રાજ્યમાં ચોમાસાને લઈને અંબાલાલ પટેલે કરી મોટી આગાહી, આ તારીખથી રાજ્યમાં બેસી જશે વિધિવત ચોમાસુ

હવામાન નિષ્ણાંત અંબાલાલ પટેલની આગાહી અનુસાર રાજ્યમાં ચોમાસા માટે હવે વધુ રાહ નહીં જોવી પડી. અંબાલાલની આગાહી અનુસાર રાજ્યમાં 20 જૂનથી વરસાદની શરૂઆથ થશે. જ્યારે 23 જૂનથી વિધિવત ચોમાસુ બેસી જશે અને 23 થી 26 જૂન સુધી સારો વરસાદ થવાની શક્યતા છે. દક્ષિણ ગુજરાત, મધ્ય ગુજરાતમાં વરસાદની આગાહી કરવામાં આવી છે. સૌરાષ્ટ્ર અને ઉત્તર ગુજરાતમાં પણ વરસાદ પડી શકે છે. 29 જૂનથી 5 જૂલાઈ સુધી વાવણીલાયક વરસાદ પડવાની શક્યતા છે.

આ તરફ રાજ્યના હવામાન વિભાગે પણ રાજ્યમાં ભારે પવન સાથે વરસાદની આગાહી કરી છે. રાજ્યવાસીઓને બહુ જલદી હવે કાળજાળ ગરમીમાંથી રાહત મળવા જઈ રહી છે. રાજ્યમા આજે ભારે પવન સાથે વરસાદ પડવાનુ અનુમાન છે. 3 દિવસ મોટાભાગના જિલ્લાઓમાં ભારે પવન સાથે વરસાદની શક્યતા છે. વેસ્ટર્ન ડિસ્ટર્બન્સને કારણે પવન અને વરસાદની શક્યતા છે. અમદાવાદમાં આજે વાદળછાયુ વાતાવરણ રહેશે અને સામાન્ય વરસાદી ઝાપટા પડવાની અને થંડરસ્ટ્રોમ એક્ટિવિટીની શક્યતા છે. રાજ્યમાં સૌથી વધુ તાપમાન અમદાવાદમાં નોંધાયુ છે.

આ તરફ ચોમાસુ ખેંચાતા ભારતીય કિસાન સંઘે મુખ્યમંત્રી અને ઊર્જા મંત્રીને પત્ર લખ્યો છે. વરસાદ ખેંચાતા જગતનો તાત ચિંતિત બન્યા છે અને વરસાદ ન પડવાથી પાક સુકાઈ જવાની ભીતિ સેવાઈ રહી છે. વરસાદ ખેંચાતા પાણી અને વીજળીની કટોકટીની ભીતિ સેવાઈ રહી છે. નર્મદાના પાણીથી ગામના તળાવો ભરવા માગ કરાઈ છે. ખેડૂતોને 8ને બદલે 10 કલાક વીજળી આપવા માગ કરાઈ છે.

રાજ્યમાં હાલ વિધિવત ચોમાસાનો પ્રારંભ નથી થયો પરંતુ હવામાન વિભાગની આગાહી મુજબ રાજ્યના કેટલાક જિલ્લાઓમાં છુટા છવાયા વરસાદી ઝાપટા જોવા મળ્યા છે. જ્યાં ક્યાંક ધોધમાર તો ક્યાંક ધીમીધારે વરસાદ વરસ્યો છે. રાજ્યમાં સાબરકાંઠા, અરવલ્લી, બનાસકાંઠાના કેટલાક તાલુતામાં બુધવાર સાંજથી વાતાવરણમાં પલટો આવ્યો છે અને વરસાદની શરૂઆત થઈ છે.

આ તરફ નવસારી, વડોદરા, ભાવનગર અને અમરેલી અને જામનગર જિલ્લામાં પણ વરસાદ પડ્યો હતો. કાળજાળ ગરમી અને બફારા વચ્ચે વરસાદ વરસતા વાતાવરણમાં ઠંડક પ્રસરી હતી અને લોકોને ઉકળાટમાંથી આંશિક રાહત મળી છે.

ગુજરાતમાં મહિલા સલામતીના દાવા વચ્ચે વિધર્મીએ સગીરાનું અપહરણ કરી બળજબરીથી કરાવ્યુ ધર્મપરિવર્તન અને કર્યા નિકાહ- VIDEO