Ahmedabad : સાયન્સ સિટીના ટિકિટના દરમા મોટો ઘટાડો, જાણો કેટલા ઘટ્યા ટિકિટના દર

સાયન્સ સિટીમાં બાળકોથી લઇ તમામ વયની વ્યક્તિઓમાં પર્યાવરણ અને વિજ્ઞાન ક્ષેત્રે રોમાંચ ઊભા કરે તેવા પ્રકારનું ડેવલપમેન્ટ અહીં કરવામાં આવ્યુ છે. અહીંના મુખ્ય પ્રોજેક્ટસ કુલ 400 કરોડના ખર્ચે બનાવવામાં આવ્યા છે.

science city (File Image)

TV9 Gujarati | Edited By: Tanvi Soni | Updated on: Feb 16, 2022 | 7:51 AM

અમદાવાદ (Ahmedabad )ના સાયન્સ સિટી (Science City)ના આકર્ષણોની ટિકિટના દરમાં મોટો ઘટાડો (reduction in ticket prices) કરવામાં આવ્યો છે. સાયન્સ સિટીના આકર્ષણોની ટિકિટ અગાઉ 900 રૂપિયા હતી, જે હવે 499 રૂપિયા કરી દેવામાં આવી છે. મુલાકાતીઓને પ્રોત્સાહન આપવા માટે આ જાહેરાત કરવામાં આવી છે.

અમદાવાદના સાયન્સ સિટીના ટિકિટના દરોમાં મુલાકાતીઓને પ્રોત્સાહન આપવા માટે ઘટાડાની જાહેરાત કરાઈ છે. સાયન્સ સિટીમાં હવે 499ના દરમાં મુખ્ય પ્રવેશ મળશે સાથે એકવેટિક ગેલેરી, રોબોટિક્સ ગેલેરી, 5ડી થિયેટર, 1 VR રાઈડ, થ્રિલ રાઈડ, મિશન ટુ માર્સ રાઈડ, 4ડી થિયેટર, અર્થ કવેક એકસીપીયન્સ રાઈડ અને કોલ માઇન રાઈડનો લાભ લઈ શકાશે.

સાયન્સ સિટીમાં 250 કરોડના ખર્ચે નિર્માણધીન એક્વેટિક ગેલેરી દેશ અને રાજ્યના મુલાકાતીઓ માટે આકર્ષણનું કેન્દ્ર બન્યું છે. એક્વેટિક ગેલેરીમાં અંડરવોટર વોક-વે ટનલની 16 જુલાઈથી લોકો માટે ખુલ્લું મુકવામાં આવ્યું હતું. જેમાં દુનિયાના વિવિધ મહાસાગરો, ઝોનમાંથી વિશિષ્ટ પ્રકારની માછલીઓ અને વિવિધ પ્રજાતિની માછલીઓનો સમાવેશ કરવામાં આવ્યો હતો.

સાયન્સ સિટીમાં બાળકોથી લઇ તમામ વયની વ્યક્તિઓમાં પર્યાવરણ અને વિજ્ઞાન ક્ષેત્રે રોમાંચ ઊભા કરે તેવા પ્રકારનું ડેવલપમેન્ટ અહીં કરવામાં આવ્યુ છે. અહીંના મુખ્ય પ્રોજેક્ટસ કુલ 400 કરોડના ખર્ચે બનાવવામાં આવ્યા છે.

એક્વેરિયમ ગેલેરીની વાત કરીએ તો અહીંયા અલગ-અલગ 68 ટેન્કમાં શાર્ક સહિતની દરિયાઈ પ્રજાતિ જોવા મળે છે. આ માટે 28 મીટરની અંડર વોટર વોક-વે પેનલ તૈયાર કરવામાં આવી છે. ગેલેરીમાં 188 પ્રજાતિની 11,600થી વધુ માછલી છે. આ એક્વેટિક ગેલેરી છ ભાગમાં વહેંચાયેલી છે. જેમાં ઈન્ડિયન ઝોન, એશિયન ઝોન, આફ્રિકન ઝોન, અમેરિકન ઝોન, ઓશન ઓફ ધ વર્લ્ડ અને મેઈન શાર્ક ટેન્કનો સમાવેશ થાય છે. આગામી સમયમાં કોરોના અને બર્ડ ફ્લૂની સ્થિતિ હળવી થતાં સાઉથ આફ્રિકન પેંગ્વિન પણ આ ગેલેરીમાં સમાવાશે.

આ સિવાય 11 હજાર ચોરસ મીટરમાં પથરાયેલી રોબોટિક ગેલેરીમાં 79 પ્રકારના 200થી વધુ રોબોટ પણ છે. અહી ઓરકેસ્ટ્રા રોબોટ્સ સાથે તાલ મીલાવતા ટ્રમ્પેડ, ડ્રમ, તથા પીયાનો વગાડતા અને તેના તાલે ડાન્સ કરતા રોબોટ જોવા મળે છે. રોબોટીક ગેલેરીમાં કાફેટેરીયા આવેલો છે જ્યાં શેફ દ્વારા તૈયાર કરાયેલ ખોરાક રોબો વેઇટર દ્વારા પીરસવવામાં આવે છે.

આ પણ વાંચો-