જુમ બરાબર જુમ: ગુજરાતમાં હવે પ્રવાસીઓને મિનિટોની અંદર મળી જશે લિકર પરમિટ, બસ ડાઉનલોડ કરવી પડશે આ મોબાઈલ એપ

ગુજરાત સરકારે દારૂ પીનારાઓને પરમિટ આપવાની પ્રક્રિયાને વધુ સરળ બનાવવાનો નિર્ણય કર્યો છે. રાજ્ય સરકાર હવે દારૂબંધીયુક્ત ગુજરાતમાં અન્ય રાજ્યોના પ્રવાસીઓ અને મુલાકાતીઓને દારૂ પીવા દેવા માટેની પરમિટ માટે એક મોબાઇલ એપ્લિકેશન ઉપલબ્ધ કરાવશે. લોકો મોબાઇલ એપ્લિકેશન દ્વારા દારૂ પરમિટ મેળવી શકશે. હાલમાં, રાજ્ય સરકારની વેબસાઇટ પર પરમિટ માટે અરજીઓ કરવી પડે છે. ગુજરાતમાં સંપૂર્ણપણે દારુબંધી છે. એકમાત્ર ગિફ્ટ સિટી એવી જગ્યા છે જ્યાં પરમિટ સાથે સમગ્ર એરિયામાં દારૂ પીવાની છૂટ છે. સરકારના આ નિર્ણયથી પેપર વર્ક પણ ઓછું થશે અને પ્રવાસીઓ અને વિદેશીઓને તેનાથી સરળતા રહેશે.

હાલ શું વ્યવસ્થા છે?

ગુજરાતની આવનારા દેશ-વિદેશના પ્રવાસીઓને હાલમાં હોટલ કાઉન્ટર પર લેન્ધી પેપર વર્કની પ્રોસેસમાંથી પસાર થવું પડે છે. પ્રવાસીઓએ નિયુક્ત કરેલી હોટલોમાં જઈને ફોર્મ ભરવાનું રહે છે અને દસ્તાવેજો સબમિટ કરવાના હોય છે. ત્યારબાદ હોટેલ સ્ટાફ આ દસ્તાવેજો સરકારી કચેરીમાં મોકલે છે અને મંજૂરીની રાહ જુએ છે. જો કેનવી એપ્લિકેશન એક જ ક્લિકથી આ સમગ્ર અમલદારશાહી પ્રક્રિયાને સરળ બનાવશે. મોબાઇલ એપ્લિકેશન પ્રવાસીઓને ઓનલાઈન દારૂ પરમિટ મેળવવાની મંજૂરી આપશે. રાજ્ય સરકારના અધિકારીઓએ જણાવ્યું છે કે આ એપનો ટ્રાયલ રન પૂર્ણ થઈ ગયો છે અને આગામી બે અઠવાડિયામાં તે લાઈવ થવાની અપેક્ષા છે. આ એપ ત્રણ ભાષાઓમાં ઉપલબ્ધ થશે: અંગ્રેજી, હિન્દી અને ગુજરાતી.

તાત્કાલિક મેળવી શકશો દારુ

આ નવી સિસ્ટમ અંતર્ગત, વપરાશકર્તાઓ તેમના આધાર કાર્ડ, મતદાર ઓળખ કાર્ડ, ડ્રાઇવિંગ લાઇસન્સ અને પાસપોર્ટ જેવા દસ્તાવેજો અપલોડ કરી શકશે અને UPI અથવા કાર્ડ ચુકવણી દ્વારા ફી ચૂકવી શકશે. એકવાર દસ્તાવેજો ઓનલાઈન ચકાસાયા પછી, પરમિટ તાત્કાલિક જનરેટ થશે, જેનાથી પ્રવાસીઓ માન્ય લાઇસન્સ ધરાવતી દુકાનોમાંથી દારૂ ખરીદી શકશે. ગૃહ વિભાગના એક વરિષ્ઠ અધિકારીએ જણાવ્યું હતું કે નવી સિસ્ટમ હેઠળ આધાર કાર્ડ, મતદાર ઓળખ કાર્ડ, ડ્રાઇવિંગ લાઇસન્સ અને પાસપોર્ટ સહિત આશરે 10 પ્રકારના દસ્તાવેજો અપલોડ કરી શકાય છે.

GIFT સિટીની પરમિટ પણ મળશે

સરકાર હવે GIFT સિટીને આ એપ-આધારિત સિસ્ટમ સાથે સંકલિત કરવાની તૈયારી કરી રહી છે. હાલમાં, હેલ્થ પરમિટ ધરાવતા ગુજરાતના નાગરિકોએ GIFT સિટીમાં દારૂ ખરીદવા માટે તેમના નિયુક્તાઓ પાસેથી વધારાની પરવાનગી લેવી પડે છે. નવી એપ આ વધારાની પ્રક્રિયાને દૂર કરશે. અધિકારીઓએ જણાવ્યુ કે હેલ્થ પરમિટ ધારકોની માહિતી પહેલાથી જ ચકાસવામાં આવી હોવાથી, એપ્લિકેશન શરૂ થયા પછી તેમને હવે અલગ પરવાનગી મેળવવાની જરૂર રહેશે નહીં. આ નવી ડિજિટલ સિસ્ટમ ગુજરાતના દારૂબંધી કાયદા અને પ્રવાસીઓની સુવિધા વચ્ચે સંતુલન બનાવશે. રાજ્ય સરકારના સૂત્રોના જણાવ્યા અનુસાર, આ એપ આધુનિક બનશે અને સમગ્ર પ્રક્રિયાને પારદર્શક બનાવશે, જેનાથી ગુજરાતની મુલાકાત લેતા સ્થાનિક અને વિદેશી પ્રવાસીઓ માટે દારૂ પરમિટ મેળવવાનું સરળ બનશે.

Asaram News: બળાત્કારના દોષિત આસારામને 6 મહિનાના મળ્યા જામીન, પીડિતા પક્ષે બીમારી પર ઉઠાવ્યા સવાલ