Wrap Up: અક્ષય કુમારે પૂર્ણ કર્યું ‘રક્ષાબંધન’નું શૂટિંગ, જાણો ફિલ્મ ક્યારે થશે રિલિઝ
અક્ષય કુમારે (Akshay Kumar) તેમની આગામી ફિલ્મ રક્ષાબંધન (Raksha Bandhan)નું શૂટિંગ પૂર્ણ કર્યું છે. આ ફિલ્મમાં તેમની સાથે ભૂમિ પેડનેકર (Bhumi Pednekar) મુખ્ય ભૂમિકામાં જોવા મળશે.
બોલિવૂડ અભિનેતા અક્ષય કુમારે (Akshay Kumar) હાલમાં ધમાલ મચાવી છે. તેમની પાસે પ્રોજેક્ટ્સની લાઈન છે અને તે તેમની આગામી ફિલ્મોના શૂટિંગમાં વ્યસ્ત છે. આ દિવસોમાં અક્ષય તેમની આગામી ફિલ્મ રક્ષાબંધન (Raksha Bandhan)ના શૂટિંગમાં વ્યસ્ત હતા. હવે તેમણે આ ફિલ્મનું શૂટિંગ પૂરું કર્યું છે.
અક્ષય કુમારે સોશિયલ મીડિયા પર પોસ્ટ શેર કરીને રક્ષાબંધનનું શૂટિંગ પૂર્ણ કરવાની માહિતી આપી છે. ફિલ્મનું શૂટિંગ દિલ્હીમાં પૂર્ણ થયું છે. તેમણે આનંદ એલ રાય સાથે એક તસ્વીર પણ શેર કરી છે.
અક્ષયે શેર કરી છે પોસ્ટ
ફોટો શેર કરતા અક્ષયે લખ્યું – રક્ષાબંધનના સમગ્ર શૂટિંગ દરમિયાન આનંદ અને હું આ રીતે હસતા રહ્યા. એવા હસતા હતા જાણે કાલે નહીં હોય. બાય ધ વે, અમે ગઈ કાલે રાત્રે ફિલ્મનું શૂટિંગ પૂરું કર્યું. ઉદાસીનો એક કડવો રંગ હતો. હવે બીજી જગ્યાએ. નવો દિવસ, નવો રોલર કોસ્ટર.
View this post on Instagram
આ વર્ષે જૂનમાં મુંબઈ વિસ્તારમાં એક મોટા સેટ પર ફિલ્મનું શૂટિંગ શરૂ થયું હતું. થોડા દિવસો પહેલા અક્ષય આ ફિલ્મના શૂટિંગ દરમિયાન ચાંદની ચોકની શેરીઓમાં દોડતા પણ જોવા મળ્યા હતા, તેમનો આ ફોટો ખૂબ વાયરલ થયો હતો.
તાજેતરમાં મળેલી માહિતીમાંથી જાણવા મળ્યું છે કે ગત રાત્રે દિલ્હીમાં ટીમે શૂટિંગના આખરી દિવસ સાથે ફિલ્મ પૂર્ણ કરી છે. ભૂમિ પેડનેકર (Bhumi Pednekar) અભિનીત આ ફિલ્મ 11 ઓગસ્ટ 2022ના રોજ સ્વતંત્રતા દિવસ પર સિનેમાઘરોમાં રિલીઝ થવાની છે. આનંદ એલ રાય દ્વારા નિર્દેશિત, હિમાંશુ શર્મા અને કનિકા ઢિલ્લો દ્વારા લખાયેલી આ ફિલ્મ કેપ ઓફ ગુડ ફિલ્મ્સ સાથે મળીને કલર યલો પ્રોડક્શન્સ, ઝી સ્ટુડિયોઝ અને અલકા હિરાનંદાની દ્વારા બનાવવામાં આવી છે.
વર્કફ્રન્ટની વાત કરીએ તો અક્ષય કુમારની ફિલ્મ બેલ બોટમ તાજેતરમાં થિયેટરોમાં રિલીઝ થઈ હતી. આ ફિલ્મ સારી રીતે પસંદ કરવામાં આવી હતી. હવે તેમની ફિલ્મ સૂર્યવંશી (Sooryavanshi) થિયેટરોમાં રિલીઝ થવા જઈ રહી છે. આ ફિલ્મ દિવાળીના અવસર પર રિલીઝ થશે. આ સિવાય અક્ષય બચ્ચન પાંડે (Bachchan Pandey), અતરંગી રે (Atrangi Re) અને પૂજા એન્ટરટેઈનમેન્ટની એક ફિલ્મમાં જોવા મળશે. અક્ષયે આનંદ એલ રાય સાથે અતરંગી રેમાં પણ કામ કર્યું છે.
આ પણ વાંચો :- સલમાન ખાનને ‘હિટ એન્ડ રન’ કેસમાં વકીલ અમિત દેસાઈએ અપાવી હતી મુક્તિ, હવે શાહરુખ ખાનના પુત્ર આર્યન માટે કરશે વકીલાત
આ પણ વાંચો :- નાનપણથી જ સાંભળી છે ‘સરદાર ઉધમ’ની વાર્તા, વિક્કી કૌશલે કહ્યું – ટ્રેલર જોઈને ભરાઈ આવી હતી પિતાની આંખોવકીલાત
Latest News Updates
