Breaking News: આણંદના ઉમરેઠમાં 11માં ધોરણમાં અભ્યાસ કરતી સગીરા ઉપર 3 વિઘર્મી યુવકોએ આચર્યું દુષ્કર્મ, એક યુવકની અટકાયત, જુઓ Video
આણંદના ઉમરેઠમાં દુષ્કર્મનો કિસ્સો સામે આવ્યો છે. સગીરા ઉપર ત્રણ યુવકોએ દુષ્કર્મ આચર્યું. 11માં ધોરણમાં અભ્યાસ કરતી સગીરા ઉપર વિઘર્મી યુવકોએ દુષ્કર્મ આચર્યું છે.
આણંદના ઉમરેઠમાં દુષ્કર્મનો કિસ્સો સામે આવ્યો છે. સગીરા ઉપર ત્રણ યુવકોએ દુષ્કર્મ આચર્યું. 11માં ધોરણમાં અભ્યાસ કરતી સગીરા ઉપર વિઘર્મી યુવકોએ દુષ્કર્મ આચર્યું છે. સગીરાના મા-બાપે ઉમરેઠ પોલીસ સ્ટેશનમાં ફરિયાદ નોંધાવી છે. ફરિયાદના આધારે ઉમરેઠ પોલીસે ત્રણમાંથી એક યુવકની અટકાયત કરી છે. જ્યારે અન્ય બે યુવકો પોલીસ પકડથી દૂર છે.
ઉમરેઠ શહેરની એક સગીરવયની છોકરી આણંદ વિદ્યાનગર ખાતે અભ્યાસ અર્થે અપડાઉન કરતી હતી જે સમયે ઉમરેઠ શહેરના રિક્ષાવાળા રાહિલ અલ્લારખા વ્હોરા કે જે ઓડ બજાર ઉમરેઠ ખાતેનો રહેવાસી છે. જે સૌ પ્રથમ તેની સાથે મિત્રતા કેળવી સગીરવયની છોકરીની એકલતાનો લાભ લઇ રીક્ષામાં અપડાઉન સમયે ભોગબનનાર સાથે ફોટા પાડ્યા હતા.
ફોટા પાડયા બાદ તે ફોટાઓ વાયરલ કરી દેવાની ધમકીઓ આપી તે ભોગબનનાર સગીરવયની છોકરી સાથે તેની મરજી વિરુદ્ધ ધાક ધમકી આપી ઉમરેઠ થી આણંદ જવાના રસ્તામાં રીક્ષામાં વારંવાર બળાત્કાર ગુજાર્યો હોવાની ઘટના બની છે
આરોપીએ પોતાની સાથે જ રીક્ષામાં અપડાઉન કરવા અને સંબંધ રાખવા ધાક ધમકીઓ આપી હતી જે બાબતથી ભોગબનનાર છોકરી કંટાળી જતા પોતાના માતાપિતા સાથે આજરોજ ઉમરેઠ પોલીસ સ્ટેશન ખાતે આવી ફરિયાદ આપતા ત્વરિત જ તેઓની રજૂઆત સાંભળી પોલીસ દ્વારા ઈ.પી.કો કલમ 376 (2)(J),376 (2)(L), 354(D),506 તથા પોક્સો એક્ટની કલમ 6,10,12 મુજબ ગુનો રજીસ્ટર કરી તે ગુનાની ગંભીરતા સમજી ભોગ બનનારની પૂછપરછ કરી તાત્કાલિક એક ટીમને આરોપીની શોધખોળ માટે રવાના કરવામાં આવી હતી.
આ પણ વાંચો : સબજેલ પાસે ટાંકીનું કરાયુ ડિમોલિશન, ગણતરીની સેકન્ડોમાં થઈ જમીનદોસ્ત- જુઓ Video
પોલીસ કાર્યવાહી બાદ ફરિયાદ નોંધાયના ગણતરીના સમયમાં જ આરોપી રાહિલ વ્હોરાને પકડી ગુનાની તલસ્પર્શી આગળની તપાસ હાથ ધરવામાં આવી છે. જોકે હજી પણ અન્ય આ ગુનામાં સંડોવાયેલા લોકોની તપાસ કરવામાં આવી રહી છે.
આણંદ સહિત ગુજરાતના તમામ જિલ્લાના સમાચાર વાંચવા અહીં ક્લિક કરો
