18 જાન્યુઆરીના મહત્વના સમાચાર : રાજ્યના અનેક શહેરોમાં ગેરકાયદે કરાયેલા દબાણો પર દાદાની ઝીરો ટોલરન્સની નીતિ, અસંખ્ય રહેણાંક અને કોમર્શિયલ બાંધકામો પર ફર્યુ બુલડોઝર, કરાયા ધ્વસ્ત

જમાલપુર કાચની મસ્જિદની બાજુમાં બનેલી દુકાનો તોડી પાડવા બાબાતે અમદાવાદનાં બંને ધારાસભ્યો આમને સામને છે. એલિસબ્રિજનાં ધારાસભ્ય અમિત શાહે દાવો કર્યો હતો કે જ્યાં ગેરકાયદે બાંધકામ થયુ તે મનપાની જગ્યા હતી જો તે સાબિત ન થાય તો તે રાજીનામું આપી દેશે. જો કે ખાડિયાના ધારાસભ્ય ઇમરાન ખેડાવાલાએ દાવો કર્યો કે તે જગ્યા મસ્જિદની એટલે કે વકફ બોર્ડની માલિકીની હતી.

• ખેડા: કપડવંજ પાસે થયેલી લૂંટ અને હત્યાનો કેસ
• પોલીસે 48 કલાકમાં 250 CCTV તપાસીને ઉકેલ્યો ગુનાનો ભેદ
• અમદાવાદ-બાવળા હાઇવે પરથી ઝડપાયા યુપીના 4 શખ્સો
• ઇસરાર ત્યાગી, વસીમ ચૌધરી, સહજાદ અને શહેઝાદની ધરપકડ
• શખ્સોએ લૂંટ માટે 65 વર્ષીય કન્ટેનર ચાલકની કરી હતી હત્યા
• મલકાના પાસે હોટલના મેદાનમાં કરી હતી હત્યા
• હત્યા બાદ બ્રાન્ડેડ કંપનીના પંખા લૂંટીને ફરાર થયા હતા
• આરોપી ઇસરાર ત્યાગી સામે અગાઉ પણ લૂંટના ગુના નોંધાયેલા
• આઇસર સાથે લૂંટનો મુદ્દામાલ અને સળિયા સહિતના હથિયાર જપ્ત
• શખ્સો રાજકોટ હાઇવે પર લૂંટ કરવાના હતા
• અન્ય લૂંટ ચલાવે તે પહેલા જ પોલીસે શખ્સોને ઝડપ્યા

• બનાસકાંઠાઃ સેદલા ગામે યોજાયેલા લકી ડ્રોના આયોજક સામે ફરિયાદ
• આયોજકો વિરુદ્ધ થરાદ પોલીસે જાતે ફરિયાદી બની કરી કાર્યવાહી
• લકી ડ્રોના આયોજકો વિરુદ્ધ જિલ્લામાં કુલ 5 ગુના નોંધાયા
• પોલીસની કાર્યવાહી છતાં લકી ડ્રોનાં આયોજકોમાં નથી ડર
• વિવિધ તાલુકામાં લકી ડ્રો યોજાવાની સોશિયલ મીડિયામાં જાહેરાતો
• એજન્ટો લકી ડ્રોની કૂપનનું કરી રહ્યાં છે ઓનલાઇન વેચાણ

• મોરબી: ટંકારા નજીક ટ્રકે બાઇકને હડફેટે લેતા બેના મોત
• ટ્રક ચાલક ટક્કર મારીને થયો ફરાર
• ટ્રક ચાલક ઘટના બાદ ટ્રક મુકીને થયો ફરાર

• દાહોદ: આંતરરાજ્ય બાઇક ચોર ગેંગના 2 શખ્સો પકડાયા
• ધોળાખાખરા પાસે વાહન ચેકિંગ દરમિયાન ઝડપાયા બંને
• નંબર વિનાની બાઇક લઇને જતા શખ્સો પકડાયા
• વડોદરા શહેરમાંથી ચોરી થયેલી 10 બાઇકો મળી આવી
• ઇશ્વર કટારા અને દિપેશ કટારા નામના બંને શખ્સો સકંજામાં
• બંને શખ્સો રાજસ્થાનના હોવાના અહેવાલ
• 10 બાઇક સહિતનો મુદ્દામાલ પોલીસે કર્યો જપ્ત

• બનાસકાંઠાઃ લકી ડ્રોનું આયોજન કરનાર અશોક માળી પહેલીવાર આવ્યો TV પર
• લકી ડ્રોના આયોજનમાં ગેરરીતિના આક્ષેપ મુદ્દે TV9 સાથે ખાસ વાતચીત
• TV9 ગુજરાતી પર અશોક માળીનો મોટો દાવો
• ગૌશાળા અને ગૌસેવા માટે ડ્રો કરતો હોવાનો અશોક માળીનો દાવો
• “અમે કોઈને ફોર્સ કરીને કૂપન નથી લેવડાવી”
• “લોકોએ સ્વેચ્છાએ કૂપન લીધી છે”
• “અમે વિજેતાને ઈનામ આપીએ જ છીએ”
• “લકી ડ્રોના વિજેતા અમારા સગા કે ઘરના નથી”

• અમદાવાદઃ કાર્તિક પટેલની ધરપકડ બાદ કોંગ્રેસ આક્રમક
• કોંગ્રેસ નેતા અમિત ચાવડાએ કર્યા રાજય સરકાર સામે સવાલો
• “ખ્યાતિ કાંડના આરોપી કાર્તિક પટેલનો વરઘોડો નીકળશે ?”
• X પર કરેલી પોસ્ટમાં વડાપ્રધાન, મુખ્યપ્રધાનને પણ કર્યા ટેગ
• પાયલ ગોટીનો વરઘોડો નીકાળનાર કાર્તિક પટેલનો વરઘોડો નીકાળશે?

• દિલ્લી: અરવિંદ કેજરીવાલની કાર પર ફેંકાયા પથ્થર
• ચૂંટણી પ્રચાર દરમિયાન કેજરીવાલની કાર પર હુમલો
• ભાજપના પરવેશ વર્માના લોકોએ હુમલો કર્યો હોવાનો AAPનો આક્ષેપ
• પરવેશ વર્માના લોકોની સ્થાનિકો સાથે પણ બબાલ થયાનો આક્ષેપ
• AAPએ પથ્થરમારો થયો હોવાનો વીડિયો કર્યો જાહેર

• બેટ દ્વારકા બાદ યાત્રાધામ દ્વારકામાં મેગા ડિમોલેશન
• દ્વારકાના સનસેટ પોઈન્ટ બંદર વિસ્તારમાં કાર્યવાહી
• પ્રથમ રૂક્ષ્મણી મંદિર રોડ પર ધાર્મિક દબાણ હટાવાયું
• મર્દશા પીર નામની અનઅધિકૃત દરગાહ હટાવાઈ
• દ્વારકાના પ્રખ્યાત સનસેટ પર આવેલી ઈદગાહ તોડાઈ
• સુન્ની મુસ્લિમ આમ જમાત ઈદગાહ ખાતે દબાણ તોડાયું
• ચુસ્ત પોલીસ બંદોબસ્ત સાથે વર્ષો જૂના દબાણો દૂર કરાયા
• મેગા ડિમોલિશનના આઠમા દિવસે ત્રીજું ધાર્મિક દબાણ દૂર
• હજુ પણ દબાણ હટાવવાની કામગીરી ચાલુ

• દ્વારકાઃ ઓખાના આરંભડા ગામના દરિયાકાંઠે ડિમોલિશન
• ઓખા પાલિકા દ્વારા ગેરકાયદે બાંધકામ દૂર કરાયા
• આરબ શા પીર દરગાહ સહિતના ગેરકાયદે બાંધકામ દૂર કરવાની કામગીરી
• પોલીસના કાફલા સાથે દબાણ હટાવવાની કામગીરી
• ચુસ્ત પોલીસ બંદોબસ્ત વચ્ચે દરગાહ તોડી પડાઇ

મોરબીમાં બે બાઈકને અડફેટે લેનારી કારના અકસ્માતના CCTV ફૂટેજ સામે આવ્યા છે. શુક્રવારે મોરબીના રાજપર રોડ પર કારે બે બાઈકચાલકને અડફેટે લેતા ચાર લોકો ઘવાયાં હતા. પૂરઝડપે આવતી કાર એક ટક્કર લાગવાથી ગોળ ફરી ગઈ હતી અને સામેથી આવતા બાઈકચાલક અકસ્માતમાં ઘવાયાં હતા. આ ઘટના બાદ પોલીસે અકસ્માત કરનારા કારચાલક સામે ગુનો નોંધી તપાસ શરૂ કરી છે.

• અમદાવાદઃ જમાલપુરના દબાણો પર ચાલ્યુ બુલડોઝર
• ઉર્દુ શાળા નંબર 3 અને 4 પર બની ગયેલું શોપિંગ સેન્ટર તોડી પડાયું
• પોલીસ બંદોબસ્ત સાથે AMCએ બુલડોઝર ચલાવ્યું
• કાંચની મસ્જિદ ટ્રસ્ટે જ ગેરકાયદે બાંધકામ કરી દુકાનો ભાડાપેટે આપી
• એલિસબ્રિજના ધારાસભ્ય અમિત શાહે ગત સંકલન સમિતિમાં ઉઠાવ્યો હતો મુદ્દો
• AMCના લીગલ વિભાગે શોપિંગ સેન્ટરના વેપારીઓને આપી હતી નોટિસ
• દબાણકર્તા વેપારીઓએ હાઇકોર્ટમાં પિટિશન કરી દબાણ તોડવા પર સ્ટેની કરી હતી માગ
• 10 દિવસ બાદ AMCના લીગલ સેલે નિયમ અનુસાર બીજી નોટિસ ફટકારી હતી
• ગઈકાલે લેખિત ઓર્ડર મળ્યા બાદ પોલીસ બંદોબસ્ત સાથે બાંધકામ તોડાયું
• શિક્ષણ સમિતિની દાવા કરાયેલી જગ્યા પર 10 જેટલી દુકાન ઉભી કરાઈ હતી

રોબોટિક સર્જરીમાં ગુજરાત અગ્રેસર છે. હવે સરકારી હોસ્પિટલમાં પણ રોબોટ કરશે સારવાર ! અમદાવાદની સિવિલ હોસ્પિટલમાં રોબોટિક સર્જરીની સુવિધા છે. આ પ્રકારની સુવિધા આપનાર દેશની પ્રથમ અને એકમાત્ર હોસ્પિટલ છે. કેન્સરના દર્દીઓને મળશે રાહત, રોબોટિક્સ રેડિએશનથી સારવાર થશે.

જામનગરઃ સાંઢિયા પુલ પાસેથી દબાણો દૂર કરવામાં આવ્યા છે. કનસુમરા વાડી પ્રાથમિક શાળાનું દબાણ મનપાએ દૂર કર્યું. દબાણ હટાવવા મનપાએ બે મહિના પહેલા નોટિસ આપી હતી. કાર્યવાહી ન થતાં બાળકોના ટોયલેટ તોડી પાડવામાં આવ્યા. રોડને 18 ફૂટ પહોળો કરવા માટે પગલાં લેવાયા. ડીપી રોડ નીકળતો હોવાના કારણે દબાણ હટાવવાની કામગીરી થઇ રહી છે. કબીર આશ્રમ ટ્રસ્ટની જમીન પર શાળા બનાવવામાં આવી છે.

ભરૂચઃ 2500 કિલો નશીલા પદાર્થનો નાશ કરાયો. વલસાડ પોલીસે પકડેલા જથ્થાનો નાશ કરાયો છે. દહેજ સ્થિત કેમિકલ વેસ્ટ ડિસ્પોઝલ સાઈટ ખાતે પદાર્થ સળગાવાયો. 2500 કિલો નશીલો પદાર્થ 15 ગુનાઓમાં પકડાયો હતો. 119 કોડેઈન સિરપ પણ સિઝ કરાયા હતા. 1.10 કરોડ ઉપરાંતનો નશિલો જથ્થો નષ્ટ કરાયો.

મુંબઈ: અભિનેતા સૈફ અલી ખાન પર હુમલાનો કેસમાં પોલીસ તપાસમાં ચોંકાવનારા ખુલાસા સામે આવ્યા છે. કરીના કપૂરે પોલીસ સ્ટેશનમાં આપેલા નિવેદને અનેક સવાલ ઉઠાવ્યા. હુમલાખોર ઘરમાં ઘુસ્યો ત્યારે ખૂબ જ આક્રમક હતો. કરીનાએ કહ્યુ ઘરેણાં ત્યાં જ હતા પણ તેણે હાથ પણ નથી લગાવ્યો. આરોપીએ ઘરમાંથી કશું જ નથી ચોર્યું. હુમાલખોરથી બચીને અમે બધાં 12માં માળ પર પહોંચ્યા હતા. દુર્ઘટના બાદ અમે બહેન કરિશ્માના ઘરે જતા રહ્યા.

તાપીઃ નિઝરમાં 23 વર્ષના યુવકની હત્યા કરાઈ. યુવતીનું નામ અને ફોન નંબર માગતા યુવકની હત્યા કરી. વેલદા ગામના અનિલ પાડવીની હત્યા કરાઈ. યુવતીના પિતાએ અન્ય બે સાથે મળી કરી યુવકની હત્યા કરી. આરોપી યુવતીના પિતા સહિત બેને પોલીસે ઝડપ્યા.

રાજકોટઃ એઈમ્સના ડાયરેક્ટર ડૉ. સીડીએસ કટોચને ટર્મિનેટ કરાયા છે. કેન્દ્રીય આરોગ્ય મંત્રાલય દ્વારા કટોચને ટર્મિનેટ કરવામાં આવ્યા. લાંબા સમયથી રજા પર હતા કટોચ. કર્નલ કટોચ સામે વહિવટી ગેરરીતિની પણ હતી ફરિયાદો. ફરિયાદના આધારે કેન્દ્રીય આરોગ્ય વિભાગે તપાસ બાદ કાર્યવાહી કરી.

સાબરકાંઠા બાદ હવે રાજકોટમાં પણ BZ જેવું કૌભાંડ સામે આવ્યુ છે. બ્લોકઆરા કંપનીનું 300 કરોડનું પોન્ઝી કૌભાંડ  સામે આવ્યુ છે. 8 હજાર લોકોના નાણા ફસાયા હોવાનો દાવો છે. કંપનીના સંચાલકો તાળા મારી ફરાર થયા. કંપની સામે સુરતમાં ગુનો નોંધાયો છે.

બનાસકાંઠાઃ સેદલા ગામે યોજાયેલા લક્કી ડ્રોના આયોજક સામે ફરિયાદ નોંધવામાં આવી. આયોજકો વિરુદ્ધ થરાદ પોલીસે જાતે ફરિયાદી બની કાર્યવાહી કરી. લક્કી ડ્રોના આયોજકો વિરુદ્ધ જિલ્લામાં કુલ 5 ગુના નોંધાયા. પોલીસની કાર્યવાહી છતાં લક્કી ડ્રોનાં આયોજકોમાં ડર ન હોવાનું સામે આવ્યુ છે.

વડોદરા: સુભાનપુરાની ખાનગી હોસ્પિટલમાં નર્સ સાથે દુષ્કર્મની ઘટના બની છે. નર્સને હોસ્પિટલના ત્રીજા માળે લઇ જઇ દુષ્કર્મ કર્યાનું સામે આવ્યુ છે. સાથી કર્મચારી અશરફ ચાવડાએ કુકર્મ કર્યાનો આક્ષેપ છે. ભોગ બનનાર નર્સે અભયમની મદદથી ફરિયાદ નોંધાવી છે. પોલીસે આરોપીની ધરપકડ કરીને તપાસ હાથ ધરી છે.

ખ્યાતિકાંડને લઈને સૌથી મહત્વના સમાચાર સામે આવ્યા છે. ખ્યાતિકાંડમાં ડાયરેક્ટર કાર્તિક પટેલની ધરપકડ કરવામાં આવી છે. મોડી રાત્રે અમદાવાદ એરપોર્ટ  ધરપકડ પરથી કરાઈ છે. દુબઈથી અમદાવાદ આવતા વખતે ક્રાઈમબ્રાન્ચે દબોચ્યો.

દ્વારકા: તંત્રએ ગેરકાયદે દબાણો પર  બુલડોઝર ફેરવ્યું. સાતમા દિવસે 7614 ચો.મી. જમીન પરથી દબાણ હટાવાયા. 8 સ્થળ પર 3.6 કરોડથી વધુની જમીન પરથી દબાણ દૂર કર્યા. અત્યાર સુધી 1 લાખ 21 હજાર 746 ચો.મી. જગ્યા પરથી દબાણ દૂર થયા. 384 મકાન, 13 ધાર્મિક, 9 કોમર્શિયલ સહિત કુલ 406 દબાણ દૂર કરાયા.

પ્રયાગરાજ: વિશ્વના સૌથી મોટા ધાર્મિક મેળાવડા, મહાકુંભ 2025 માં ભાગ લેવા માટે ભક્તોનું ત્રિવેણી સંગમ ખાતે આગમન ચાલુ છે. 45 દિવસના મહાકુંભ 2025 ના પહેલા ચાર દિવસમાં, 7 કરોડથી વધુ ભક્તોએ ત્રિવેણી સંગમની ઉપનદીઓની મુલાકાત લીધી. ગંગા, યમુના અને ‘ રહસ્યમય ‘સરસ્વતી’ નદીઓના પવિત્ર સંગમ પર પવિત્ર ડૂબકી લગાવી.