Bhupendra Patel બન્યા રાજ્યના 17માં મુખ્યપ્રધાન, રાજભવનમાં રાજ્યપાલે લેવડાવ્યા મુખ્યપ્રધાનપદના શપથ
Gujarat New CM Oath Taking : રાજ્યપાલ દેવવ્રત આચાર્યએ નવા મુખ્યપ્રધાન ભુપેન્દ્ર પટેલને પદ અને ગોપનીયતાના શપથ લેવડાવ્યા.
GANDHINAGAR : ભુપેન્દ્ર પટેલ રાજ્યના નવા મુખ્યપ્રધાન (Gujarat New CM Bhupendra Patel) બન્યા છે. રાજ્યના નવા મુખ્યપ્રધાને રાજ્યના 17માં મુખ્યપ્રધાન તરીકે શપથ લીધા છે. રાજભવનમાં રાજ્યપાલ દેવવ્રત આચાર્યએ ભુપેન્દ્ર પટેલને મુખ્યપ્રધાનપદ માટે પદ અને ગોપનીયતાના શપથ લેવડાવ્યા. મખ્યપ્રધાન ભુપેન્દ્ર પટેલ(CM Bhupendra Patel)ના શપથગ્રહણ સમારોહમાં કેન્દ્રીય ગૃહપ્રધાન અને સહકારિતા પ્રધાન તેમજ ગાંધીનગર લોકસભાના સાંસદ અમિત શાહ (Amit Shah) ઉપસ્થિત રહ્યાં હતા.
આ સાથે જ શપથગ્રહણ સમારંભમાં આજની શપથવિધિમાં ગોવાના મુખ્યપ્રધાન પ્રમોદ સાવંત, હરિયાણાના મુખ્યપ્રધાન મનોહરલાલ ખટ્ટર, મધ્યપ્રદેશના મુખ્યપ્રધાન શિવરાજસિંહ ચૌહાણ તેમજ કેન્દ્રીય પ્રધાનો અને ભારતીય જનતા પાર્ટીના રાષ્ટ્રીય નેતાઓ ઉપસ્થિત રહ્યાં હતા.
આ શપથગ્રહણ સમારોહમાં રાજભવન ખાતે પહેલેથી જ મોટા નેતાઓનો જમાવડો થઇ ગયો હતો. કાર્યકારી મુખ્યપ્રધાન વિજય રૂપાણી(Vijay Rupani), નાયબ મુખ્યપ્રધાન નીતિન પટેલ(Nitin Patel), પ્રદેશ ભાજપ અધ્યક્ષ તેમજ નવસારીના સાંસદ સી.આર.પાટીલ (CR Patil) સહીત સરકારના મંત્રીઓ, ધારાસભ્યો, સાંસદો અને BJP, RSS,VHP ABVPના નેતાઓ નેતાઓ હાજર રહ્યાં હતા.
રાજ્યના નવા મુખ્યપ્રધાન ભુપેન્દ્ર પટેલ પર શુભકામનાઓનો વરસાદ થઇ રહ્યો છે. વડાપ્રધાન નરેન્દ્ર મોદીએ ટ્વીટ કરીને શુભકામનાઓ આપી છે.
શ્રી ભૂપેન્દ્રભાઈ પટેલને ગુજરાત રાજ્યના મુખ્યમંત્રી તરીકે શપથ ગ્રહણ કરવા બદલ અભિનંદન! આપને યશસ્વી કાર્યકાળ માટે ખૂબ-ખૂબ શુભેચ્છાઓ..! @Bhupendrapbjp
— Narendra Modi (@narendramodi) September 13, 2021
Congratulations to Bhupendra Bhai on taking oath as CM of Gujarat. I have known him for years and have seen his exemplary work, be it in the BJP Organisation or in civic administration and community service. He will certainly enrich Gujarat’s growth trajectory. @Bhupendrapbjp
— Narendra Modi (@narendramodi) September 13, 2021
ભારતીય જનતા પાર્ટીના રાષ્ટ્રીય અધ્યક્ષ જગત પ્રકાશ નડ્ડાએ પણ ટ્વીટ કરીને રાજ્યના નવા મુખ્યપ્રધાન ભુપેન્દ્ર પટેલને શુભકામનાઓ આપી છે.
मैं @Bhupendrapbjp जी को गुजरात के मुख्यमंत्री पद की शपथ लेने पर हार्दिक बधाई देता हूँ। मुझे पूर्ण विश्वास है कि आदरणीय प्रधानमंत्री श्री @narendramodi जी के मार्गदर्शन और आपके नेतृत्व में गुजरात की सतत विकास यात्रा की गति और तेज होगी।
— Jagat Prakash Nadda (@JPNadda) September 13, 2021