રેતી ચોરી સામે ધારી મામલતદારની ટીમનો સપાટો, 5 ગામમાં રેડ કરી 60 લાખનો મુદ્દામાલ કર્યો જપ્ત
અમરેલી જિલ્લામાં રેતી ચોરી સામે ધારી મામલતદારની મોટી કાર્યવાહી કરી છે. અલગ અલગ ટીમો બનાવી 5 ગામડામાં દરોડા પાડતા ડમ્પર, ટ્રેક્ટર સહિત 60 લાખનો મુદ્દામાલ જપ્ત કર્યો છે. મામલતદારે ટ્રેક્ટર, ડમ્પર સહિતના વાહનો સિઝ કરી મામલતદાર કચેરીમાં રાખવામાં આવ્યો છે.
અમરેલી જિલ્લામાં ગેરકાયદેસર ખનીજ ચોરીની પ્રવૃતિઓ અટકાવવા માટે જિલ્લા કલેકટર અજય દહીયાના માર્ગદર્શન હેઠળ ધારી મામલતદાર અક્ષર વ્યાસે એક્શન મોડમાં જોવા મળ્યા. મામલતદારે અલગ અલગ ટીમો બનાવી, જેમાં સર્કલ ઓફિસર, તલાટી, રેવન્યુ તલાટી ક્લાર્ક સહિતની ટીમો દ્વારા ગ્રામ્ય વિસ્તારમાં આવેલી રેતીના પટ વિસ્તારમાં દરોડા પાડતા નાસભાગ મચી ગઇ. જેમાં ધારીના ડાંગાવદરમાંથી 3 ટ્રેક્ટર ઝડપી લીધા.
હિમખીમડી પરા વિસ્તારમાંથી 1 ડમ્પર, કમી કેરાળામાંથી એક ટ્રેક્ટર કબ્જે કરવામાં આવ્યું છે. રેડ દરમ્યાન 2 ટ્રેક્ટર ભાગવાનો પ્રયાસ કરતા ફિલ્મી ઢબે પીછો કરી ઝડપી લેવામાં સફળતા મળી છે. કુલ ટ્રેક્ટર- ડમ્પર સહિત 5 જેટલા રોયલ્ટી પાસ વગરના વાહનો ગેરકાયદે રેતી ચોરી કરતા ઝડપી પાડવામાં સફળતા મળી છે. તમામ મુદામાલ વાહનો સિઝ કરી મામલતદાર કચેરીમાં રાખવામાં આવ્યો છે. કુલ રૂ.60 લાખનો મુદામાલ જપ્ત કરવામાં આવ્યો છે.
ધારી મામલતદાર અક્ષર વ્યાસે જણાવ્યું ખાનગી સૂત્રો પાસેથી માહિતી મળતા ધારી તાલુકાના અલગ અલગ જગ્યાએ રેતીની ચોરી ચાલતી હોવાની બાતમીના આધારે ધારી મામલતદાર કચેરીના સર્કલ ઓફિસર ક્લાર્ક તલાટી સહિત અલગ અલગ ટીમો દ્વારા 3 જગ્યાએ રેતી ચોરી પકડવા માટે રેડ કરવામાં આવી ડાંગાવદર માંથી 3 રેતી ભરેલા ટ્રેક્ટર કમી કેરાળામાંથી રેતી ભરેલું 1 ટ્રેક્ટર અને હિમખમડીમાંથી રેતી ભરેલ ડમ્પર અટક કરવામાં આવ્યું છે. આ તમામ મુદામાલ સિઝ કરી ખાણ ખનીજ વિભાગને જાણ કરી જરૂરી દંડ વસુલવામાં આવશે.
થોડા દિવસ પહેલા ખાણ ખનીજ વિભાગના કર્મચારી પર કરાયો હતો હુમલો
અમરેલી શેત્રુંજી નદી વિસ્તારમાં રાજસ્થળી ગામ નજીક ખાણ ખનીજ વિભાગ દ્વારા રેડ કરતા વાહન અટકાવતા ખાણ ખનીજ વિભાગના કર્મચારી ઉપર હુમલો કરતા ગુન્હો નોંધી કાયદેસરની કાર્યવાહી હાથ ધરી હતી. તેવા સમયે હવે રેવન્યુ વિભાગ વહીવટી તંત્રની ટીમો પણ એક્શનમાં આવી રેતી ચોરી કરતા તત્વો સામે કાર્યવાહી હાથ ધરી છે.
Input Credit- Jaydev Kathi- Amreli
