31 ડિસેમ્બરના મહત્વના સમાચાર : ગુજરાતભરમાં વાયુ પ્રદુષણનું ભયાનક સ્તર, અમદાવાદમાં સરેરાશ AQI 339 નોંધાયો
આજે 31 ડિસેમ્બરને બુધવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
LIVE NEWS & UPDATES
-
ગાંધીનગર: આજે CM ભૂપેન્દ્ર પટેલની અધ્યક્ષતામાં કેબિનેટ બેઠક
ગાંધીનગર: આજે CM ભૂપેન્દ્ર પટેલની અધ્યક્ષતામાં કેબિનેટ બેઠક મળશે. લગ્ન નોંધણીના સુધારેલા નિયમો કેબિનેટમાં મૂકાઈ શકે છે. કેબિનેટમાં લગ્ન નોંધણીના સુધારેલા નિયમોને અપાઈ શકે મંજૂરી. PM મોદીના ગુજરાતના પ્રવાસની તૈયારીઓ અંગે બેઠકમાં થશે ચર્ચા. કચ્છ-સૌરાષ્ટ્ર રીજનલ વાયબ્રન્ટ સમિટમાં ઉપસ્થિત રહેશે PM. આગામી બજેટની તૈયારીઓ અને સમીક્ષા અંગે થશે ચર્ચા. ચાલુ બજેટનાં પડતર નાણાં અંગે કેબિનેટમાં સમીક્ષા થશે. રવિ સીઝનમાં પાક વાવેતર અને સિંચાઈના પાણી અંગે ચર્ચા થઈ શકે.
-
ભારત જાપાનને પાછળ છોડીને વિશ્વનું ચોથું સૌથી મોટું અર્થતંત્ર બન્યું
સરકારે જણાવ્યું છે કે 4.18 ટ્રિલિયન યુએસ ડોલરના અર્થતંત્ર સાથે ભારત જાપાનને પાછળ છોડીને વિશ્વનું ચોથું સૌથી મોટું અર્થતંત્ર બન્યું છે. તે 2030 સુધીમાં જર્મનીને પાછળ છોડીને ત્રીજા ક્રમની સૌથી મોટી અર્થવ્યવસ્થા બનવાના માર્ગ પર છે. સતત મજબૂત વૃદ્ધિના આંકડાઓ સાથે, ભારત વિશ્વનું સૌથી ઝડપથી વિકસતું મુખ્ય અર્થતંત્ર પણ છે. 2025-26 ના બીજા ત્રિમાસિક ગાળામાં ભારતનો વાસ્તવિક GDP 8.2 ટકા વધ્યો છે, જે પ્રથમ ત્રિમાસિક ગાળામાં 7.8 ટકા અને પાછલા નાણાકીય વર્ષના ચોથા ત્રિમાસિક ગાળામાં 7.4 ટકા હતો.
-
-
નવા વર્ષની ઉજવણી માટે જમ્મુ-કાશ્મીરના પહલગામમાં પ્રવાસીઓ ઉમટ્યા
નવા વર્ષની ઉજવણી માટે જમ્મુ-કાશ્મીરના પહલગામમાં પ્રવાસીઓ ઉમટ્યા છે. પહલગામ હાલ પ્રવાસીઓના થનગનાટથી ગુંજી ઉઠ્યું છે. બરફવર્ષા અને ઠંડીને માણવા માટે દેશ-વિદેશમાંથી પ્રવાસીઓ આવી રહ્યા છે. ગુલમર્ગ સહિતના પહાડી વિસ્તારો પ્રવાસીઓ માટે આકર્ષણનું કેન્દ્ર બન્યા છે. પહલગામમાં થયેલા આતંકી હુમલા બાદ પ્રવાસને ફટકો પડ્યો હતો અને માહોલ ગમગીન હતો પરંતુ નવા વર્ષ પહેલા પ્રવાસીઓની ભીડ ઉમટતા હવે પ્રવાસન ક્ષેત્ર સારા સંકેત મળી રહ્યા છે. પહલગામનો નજારો જોઈને પ્રવાસીઓએ કંઈક આ રીતે પોતાની ખુશી વ્યક્ત કરી હતી.
-
સમગ્ર ગુજરાતમાં વાયુ પ્રદુષણનું ભયાનક સ્તર
સમગ્ર ગુજરાતમાં વાયુ પ્રદુષણનું ભયાનક સ્તર પર પહોંચ્યુ. અમદાવાદમાં AQI 339 પર પહોંચ્યો. અનેક વિસ્તારોમાં AQI ખરાબ કક્ષાએ પહોંચ્યો. જુહાપુરામાં AQI 463 પર પહોંચ્યો. ધુમ્મસની સાથે સાથે વાયુ પ્રદુષણને કારણે વિઝીબિલીટી પણ ઘટી.
-
આજે સમગ્ર ભારતમાં ઝોમેટો અને સ્વિગી હડતાળ પર
આ નવા વર્ષમાં ઓનલાઈન ડિલિવરી સંકટનો સામનો કરી રહી છે. આજે સમગ્ર ભારતમાં ગિગવર્કર્સ હડતાળ પર રહેશે.
-
આજે 31 ડિસેમ્બરને બુધવારના રોજ, ગુજરાત સહીત દેશના વિવિધ રાજ્યોમાં અનેકવિધ કાર્યક્રમો યોજાવા જઈ રહ્યા છે. આજના બ્રેકિંગ ન્યૂઝ, દિવસભરના મોટા અને મહત્વના સમાચાર સૌથી પહેલા જાણવા અને વિવિધ સમાચારના ત્વરીત અપડેટ્સ મેળવવા માટે આપ, આ પેજને સતત રિફ્રેશ કરતા રહો.
Published On - Dec 31,2025 7:30 AM
