Ahmedabad : ગુજરાત યુનિવર્સિટીનો મોટો છબરડો, બીએ સેમેસ્ટર-6ની પરીક્ષામાં ગડબડ

Ahmedabad : ગુજરાત યુનિવર્સિટીની પરીક્ષામાં મોટો છબરડો સામે આવ્યો છે. ગુજરાત યુનિવર્સિટીની વિવિધ વિદ્યાશાખાની સેમેસ્ટર 6ની ઓફલાઇન પરીક્ષાઓ શરૂ થઈ છે. પરીક્ષાના પ્રથમ પેપરમાં જ મોટો છબરડો સામે આવ્યો છે. બીએ સેમેસ્ટર-6ની પરીક્ષામાં છબરડો થયો છે. સેમેસ્ટર-6ની પરીક્ષામાં યુનિવર્સિટી દ્વારા સેમેસ્ટર-5નું પેપર પૂછવામાં આવ્યું હતું. વિદ્યાર્થીઓને જ્યારે જનરલ ઈંગ્લીશનું પેપર આપવામાં આવ્યું ત્યારે વિદ્યાર્થીઓને ખ્યાલ આવ્યો કે આ પેપર સેમેસ્ટર 6ને બદલે સેમેસ્ટર 5નું છે.

બીજી તરફ વિરમગામની DCM કોલેજમાં પણ આ પ્રકારની સમસ્યા સામે આવી હતી. સેમેસ્ટર 6ના બદલે સેમેસ્ટર 5નું પેપર વિદ્યાર્થીઓને આપવામાં આવ્યું હતું. ગુજરાત યુનિવર્સિટીની આ બેદરકારીને પગલે જવાબદાર અધિકારીઓ સામે પગલા ભરવા NSUIએ માગ કરી છે.