સાથે આવેલા 12 વર્ષથી નાના બાળકો મફત દર્શન કરી શકશે.ડાકોર ટેમ્પલ કમિટી દ્વારા આ મહત્વનો નિર્ણય કરવામાં આવ્યો છે. હાલ ડાકોરમાં કાઉન્ટર પર ચાર્જ ચૂકવી VIP દર્શન કરવાની મંજૂરી મેળવી શકાય છે. ભવિષ્યમાં આ સુવિધા ઓનલાઈન પણ કરવાની તૈયારી ચાલી રહી છે. જો કે ભક્તો આ નિર્ણયને અયોગ્ય ઠેરવી રહ્યા છે અને નિર્ણય પરત ખેંચવાની માગ કરી રહ્યા છે. કારણકે ઘણા શ્રદ્ધાળુઓ દર પૂનમે અહીં દર્શન કરવા આવતા હોય છે. ત્યારે દર પૂનમે VIP દર્શનનો લાભ લેવો ગરીબ અને મધ્યમવર્ગના ભક્તોને પોષાય એમ નથી.

Web Stories View more

શેરબજાર પર બાબા વેંગાની ચોંકાવનારી ભવિષ્યવાણી ! 2025 માટે કહી મોટી વાત

શું છે LIC ની જીવન શિરોમણી પોલિસી, જેમાં તમને મળશે 1 કરોડ રૂપિયા

શ્રીવલ્લી નહીં, તો કોણ છે આ એક્ટ્રેસ, જેને અલ્લુ અર્જુને ગણાવી ફેવરિટ

શિયાળામાં લોહી અને કેલ્શિયમની સમસ્યા થશે દૂર, બે મહિના ખાઓ આ વસ્તુ, જુઓ Video

મરી, હળદર અને આદુથી બનેલુ જાદુઈ ડ્રિંક પીવાથી શરીરની આ મોટી સમસ્યા થશે દૂર

Pushpa 2ના આઈટમ સોંગમાં તડકો લગાવશે શ્રી લીલા, જુઓ ફોટો

મહત્વનું છે કે ગુજરાતના મોટા મંદિરમાં ક્યાંય આવો VIP દર્શનનો ચાર્જ નથી વસૂલાતો, પરંતુ ડાકોર મંદિરમાં પ્રથમ વખત ચાર્જ વસૂલીને VIP દર્શન કરાવવાનો પ્રારંભ થયો છે. જેના કારણે મંદિરની આવકમાં વધારો થશે. મંદિરના ટ્રસ્ટીનું માનવું છે કે, ચાર્જ તરીકે વસૂલાતી રકમ વૈષ્ણવોની સુવિધા માટે વપરાશે.

ભારતમાં અનેક મંદિરોમાં થાય છે VIP દર્શન

નાસિકમાં આવેલા શિરડી સાંઈબાબાના દર્શન કરવા માટે VIP લોકો પાસે પૈસા વસૂલ કરવામાં આવે છે.શિરડી સાંઈબાબા મંદિરના સત્તાધિશો રજાઓ અને તહેવાર દરમિયાન મંદિરમાં દર્શન કરવા માટે આવનાર VIP નાગરિકો પાસે ફી વસૂલે છે.નાસિકના કાલિકા મંદિરમાં VIP દર્શન માટે રૂ.100નો ચાર્જ છે. તિરુપતી બાલાજી મંદિરમાં પણ ભક્તો માટે VIP દર્શનની સુવિધા હોય છે. તિરૂપતિમાં VIP દર્શન માટે શ્રદ્ધાળુ દીઠ રૂ.300 રૂપિયા છે.શ્રીનાથજીમાં VIP દર્શન માટે રૂપિયા 350 ચાર્જ વસૂલાય છે. શ્રીનાથજીમાં સામાન્ય દર્શન માટે રૂપિયા 50ની રજિસ્ટ્રેશન ફી છે. ઝારખંડના દેવઘર જિલ્લામાં આવેલ બાબા વૈધનાથ ના VIP દર્શન માટે હવેથી ડિજિટલ કાર્ડ લેવું ફરજિયાત છે.તો કેદારનાથ-બદ્રીનાથમાં પ્રતિ વ્યક્તિ રૂપિયા 300ની વસૂલાત કરવામાં આવે છે.

ખેડા સહિત ગુજરાતના તમામ જિલ્લાના સમાચાર વાંચવા માટે જોડાયેલા રહો