21 જાન્યુઆરીના મહત્વના સમાચાર : 5 ફેબ્રુઆરીએ મહાકુંભમાં સામેલ થશે વડાપ્રધાન નરેન્દ્ર મોદી, 27 ફેબ્રૂઆરીએ અમિત શાહ કરશે શાહી સ્નાન

મહાકુંભમાં મોટી સંખ્યામાં લોકો ઉમટી રહ્યા છે. વડાપ્રધાન નરેન્દ્ર મોદી 5 ફેબ્રુઆરીએ મહાકુંભમાં સામેલ થશે. 27 ફેબ્રૂઆરીએ અમિત શાહ શાહી સ્નાન કરશે. 3જી તારીખે CM ડૂબકી લગાવશે.

સુરતઃ પલસાણામાંથી કેમિકલ ચોરીનું રેકેટ ઝડપાયું છે. ટેન્કરમાંથી જ્વલનશીલ કેમિકલનો જથ્થો કાઢી ચોરી કરાતી હતી. પોલીસે 72 લાખની કિંમતનો કેમિકલનો જથ્થો કબજે કર્યો. ગતરાજથી સામરોદ ગામ જતા માર્ગ પર વેપલો ચાલતો હતો. 50 જેટલા જ્વલનશીલ કેમિકલ ભરેલા બેરલ મળી આવ્યા છે. આસિફ રસીદ શેખ નામનો ઈસમ માણસો રાખી વેપલો કરી રહ્યો હતો.

દેવભૂમિ દ્વારકાના અલગ અલગ 7 ટાપુઓ પર ગેરકાયદે ઊભા કરી દેવાયેલા દબાણોને સંપૂર્ણપણે હટાવી દેવામાં આવ્યા છે. જિલ્લા વહીવટી તંત્ર અને પોલીસ તંત્ર દ્વારા 36 ગેરકાયદે સ્ટ્રકચરલ દબાણ હટાવી સાત ટાપુઓ સંપૂર્ણ દબાણમુક્ત કર્યા છે.

મુખ્યપ્રધાન ભૂપેન્દ્ર પટેલ  પ્રયાગરાજ જશે. મહાકુંભમાં જઈને CM શાહી સ્નાન કરશે. 3 ફેબ્રુઆરીએ CM મહાકુંભમાં ભાગ લેશે.

રાજકોટ: હિરાસર ગ્રીનફિલ્ડ ઈન્ટરનેશનલ એરપોર્ટનું નવું ટર્મિનલ તૈયાર થઇ ગયુ છે. 9 ફેબ્રુઆરીએ નવા ટર્મિનલનું લોકાર્પણ કરાશે. 23 હજાર ચો. મીટરમાં ફેલાયું છે નવું ટર્મિનલ. ATC ટાવર અને 256 CCTVથી સજ્જ છે. 4 એરોબ્રીજથી મુસાફર ટર્મિનલમાંથી સીધા ફ્લાઈટમાં પહોંચી શકશે. બે હજાર આઠસો મુસાફરોને એક સાથે હેન્ડલ કરવાની ક્ષમતા છે્. એક સાથે 14 વિમાન પાર્ક થાય તેવી સુવિધા આપવામાં આવી છે.

બનાસકાંઠાઃ ધાનેરા બંધના એલાન સાથે જન આક્રોશ સભા યોજાશે. પૂર્વ ધારાસભ્યો સાથે ધાનેરાના ધારાસભ્ય પણ સભામાં જોડાશે. ધાનેરા હિત રક્ષક સમિતિના નેજા હેઠળ જન આક્રોશ સભાનું આયોજન કરવામાં આવ્યુ છે. ધાનેરાના વિવિધ વેપારી સંગઠનો ધાનેરા બંધને ટેકો આપશે.

મહેસાણા: ફતેપુરા બાયપાસ સર્કલ પાસે શંકાસ્પદ ઘી ઝડપાયું છે. પાટણથી મુંબઇ જતી ખાનગી બસમાં શંકાસ્પદ ઘી ઝડપાયું. બસની સીટ નીચે ચોરખાનામાં દારૂ છુપાવાયો હતો. મહેસાણા તાલુકા પોલીસ અને DySPએ તપાસ હાથ ધરી.

સુરેન્દ્રનગરઃ લીંબડીના લક્ષ્મીસર ગામે જૂથ અથડામણ થઇ. બે જુથો વચ્ચે ઘાતક હથિયારોથી મારામારી થઇ. મારામારીમાં 4 લોકો ઇજાગ્રસ્ત થયા. પ્રાથમિક તપાસમાં જુના મનદુઃખમાં અથડામણ થઇ હોવાનું સામે આવ્યુ છે.