‘ધ આર્ચીઝ’નું શૂટિંગ પૂરુ કરીને ઘરે આવ્યા સુહાના ખાન, ખુશી કપૂર, અગસ્ત્ય નંદા, જુઓ એરપોર્ટમાંથી બહાર નીકળતા “સ્ટાર કિડ્સ”નો વીડિયો

ઝોયા અખ્તરની ફિલ્મ ‘ધ આર્ચીઝ’ના (The Archies) શૂટિંગનું એક શેડ્યુલ પૂરું થઈ ગયું છે. બે મહિનાથી આ ફિલ્મની આખી કાસ્ટ ઉટીમાં શૂટિંગ કરી રહી હતી. બોલિવૂડ સેલિબ્રિટીઝના બાળકોથી ભરેલી ઝોયા અખ્તરની આ ફિલ્મ ‘ધ આર્ચીઝ’ નેટફ્લિક્સ (Netflix) પર રિલીઝ થવાની છે અને આ ફિલ્મથી ઘણા સ્ટાર કિડ્સ એન્ટરટેઈનમેન્ટ ઈન્ડસ્ટ્રીમાં ડેબ્યૂ કરવા જઈ રહ્યા છે. આ ફિલ્મનું શૂટિંગ પૂરું કરીને ફાધર્સ ડેના દિવસે મુંબઈમાં પોતાના ઘરે પરત ફરેલા આ સ્ટાર કિડ્સ મુંબઈના છત્રપતિ શિવાજી ટર્મિનલ એરપોર્ટ પર જોવા મળ્યા હતા.

અહીં જુઓ વીડિયો

Suhana khan Click At International Airport #SuhanaKhan pic.twitter.com/DlMiLLrKIV

— Sonali Naik (@oneanonlysonali) June 19, 2022

માસ્ક પહેરેલી જોવા મળી સુહાના ખાન

મુંબઈમાં વધી રહેલા કોરોના કેસને ધ્યાનમાં રાખીને સુહાના ખાનથી લઈને તમામ સ્ટાર કિડ્સ માસ્ક પહેરીને આવ્યા હતા. સૌથી પહેલા સુહાનાને પાપારાઝીએ સ્પોટ કરી હતી. બ્લેક કલરની ફુલ સ્લીવ ટી-શર્ટ અને ગ્રે રંગના ટ્રેક પેન્ટમાં સુહાના એરપોર્ટની બહાર નીકળી હતી. તેણે તેના ચહેરા પર મરૂન રંગનો માસ્ક પહેર્યું હતું અને આ લુક સાથે તેણે પિંક રંગની બ્રાન્ડેડ બેગ કેરી કરી હતી અને તેના વાળમાં ગોગલ્સ લગાવ્યા હતા.

અહીં જુઓ વીડિયો

Khushi Kapoor spotted at airport #KhushiKapoor pic.twitter.com/WWNHeVqNLN

— Sonali Naik (@oneanonlysonali) June 19, 2022

ખુશીને મળ્યું ખાસ સરપ્રાઈઝ

ખુશી કપૂરને એરપોર્ટથી ઘરે લઈ જવા માટે ખાસ મહેમાન પણ આવ્યા હતા. ખુશી કપૂરનો પેટ ડોગ ટાંડા તેને મળવા એરપોર્ટ આવ્યો હતો. તેને જોતાં જ ખુશીએ તરત જ ટાંડાને ઉઠાવી ગળે લગાડ્યો. વીડિયોમાં ખુશીની હેરસ્ટાઈલ તેની ફિલ્મ ‘ધ આર્ચીઝ’ના લુકની યાદ અપાવે છે. પોતાના ડોગને ઉઠાવી એરપોર્ટની બહાર લઈ જનારી ખુશીએ વ્હાઈટ રંગની હૂડી અને બ્લેક રંગનું ટ્રેક પેન્ટ પહેર્યું હતું.

અહીં જુઓ વીડિયો

#aagastyananda with #Navyanavelinanda pic.twitter.com/FbeH9CmcFl

— Sonali Naik (@oneanonlysonali) June 19, 2022

ભાઈ અગસ્ત્ય નંદાને એરપોર્ટ પર રિસીવ કરવા આવી નવ્યા નવેલી નંદા

ફિલ્મ ‘ધ આર્ચીઝ’માં અમિતાભ બચ્ચનની પુત્રી શ્વેતા નંદાનો પુત્ર અગસ્ત્ય નંદા પણ જોવા મળવાનો છે. આજે ઉટીથી તે પણ મુંબઈ આવ્યો હતો. તેની બહેન નવ્યા નવેલી નંદા તેના ભાઈને એરપોર્ટ પર રિસીવ કરવા આવી હતી. નવ્યા વ્હાઈટ રંગની ટી-શર્ટ અને ઓરેન્જ રંગના પેન્ટ સાથે કેઝ્યુઅલ લુકમાં નવ્યા જોવા મળી હતી, જ્યારે તેનો ભાઈ અગસ્ત્ય નંદા બ્લેક રંગની ટી-શર્ટ અને બ્લેક રંગના ટ્રેક પેન્ટમાં જોવા મળ્યો હતો. સ્ટાર કિડ્સને લઈને ફિલ્મ બનાવવા માટે સોશિયલ મીડિયા પર ઝોયા અખ્તરને ઘણો ટ્રોલ કરવામાં આવી છે.