ગુજરાતના અનેક વિસ્તારોમાં કમોસમી વરસાદ, માછીમારોને દરિયો ન ખેડવા સૂચના

ગુજરાતના (Gujarat) હવામાનમાં(Weather) પલટો આવ્યો છે. જેમાં રાજયના અનેક વિસ્તારોમાં વાદળછાયા વાતાવરણ સાથે કમોસમી વરસાદ(Unseasonal Rain) પણ પડ્યો છે. તેમજ હવામાન વિભાગની આગાહી મુજબ આ સ્થિતિ આગામી ત્રણ દિવસ સુધી રહેવાની છે. જેમાં લો પ્રેશર અને વેસ્ટર્ન ડિસ્ટબન્સના લીધે ભર શિયાળે ચોમાસા જેવું વાતાવરણ જોવા મળી રહ્યું છે. જેના લીધે લધુત્તમ તાપમાનમાં ઘટાડો થયો છે અને વાતાવરણમાં પણ ઠંડક પ્રસરી છે.

આ ઉપરાંત હવામાન વિભાગે દરિયા કિનારાના વિસ્તારોમાં ભારે વરસાદની આગાહી કરી છે . તેમજ દરિયાના કરંટ પણ જોવા મળશે જેના પગલે આગામી ત્રણ દિવસ માછીમારોને દરિયો ના ખેડવા માટે સૂચના આપવામાં આવી છે.

ઉલ્લેખનીય છે કે, ગુજરાતમાં(Gujarat)કમોસમી વરસાદની(Unseasonal Rain)આગાહી વચ્ચે જાફરાબાદના (Jafrabad)દરિયામાં (Sea) કરંટ જોવા મળ્યો છે. તેમજ ભારે પવનના કારણે દરિયામાં તોફાની મોજાઓ ઉછળતા જોવા મળ્યા હતા. માવઠાની આગાહીના પગલે જિલ્લાભરમાં વાદળછાયું વાતાવરણ રહ્યું હતું. બુધવારે સમગ્ર કોસ્ટલ બેલ્ટમાં કરંટ વધી શકે છે તો પવનની ઝડપ પણ 40 થી માંડીને 60 કિમીની રહેશે.

હવામાન (Weather forecast) વિભાગે રાજ્યમાં ફરી એકવાર માવઠું (Unseasonal Rain) થવાની આગાહી વ્યક્ત કરી છે. જેની અસર 1 ડિસેમ્બરની સવારથી જ જોવા મળી રહી છે. તો કમોસમી વરસાદ (Rain) અંગે હવામાન વિભાગ દ્વારા તમામ જિલ્લા કલેકટરને એલર્ટ અપાયુ છે. અમરેલી અને નવસારીમાં કેટલાક સ્થાનોએ કમોસમી વરસાદ પડ્યો છે. 2 ડિસેમ્બર સુધી માવઠાનું સંકટ રહેશે.

આ પણ વાંચો :  Surat : માવઠાને કારણે દક્ષિણ ગુજરાતના ડાંગર પકવતા ખેડૂતોને 30 ટકા સુધીનું નુકશાન

આ પણ વાંચો : શું હોય છે વેસ્ટર્ન ડિસ્ટર્બન્સ ? જે વરસાદ લાવે છે અને શિયાળો પણ લાવે છે, જાણો તેનું કારણ