Manyavar અને Moheyની નવી કેમ્પેઇનમાં વિજય દેવરાકોંડા અને રશ્મિકા મંદન્ના સાથે, મોમેન્ટ માર્કેટિંગનો ધમાકો

એથનિક વેર બ્રાન્ડ Manyavar અને Moheyએ અભિનેતા વિજય દેવરાકોંડા અને રશ્મિકા મંદન્નાને લઈને નવી કેમ્પેઇન રજૂ કરી છે. આ કેમ્પેઇન Prachar Communications દ્વારા ડિઝાઇન અને અમલમાં મુકાઈ છે. મોમેન્ટ માર્કેટિંગ પર આધારિત આ પહેલ બંને અભિનેતાઓની લોકપ્રિય જોડી પ્રત્યે દર્શકોમાં રહેલી ઉત્સુકતાનો લાભ લે છે અને ભારતના લગ્નના પીક સીઝન સાથે તેને જોડે છે.

આ કેમ્પેઇન ખૂબ જ ઓછા સમયમાં તૈયાર કરવામાં આવી હતી. Prachar Communications અને Manyavar વચ્ચેના લાંબા સમયના સહયોગને કારણે માત્ર થોડા દિવસોમાં જ આ પ્રોજેક્ટને આકાર આપવામાં આવ્યો. કેમ્પેઇન હાલમાં ડિજિટલ અને સોશિયલ મીડિયા પ્લેટફોર્મ પર લોન્ચ કરવામાં આવી છે અને તેને આગળ વધારવા માટે સિનેમા, પ્રિન્ટ અને આઉટડોર મીડિયા દ્વારા પણ પ્રચાર કરવાની યોજના છે. આ અભિયાનમાં સેલિબ્રિટી હાજરી સાથે આધુનિક લગ્નના ઉત્સવને કેન્દ્રમાં રાખીને સ્ટોરીટેલિંગ રજૂ કરવામાં આવ્યું છે.

Prachar Communications અનુસાર, આખી કેમ્પેઇન માત્ર ત્રણ દિવસમાં કન્સેપ્ચ્યુઅલાઇઝ અને અમલમાં મૂકાઈ હતી. Manyavar સાથેના દાયકાથી વધુ સમયના સહકારને કારણે નિર્ણય પ્રક્રિયા અને સમન્વય ઝડપી બન્યો, જેના કારણે આ ઝડપી અમલ શક્ય બન્યો.

300 મિલિયનથી વધુ વ્યૂઝ પાર

કેમ્પેઇન લોન્ચ થયા પછીના થોડા જ દિવસોમાં તેને ઑનલાઇન ભારે પ્રતિસાદ મળ્યો છે. વિજય દેવરાકોંડા અને રશ્મિકા મંદન્નાની સહયોગી પોસ્ટે Instagram પર માત્ર 72 કલાકમાં જ 100 મિલિયનથી વધુ વ્યૂઝ મેળવી લીધા અને 8 મિલિયનથી વધુ ઓર્ગેનિક લાઇક્સ પ્રાપ્ત કર્યા. તમામ પ્લેટફોર્મ પર મળીને આ કેમ્પેઇન અત્યાર સુધી 300 મિલિયનથી વધુ વ્યૂઝ પાર કરી ચૂકી છે અને 250 મિલિયનથી વધુ યુઝર્સ સુધી પહોંચી છે.

એન્ગેજમેન્ટ મેટ્રિક્સ મુજબ, કેમ્પેઇને 4 લાખથી વધુ શેર, લગભગ 65,000 રીપોસ્ટ અને 29,500થી વધુ કોમેન્ટ્સ પ્રાપ્ત કરી છે. વિવિધ પ્લેટફોર્મ પર એન્ગેજમેન્ટ રેટ અંદાજે 7થી 8 ટકા વચ્ચે નોંધાયો છે.

વિજય અને રશ્મિકાની હાજરીએ આ અભિયાનને વધુ ઉત્સાહ જનક બનાવ્યું

Prachar Communicationsના ડિરેક્ટર રક્ષિત જૈનએ જણાવ્યું હતું કે માત્ર ત્રણ દિવસમાં આવી મોટી કેમ્પેઇન સફળતાપૂર્વક પૂર્ણ કરવી એક પડકારજનક કામગીરી હતી. તેમણે કહ્યું કે Manyavar સાથેના લાંબા સમયના વિશ્વાસ અને સ્પષ્ટતા કારણે ટીમ ઝડપથી કામ કરી શકી અને વિજય દેવરાકોંડા તથા રશ્મિકા મંદન્નાની હાજરીએ આ અભિયાનને વધુ ઉત્સાહજનક બનાવ્યું.

અભિનેત્રી રશ્મિકા મંદન્નાએ જણાવ્યું કે Manyavar Mohey લગ્નને ભાવના અને સ્ટોરીટેલિંગ સાથે ઉજવવાની સુંદર રીત ધરાવે છે. તેમના અનુસાર આ બ્રાન્ડના આઉટફિટ્સ માત્ર ફેશનબલ અને એલેગન્ટ નથી પરંતુ તેમાં ઉત્તમ કારીગરી અને વિગત પર ખાસ ધ્યાન આપવામાં આવ્યું છે.

અભિનેતા વિજય દેવરાકોંડાએ જણાવ્યું કે આ કેમ્પેઇન તેમને ખાસ લાગી કારણ કે તે સંબંધોની સાચી ઊર્જા અને ડાયનેમિક્સને દર્શાવે છે. કન્સેપ્ટ, સંગીત અને કપડાં સહિત તમામ તત્વો આધુનિકતા અને પરંપરાની સુંદર જોડાણ રજૂ કરે છે.

Manyavarના ચીફ રેવન્યુ ઓફિસર વેદાંત મોદીએ જણાવ્યું કે Prachar સાથેના સહકારથી બ્રાન્ડને હંમેશા નવીનતા અને સર્જનાત્મકતા સાથે કામ કરવાની સ્વતંત્રતા મળે છે. તેમના જણાવ્યા અનુસાર, આ કેમ્પેઇન દ્વારા આધુનિક લગ્નની ઊર્જા, મજા અને ભાવનાઓને વિજય દેવરાકોંડા અને રશ્મિકા મંદન્ના દ્વારા જીવંત રીતે રજૂ કરવાનો પ્રયત્ન કરવામાં આવ્યો છે.

Prachar Communicationsના ડિરેક્ટર વેદાંગ જૈનએ જણાવ્યું કે Manyavar અને Mohey સાથે દાયકાથી વધુ સમયથી કામ કરવાનો અનુભવ અત્યંત સમૃદ્ધ રહ્યો છે. તેમણે ઉમેર્યું કે આ કેમ્પેઇન દ્વારા બંને કલાકારોને લઈને લોકોમાં રહેલી ઉત્સુકતાને એક સાંસ્કૃતિક ક્ષણમાં ફેરવવાનો પ્રયાસ કરવામાં આવ્યો છે અને દર્શકો તરફથી મળેલો પ્રતિસાદ તેની સફળતા દર્શાવે છે.