Singer KK Unknown Facts : આ સિંગરને કરવી પડી હતી સેલ્સમેનની નોકરી, માતા જ રહ્યા તેમની પ્રેરણા
સાધારણ પરિવારમાં જન્મેલા સિંગર કેકે એ લગ્ન માટે સેલ્સમેનની નોકરી કરવી પડી હતી. સિંગર કેકે (Singer KK) એ પોતાની બાળપણની મિત્ર સાથે કર્યા હતા લગ્ન.
જ્યારે બોલિવૂડ(Bollywood)ના સૌથી સારા અને પોપ્યુલર સિંગરની વાત કરવામાં આવે છે, ત્યારે સિંગર કેકે (Singer kk) નું નામ આ લિસ્ટમાં સૌથી ઉપર આવે છે. તેના અવાજનો જાદુ એવો ચાલતો હતો કે લોકો મંત્રમુગ્ધ થઈ જાતા હતા. એક રીતે તેમને સંગીતની દુનિયાના (Music Industry) બાદશાહ કેહવામાં આવે તો પણ નવાઈ નહીં. સિંગર કેકેમાં રોમેન્ટિક ગીતોથી લઈને દરેક પ્રકારના ગીતો ખુબ જ સુંદર રીતે ગાવાની કળા હતી. તેઓ પોતાના અવાજથી હિન્દી ગીતોના ચાહકોના દિલ પર રાજ કરતા હતા. આજે સંગીતની દુનિયાનો એ ધ્રુવ તારો આપણી વચ્ચે નથી. ચાલો જાણીએ સિંગર કેકેના જીવનની એવી વાત જેનાથી તમે પણ અજાણ હશો.
સિંગર કેકેનું જીવન
દિલ્લીમાં જન્મેલા કેકે એ પોતાનું અડધું જીવન પોતાના હોમ ટાઉનમાં જ વીતાવ્યું હતું. તેમણે દિલ્લીની સેન્ટ મૈરી સ્કૂલમાં શિક્ષણ મેળવ્યું હતું. તેમણે પોતાનું ગ્રેજ્યુએશન દિલ્લીમાંથી જ પૂરુ કર્યું હતું. તે પોતાની માતાને મલયાલી ગીતો ગાતા સાંભળતા હતા, જેને તેમના પિતા નાનકડાં ટેપ રેકોર્ડરમાં રેકોર્ડ કરતા હતા. ત્યાંથી જ તેમણે સંગીતની પ્રેરણા મળી હતી.
બોલિવૂડ સંગીત જગતનાં ખ્યાતનામ ગાયક રુપે જાણીતા કેકે એ સંગીતમાં કોઈ પ્રોફેશનલ ટ્રેનિંગ નથી લીધી. પોતાના સ્કૂલના દિવસોમાં તે પોતાની પંસદની ધુનો ગાતા હતા. સાઉથ દિલ્લીના ગ્રીન પાર્કમાં મોટા થયેલા સિંગર કેકે ફિલ્મ શોલેના ગીતોના મોટા ફેન હતા. ફિલ્મ શોલેનું ‘મહેબૂબા’ ગીત તેમનું સૌથી પ્રિય હતું. ઘણીવાર લોકો તેમની પાસે આ ગીતની ફરમાઈસ કરતા જેને સિંગર કેકે આંનદથી ગાતા.
સ્કૂલમાં ગીત માટે મળ્યું હતું પ્રાઈઝ
ગીતો ગાવાના શોખીન કેકે એ સંગીતમાં આગળ વધવા ખુબ મહેનત કરી હતી. તેમણે પોતાના સ્કૂલના સમયમાં થિયેટર પરર્ફોમન્સ આપીને પોતાની સંગીતની કળાને આગળ વધાવી હતી. તેમને સ્કૂલના થિયેટર પરર્ફોમન્સમાં ગાયેલા ગીતને કારણે તેમને સેકન્ડ પ્રાઈઝ મળ્યું હતું.
આ વર્ષમાં ગાયું હતું પહેલું ગીત
તેમેણે વર્ષ 1973માં આવેલી ફિલ્મ રાજા રાણીનું ગીત ‘જબ અંધેરા હોતા હૈ’ ગીતથી પોતાના બોલિવૂડ કરિયરની શરુઆત કરી હતી. આ ગીત માટે તેમને લોકો તરફથી સ્ટેડિંગ ઓવેશન પણ મળ્યું હતું, આ ગીતના કારણે તેમનું જીવન બદલાઈ ગયું હતું.
બાળપણની મિત્ર સાથે કર્યા લગ્ન
વર્ષ 1991માં તેમણે પોતાની બાળપણની મિત્ર જોથી કૃષ્ણા સાથે લગ્ન કર્યા. લગભગ 24 વર્ષની મિત્રતા બાદ તેઓ લગ્નના બંધનમાં બંધાઈ ગયા. તેમના દીકરાનું નામ કુન્નુથ નકુલ અને દીકરીનું નામ કુન્નુથ તમારા છે.
કેમ કરવી પડી સેલ્સમેનની નોકરી ?
સિંગર કેકે સાધારણ પરિવારમાં જન્મેલા હતા, સંગીત જગતમાં આવવા પહેલા તેમણે પોતાના લગ્ન માટે સેલ્સમેનની નોકરી કરવી પડી હતી. લગ્ન બાદ તેમણે નોકરી છોડી પોતાની સંગીત પર મહેનત કરવાનું સાહસ કર્યુ હતું.