Dance India Dance Li’l Champ : 24 વર્ષ પહેલા શિલ્પા શેટ્ટી માટે દિવાના હતા રેમો ડિસૂઝા, સોશિયલ મીડિયા પર ખૂબ વાયરલ થઈ રહ્યો છે બંનેનો આ ફોટો
Dance India Dance Li'l Champના એપિસોડમાં, રેમો ડિસૂઝા અને શિલ્પા શેટ્ટીએ તેમની જૂની યાદોને તાજી કરીને ઘણી રસપ્રદ ઘટનાઓ સંભળાવી છે.
ઝી ટીવીના ડાન્સ રિયાલિટી શો “ડાન્સ ઈન્ડિયા ડાન્સ લિટલ ચેમ્પ”માં (Dance India Dance Li’l Champ) આજે પ્રેક્ષકોને ડાન્સની સાથે નિર્ણાયકોનું મનોરંજન કરવા માટે એક મજેદાર ટ્રીટ જોવા મળી. આજના ખાસ એપિસોડમાં, બોલિવૂડ દિવા શિલ્પા શેટ્ટી ફિલ્મ નિકમ્માના તેના સહ કલાકારો અભિમન્યુ દાસાની અને શર્લી સેટિયા સાથે ડાન્સ રિયાલિટી શોમાં જોડાઈ હતી. આજના સ્પેશિયલ એપિસોડમાં, ડાન્સ ઈન્ડિયા ડાન્સના નાના સ્પર્ધકોએ નિર્ણાયકો અને વિશેષ મહેમાનોને તેમના શાનદાર પ્રદર્શનથી પ્રભાવિત કરવાનો શ્રેષ્ઠ પ્રયાસ કર્યો. પરંતુ આ ડાન્સ પરફોર્મન્સની સાથે જ શિલ્પા શેટ્ટી અને રેમો ડિસૂઝાના એક ચોંકાવનારા ખુલાસાએ બધાને ચોંકાવી દીધા.
શિલ્પા શેટ્ટીને મળી સરપ્રાઈઝ
ડીઆઈડીના આજના એપિસોડમાં, શોના હોસ્ટ જય ભાનુશાળીએ શિલ્પા શેટ્ટીના સ્વભાવની પ્રશંસા કરી અને તેના વિશે એક ખાસ વાત કહી. જયે ડાન્સ ઈન્ડિયા ડાન્સના સ્ટેજ પર શિલ્પા શેટ્ટીના વખાણ કર્યા અને કહ્યું કે આજે આટલું મોટું સ્ટારડમ હાંસલ કર્યા પછી પણ તે તેના ચાહકોની દરેક વાતનું પાલન કરે છે. વાસ્તવમાં, જ્યારે પણ શક્ય હોય ત્યારે તે ખુશીથી તેના ચાહકો સાથે તસવીરો ખેંચે છે. 24 વર્ષ પહેલા પણ તેણે આવા જ ખાસ ફેન્સ સાથે ફોટો પડાવ્યો હતો.
24 વર્ષ પહેલાનો ફોટો જોઈને ડીઆઈડીની ટીમ આશ્ચર્યચકિત થઈ ગઈ
જયે જ્યારે શિલ્પા શેટ્ટી સાથેના તેના ચાહકોનો ફોટો બધા સાથે શેયર કર્યો તો ત્યાં હાજર દરેક સ્તબ્ધ થઈ ગયા. વાસ્તવમાં, 24 વર્ષ પહેલાં શિલ્પા શેટ્ટીએ જે અજાણ્યા પ્રશંસક સાથે તસવીર માટે પોઝ આપ્યો હતો, તે અન્ય કોઈ નહીં પણ ડાન્સ ઈન્ડિયા ડાન્સ લિટલ ચેમ્પના જજ રેમો ડિસૂઝા હતા. જયે જ્યારે શિલ્પા અને રેમોની આ ચોંકાવનારી તસવીર દેખાડી તો તે ફોટો જોઈને સેટ પર હાજર દરેક લોકો દંગ રહી ગયા અને પછી બધા હસી પડ્યા.
બંનેએ એક રસપ્રદ કહી વાત
શિલ્પા શેટ્ટીને તે ક્ષણ ખૂબ જ સારી રીતે યાદ હતી, તેણે કહ્યું કે, આ તસવીર અમે જ્યારે ઔજારનું શૂટિંગ કરી રહ્યા હતા ત્યારે લેવામાં આવી હતી અને રેમો અમારા ડાન્સ ગ્રુપનો ભાગ હતો. મને લાગે છે કે રેમો તે સમયે પણ ખૂબ જ સારો દેખાતો હતો, અને મારી તરફ જુઓ (હસે છે). હું કહેવા માંગુ છું કે અમારી આજ સુધીની સફર ઘણી લાંબી અને યાદગાર રહી છે અને આ તસવીરે યાદોને પાછી લાવી છે. રેમોએ પણ તે ક્ષણને યાદ કરી અને કહ્યું, મને આ તસવીર હજુ પણ યાદ છે અને તે ખરેખર એક પ્રશંસક ક્ષણ હતી. મેં પહેલીવાર કોઈ સેલિબ્રિટી સાથે ફોટો પડાવ્યો હતો.