મસ્ક ભાઈ, વર્ષ 2028ની રાહ શું જોવી ? આ કારનામું તો રોહિત શેટ્ટી વર્ષ 2008માં જ કરી ચૂક્યા છે, હવે કઇંક નવું લાવો

દુનિયાના સૌથી અમીર બિઝનેસમેન એલન મસ્ક જ્યારે પણ કોઈ નવી ટેક્નોલોજી લાવે છે, ત્યારે આખી દુનિયા દંગ રહી જાય છે. જો કે, આ વખતે મસ્કે પોતાની જે ‘ઉડતી કાર’ થી દુનિયાને ચોંકાવવાનો પ્રયાસ કર્યો, તેને જોઈને સોશિયલ મીડિયા યૂઝર્સ પોતાની હસી રોકી શકતા નથી. જણાવી દઈએ કે, આનું કારણ બોલિવૂડ ડિરેક્ટર રોહિત શેટ્ટી છે.

મસ્કની ઉડતી કારનો વીડિયો જોયા પછી, લોકોને રોહિત શેટ્ટીની ફિલ્મોના તે દ્રશ્યો યાદ આવી ગયા, જેમાં કાર હવામાં એક્રોબેટિક્સ કરે છે. આ પછી ઇન્ટરનેટ પર એકથી એક ચડિયાતા મીમ્સ આવી ગયા. ત્યારબાદ લોકો મસ્કને કહેવા લાગ્યા કે, ‘અમારા લેજન્ડની કોપી કરવાનું બંધ કરો ભાઈ!’

મસ્કે એવું શું બતાવ્યું?

ટેસ્લાના માલિક એલન મસ્કે પોતાની આવનારી સુપરકાર ‘ટેસ્લા રોડસ્ટર’ (Tesla Roadster)નો એક નવો વીડિયો સોશિયલ મીડિયા પર શેર કર્યો. મસ્કનો દાવો છે કે, સ્પેસએક્સ (SpaceX)ની મદદથી બનેલી આ સ્પોર્ટ્સ કાર ખાસ થ્રસ્ટર્સ દ્વારા જમીનથી થોડે ઉપર હવામાં ઉડી શકે છે.

Real life, baby https://t.co/3QEqn18wig

— Tesla (@Tesla) October 16, 2026

ટેક્સાસના રૉકેટ ટેસ્ટિંગ સેન્ટરથી રજૂ કરવામાં આવેલા આ મોડેલને લઈને મસ્કનું કહેવું છે કે, તેનું પ્રોડક્શન વર્ષ 2028થી શરૂ થશે. આ કાર માત્ર 1.9 સેકન્ડમાં 0 થી 100 ની સ્પીડ પકડી શકે છે.

dear elon musk, stop copying our legend rohit shetty https://t.co/cYdJnHaDWF

— PrinCe (@Prince8bx) October 16, 2026

‘જે મસ્ક હવે વિચારી રહ્યા છે, તે રોહિત શેટ્ટી 15 વર્ષ પહેલાં કરી ચૂક્યા છે’

આ વીડિયો જેવો સોશિયલ મીડિયા પ્લેટફોર્મ X (ટ્વિટર) પર આવ્યો, ભારતીય ફેન્સે મસ્કની મજાક ઉડાવવાનું શરૂ કરી દીધું. દુનિયા જાણે છે કે, રોહિત શેટ્ટી પોતાની ફિલ્મો (‘સિંઘમ’, ‘સૂર્યવંશી’ કે પછી ‘ગોલમાલ’ સિરીઝ) માં ગાડીઓ હવામાં ઉડાડવા અને પલટી ખવડાવવા માટે જાણીતા છે. ભારતીય દર્શકોએ તરત જ રોહિત શેટ્ટીની ફિલ્મોની ક્લિપ્સ કાપીને મસ્કના વીડિયો સાથે જોડી દીધી.

એક યૂઝરે ‘ઓલ ધ બેસ્ટ’ માં ઉડતી સ્કોર્પિયોનો વીડિયો શેર કરતા લખ્યું કે, “ડિયર એલન મસ્ક… અમારા લેજન્ડ રોહિત શેટ્ટીની નકલ કરવાની બંધ કરો!”

Rohit Shetty be like ye sab kaam maine karke chod diye hai.

Flying cars

— Pankaj (@trues_falses) October 16, 2026

બીજા યૂઝરે મજા લેતા લખ્યું કે, “મસ્ક જે ટેક્નોલોજી વર્ષ 2028માં લાવવાનું સપનું જોઈ રહ્યા છે, તેને રોહિત શેટ્ટી વર્ષ 2008માં જ અજય દેવગણના હાથે જમીન પર ઉતારી ચૂક્યા છે.”

અન્ય એક યૂઝરે લખ્યું કે, “મસ્ક ભાઈએ તાજેતરમાં ગોલમાલ અને સિંઘમ બેક-ટુ-બેક જોઈ લીધી લાગી છે. ત્યાંથી જ આખું ઇન્સ્પિરેશન આવી રહ્યું છે!” હાલ આવા ઘણા મીમ્સ અલગ-અલગ સોશિયલ મીડિયા પ્લેટફોર્મ્સ પર ધડાધડ શેર થઈ રહ્યા છે.

મસ્કની આ કારના અસલ લોન્ચિંગમાં ભલે હજુ બે વર્ષનો સમય બાકી હોય પરંતુ બોલિવૂડ ફેન્સ માટે આ વીડિયો એક જબરદસ્ત મનોરંજન અને મીમ ફેસ્ટ બની ગયો છે.

Hema Malini Birthday: આ અભિનેતાની સાથે હેમા માલિનીએ 5 કે10 નહીં પરંતુ 35 ફિલ્મોમાં સાથે કામ કર્યું , જુઓ ફોટો