બોલિવુડના એક્ટર ગોવિંદાને વાગી ગોળી, હોસ્પિટલમાં કરાયા દાખલ
બોલિવુડના ફેમસ એક્ટર ગોવિંદાના પગમાં વાગી ગોળી છે. મળતી માહિતી મુજબ આ ઘટના સવારે સાડા પાંચ વાગ્યાના અરસામાં બની હતી. સવારે ક્યાંક જવા નીકળ્યા હતા. તે જ ક્ષણે ભૂલથી મિસફાયર થયું હતુ.
અભિનેતા ગોવિંદાને તેની જ બંદૂકથી પગમાં ગોળી વાગી છે. આ ઘટના સવારે સાડા પાંચ વાગ્યાના અરસામાં બની હતી. સવારે ક્યાંક જવા નીકળ્યા હતા. તે જ ક્ષણે ભૂલથી મિસફાયર થયો હતો. હવે અભિનેતા ક્રિટી કેર હોસ્પિટલમાં દાખલ છે. ગોવિંદા સવારે ક્યાંક જવા માટે નીકળી રહ્યો હતો, ત્યારે આ અકસ્માત થયો. એવું કહેવામાં આવી રહ્યું છે કે તે પોતાની રિવોલ્વર સાફ કરી રહ્યો હતો ત્યારે તે મિસફાયર થઈ ગઈ. હવે અભિનેતાને હોસ્પિટલમાં દાખલ કરવામાં આવ્યો છે.
ગોવિંદાના પગમાં વાગી ગોળી
ગોળી વાગ્યા પછી હંગામો થઈ ગયો હતો. ઘાયલ ગોવિંદાને તાત્કાલિક CRITI હોસ્પિટલમાં દાખલ કરવામાં આવ્યો, જ્યાં તેની સારવાર ચાલી રહી છે. દરમિયાન પોલીસે ઘટનાસ્થળે પહોંચીને મામલાની તપાસ શરૂ કરી છે.
Actor and Shiv Sena leader #Govinda has been taken to the nearest hospital after he was accidentally shot in the leg by his own revolver this morning, says a senior #MumbaiPolice official
More details awaited. (file pic)#TV9Gujarati #TV9News pic.twitter.com/Y18mr9QHlO
— Tv9 Gujarati (@tv9gujarati) October 1, 2024
ઘણું લોહી વહી ગયું
પોલીસના જણાવ્યા અનુસાર, ગોળીબાર બાદ તે ઘટનાસ્થળે પહોંચી અને ગોવિંદાની બંદૂક પોતાના કબજામાં લઈ લીધી. આ મામલે તપાસ શરૂ કરવામાં આવી છે. અભિનેતાની રિવોલ્વર ખોટી રીતે નીકળી ગઈ અને ગોળી તેના ઘૂંટણમાં વાગી. ગોવિંદા પાસે લાયસન્સવાળી રિવોલ્વર છે. જો કે તેના પરિવાર અને ટીમે હજુ સુધી કોઈ સત્તાવાર નિવેદન જાહેર કર્યું નથી. હાલમાં ગોવિંદાના પગમાંથી ઘણું લોહી વહી ગયું છે, જેના કારણે તેની હાલત ખરાબ થઈ ગઈ છે.
ગોવિંદા વિશેના આ સમાચાર સામે આવતા જ ચાહકો ચિંતા વ્યક્ત કરી રહ્યા છે. સોશિયલ મીડિયા પર ઘણા લોકોએ ગોવિંદાના સ્વાસ્થ્યને લઈને ચિંતા વ્યક્ત કરી છે. ગોવિંદાનો ઘણો મોટો ચાહક વર્ગ છે. તેણે એક સમયે બોલિવૂડ પર રાજ કર્યું હતું. તેની લોકપ્રિયતા આજે પણ ચાલુ છે. ત્યારે દરેક વ્યક્તિ તેમની સ્વાસ્થ્ય અપડેટ જાણવા માંગે છે.
ગોવિંદાના પગમાંથી નીકળી ગઈ ગોળી, સ્વાસ્થ્ય સ્થિર
ગોવિંદાના મેનેજર શશિ સિન્હાએ કહ્યું, ‘ગોવિંદા કોલકાતા જવાની તૈયારી કરી રહ્યો હતો. આ કેસમાં તે તેની લાઇસન્સવાળી રિવોલ્વર રાખતો હતો, ત્યારે તેના હાથમાંથી રિવોલ્વર સરકી ગઈ અને ગોળી વાગી હતી જે તેના પગમાં વાગી હતી. ડૉક્ટરે ગોળી કાઢી નાખી છે અને તેમની હાલત સ્થિર છે. તે અત્યારે હોસ્પિટલમાં છે.
