એલ્વિશ યાદવની “સિસ્ટમ” હલી ! આખરે ગુનો કબૂલ્યો, કહ્યું- પાર્ટીમાં સાપ અને સાપનું ઝેર મંગાવતો હતો

Bigg Boss OTT 2 વિજેતા અને YouTuber એલ્વિશ યાદવની મુશ્કેલીઓ વધી રહી છે. નોઈડા પોલીસ સૂત્રોના જણાવ્યા અનુસાર, એલ્વિશ યાદવે સ્વીકાર્યું છે કે તે પાર્ટી માટે સાપ અને સાપના ઝેરનો ઓર્ડર આપતો હતો. આ ઉપરાંત તેણે એ પણ કબૂલ્યું છે કે તે પોલીસ કસ્ટડીમાં રહેલા અન્ય આરોપીઓને પહેલાથી ઓળખતો હતો.

રવિવારે નોઈડા પોલીસે એલ્વિશ યાદવની પૂછપરછ કરવામાં આવી હતી. આ પછી, પોલીસે એલ્વિશની ધરપકડ કરી અને તેને કોર્ટમાં રજૂ કર્યો, જ્યાંથી કોર્ટે તેને 14 દિવસ માટે જ્યુડિશ્યલ કસ્ટડીમાં મોકલી દીધો. હવે પોલીસ સૂત્રોએ જણાવ્યું છે કે પૂછપરછ દરમિયાન એલ્વિશ યાદવે કબૂલાત કરી છે કે તે રાહુલ સહિત તમામ ધરપકડ કરાયેલા આરોપીઓને અલગ-અલગ રેવ પાર્ટીઓમાં મળ્યો હતો અને ઓળખીતો હતો. આ ઉપરાંત તેણે આરોપીના સંપર્કમાં હોવાનું પણ કબૂલ્યું છે.

એલ્વિશને સરળતાથી જામીન નહીં મળે

નોઈડા પોલીસે એલ્વિશ યાદવ પર NDPS એક્ટની કલમ 29 લગાવી છે. NDPS એક્ટની આ કલમ ત્યારે લાગુ કરવામાં આવે છે જ્યારે કોઈ વ્યક્તિ ડ્રગ સંબંધિત ષડયંત્રમાં સામેલ હોય. દવાની ખરીદી અને વેચાણની જેમ. આ કાયદા હેઠળ આરોપીને સરળતાથી જામીન મળતા નથી. આવી સ્થિતિમાં એલ્વિશ માટે મુશ્કેલીઓ વધતી જોવા મળી રહી છે.

Web Stories View more

દેશી સફેદ જુવાર ખાવાના ફાયદા, જાણીને ચોંકી જશો

Cannesમાં કિયારા અડવાણીનો ચાલ્યો જાદું, પિંક અને બ્લેક ગાઉનમાં લૂટી મહેફિલ

જાહ્નવી કપૂરની ફિટનેસ ટ્રેનર પણ છે ખૂબ ગ્લેમરસ, જુઓ તસવીર

આ મેદાન પર રમાશે ભારત અને પાકિસ્તાનની મેચ, જુઓ વીડિયો

First Ballot Box વિશે જાણો, તેના દ્વારા થઈ હતી દેશની પ્રથમ ચૂંટણી

Knowledge : ચાલતી ટ્રેનમાં ધડક-ધડક અવાજ કેમ આવે છે? જાણો કારણ

શું છે સમગ્ર મામલો?

ગયા વર્ષે નવેમ્બરમાં પોલીસે નોઈડામાંથી પાંચ લોકોની ધરપકડ કરી હતી. આ પાંચ લોકો હતા રાહુલ, તિતુનાથ, જય કરણ, નારાયણ અને રવિનાથ. પોલીસને તેમની પાસેથી અનેક પ્રકારના સાપ અને સાપનું ઝેર મળી આવ્યું હતું. તપાસ દરમિયાન જાણવા મળ્યું કે રેવ પાર્ટીઓમાં સાપના ઝેરનો ઉપયોગ કરવામાં આવે છે. આરોપીઓએ પૂછપરછ દરમિયાન એવો પણ ખુલાસો કર્યો હતો કે એલ્વિશ યાદવની પાર્ટીઓમાં ઝેરમાંથી બનેલી દવાઓનો પણ ઉપયોગ થતો હતો.

આ પછી પોલીસે એલ્વિશ યાદવ સહિત આ તમામ આરોપીઓ વિરુદ્ધ કેસ નોંધ્યો હતો. એલ્વિશની અગાઉ પણ ઘણી વખત પૂછપરછ કરવામાં આવી હતી, પરંતુ ગઈકાલે પોલીસે પૂછપરછ બાદ તેની ધરપકડ કરી હતી. આ કેસમાં અગાઉ ધરપકડ કરાયેલા પાંચ આરોપીઓ હાલ જામીન પર બહાર છે.

એલ્વિશ વિરુદ્ધ વિવિધ કલમો હેઠળ કેસ

પોલીસે જણાવ્યું છે કે એલ્વિશ યાદવ સામે વન્યજીવ સંરક્ષણ અધિનિયમ, 1972, IPC કલમ 120B (ગુનાહિત ષડયંત્ર), 284 (ઝેર સાથે સંબંધિત બેદરકારી) અને 289 (પ્રાણીઓ સાથે બેદરકારીભર્યું વર્તન) હેઠળ કેસ નોંધવામાં આવ્યો હતો. આ પછી પોલીસે હવે NDPS એક્ટ લગાવી દીધો છે. જોકે, એલ્વિશ યાદવ પોતાના પર લાગેલા આ આરોપોને નકારી રહ્યો છે.