Breaking News : સુરત ક્રાઈમ બ્રાન્ચે 30 વર્ષ જૂની લૂંટનો ભેદ ઉકેલ્યો, 73 વર્ષે આરોપી ઝડપાયો, જુઓ Video
સુરત ક્રાઈમ બ્રાન્ચે 30 વર્ષ જૂના હીરા લૂંટ કેસમાં મોટી સફળતા મેળવી છે. મહિધરપુરામાં 1997માં દોઢ લાખના હીરાની લૂંટ કરનાર આરોપીને આખરે 73 વર્ષની ઉંમરે ઝડપી પાડવામાં આવ્યો છે.
સુરત ક્રાઈમ બ્રાન્ચે એક નોંધપાત્ર સિદ્ધિ મેળવી છે, જ્યાં ત્રણ દાયકા જૂના લૂંટના કેસનો ભેદ ઉકેલીને ફરાર આરોપીને ઝડપી પાડવામાં આવ્યો છે. 1997માં મહિધરપુરા વિસ્તારમાં થયેલી એક સનસનાટીભરી હથિયારબંધ લૂંટમાં સામેલ આરોપીને સુરત ક્રાઈમ બ્રાન્ચે 30 વર્ષની લાંબી શોધખોળ બાદ ઝડપી પાડ્યો છે.
આ લૂંટની ઘટનામાં દોઢ લાખ રૂપિયાના હીરાની ચોરી કરવામાં આવી હતી. આરોપી તે સમયે 44 વર્ષનો હતો અને ઘટના બાદ તરત જ મધ્યપ્રદેશ ભાગી ગયો હતો. ઘણા વર્ષો સુધી તે કાયદાની પહોંચથી દૂર રહ્યો હતો અને તેને વિશ્વાસ હતો કે તે ક્યારેય પકડાશે નહીં.
જોકે, સુરત ક્રાઈમ બ્રાન્ચની સતત તપાસ અને મહેનત આખરે રંગ લાવી. હાલ 73 વર્ષની ઉંમરે આ આરોપીને ઝડપી લેવામાં આવ્યો છે. પોલીસે જણાવ્યું કે આ વ્યક્તિ એક સમયનો ખૂંખાર ગુનેગાર હતો અને તેના નામે અનેક ગુના નોંધાયેલા હતા. 30 વર્ષ પછી પણ આ કેસને ઉકેલીને સુરત પોલીસે ગુનેગારોને સ્પષ્ટ સંદેશ આપ્યો છે કે કાયદાનો હાથ ગમે તેટલો લાંબો હોય, તે ગુનેગાર સુધી પહોંચી જ શકે છે.
સુરત સિવિલ હોસ્પિટલના જૂના NICU વિભાગમાં આગ, મોટી જાનહાનિ ટળી, જુઓ Video
